بالفيديو ..تسريبات بين مكالمة البرادعي وشقيقه :: رفضت حضور الحوار الوطني مع زبالين مصر

عرض الإعلامي عبدالرحيم علي ببرنامجه الصندوق الأسود الذي يذاع عبر قناة القاهرة والناس تسريبات مكالمة محمد البرادعي وشقيقة علي البرادعي ودارت المكالمة حول رفضه للحضور الحوار الوطني مع رموز مصر أو كما قال في مكالمته زبالين مصر
وجاء نص المكالمة ::

علي البرادعي :أيوه يا علي أوقات بتبعتلي مجموعة زبالات زي الكويتي.. ابعته لأحمد عزت.. فرد عليه أنا بعته والراجل بتاع الكويت ده دماغه فاضية مش تبعت تاني أنا مقدرش أقابل حد لوحدي، وبخصوص شباب البيزنس والغداء والعشاء ممكن أروحه، وموضوع الهبل اللي مسمينه الحوار الوطني عايدة مراتي بتكلمني وبتقولي لو الدكتور محمد يجي بكره الساعة 6 بعد الضهر قالتلها عنده مقابله مع وزير خارجية الهند وهوه مش فاضي.. واللي اسمه المرازي طلب منها إنه يقابلني وقال 20 واحد من رموز مصر هتساهم في مناقشة الحوار الوطني، رموز مصر ديه يعني زبالين مصر ويحيي الجمل هوه اللي بيرأس الجلسة قال يعني، الخلاصة أنا مش هقعد مع ناس زي ديه دول ناس مش فاهمين رأسهم من رجليهم يعني هيعملوا حوار وطني ب 160 نفرا.. ديه حاجة بيعملوها زي أيام عبد الناصر فاكر ديه حاجة مش تصلح البلد، ولا يمكن اطلع مع 20 رموز هتلاقي الصباحي وعمرو موسى وأيمن، وأشكال ملهاش لازمة من دول.. أنا مش عايز أقرب من الشخصيات الزبالة ديه.. دول ملهمش أي قيمة.. الجيش بيشتغل لوحده وأنا كمان بشتغل لوحدي.
أنا في تويته واحدة أو حوار تلفزيوني أبقي أعلق عليه ده حوار بيضحكوا بيه على عقول الناس