داليا مصطفي عن "الممر" : " فيلم رائع .. وأولادي انبسطوا ومكنوش فكريين أن المصريين كده "

أعربت الفنانة داليا مصطفي عن إعجابخا الشديد بفيلم "الممر" بطولة النجم أحمد عز، والذي يعرض حاليا في السينمات المصرية، وينال إشادات إيجابية من الجمهور والنقاد.
وقالت داليا مصطفي عبر صفحتها علي موقع التواصل الاجتماعي "فيس بوك": " فيلم الممر رائع، فيلم حاله كده، الممثلين جمال جمال جمال بشكل مش طبيعي حسيتهم حسوا جدا جدا بالحالة الوطنية اللي عيشوهلنا، عظيم شريف عرفه، كل العناصر مميزة في الفيلم، أمير طعيمه ايه الحلاوة دي الله عليك" .
وتابعت : "الجميل بقي اوي ان بنتي و ابني مش عايزين يروحوا وانا كأم مصريه أصيله طبعا روحنا الفيلم، المهم اللي بسطني وانا بنيمهم أنهم كان رأيهم غير أنهم انبسطوا جدا، سلمي قالتلي أنا مكنتش فكره أن المصريين كده وده فرحني أنها فهمت ده، أما سليم قال هو حلو قولتله علشان كده صممت تدخله" .
واختتمت داليا قائلة: " المهم أنه فيلم حلو ومبروك لكل صناع هذا العمل العظيم" .