بقلم جيهان الدمرداش : نصائح أساسية لاستقبال شهر رمضان لست بيت

دلوقتي كل الناس مشغولة بترتيبات وتحضيرات شهر رمضان الكريم فحبيت اشارككم ببعض الحاجات اللي مهم تكون موجوده في البيت لوجبات رمضان و كمان الياميش ازاي نعرف انه سليم و جيد مش فاسد
بالنسبة للخضار والفاكهة محتاجين يكونوا فريش
بالنسبة للحوم والفراخ بنشتريهم من أماكن مضمونة
الزيوت والدهون المفيدة زي زيت الزيتون والسمنة البلدي وزيت جوز الهند
البذور زي بذور الشيا وعباد الشمس وقرع العسل وبذور الكتان عشان نضيفهم على الزبادي والسلطة
الشوفان عشان نستخدمه في وجبة السحور
مشروبات رمضان طبعا زي الخروب والكركديه و التمر هندي اللي هنعملهم في البيت بس هنحليهم بالعسل او بالسكر الدايت
طبعا ده غير المكسرات والياميش و لازم نتاكد من سلامته و انه جيد و نعرف ده عن طريق
- البلح لازم يكون لونه أصفر لكن الفاسد لونه أسود ومكرمش
- القمر الدين لونه لازم يكون برتقالى ورائحته كويسه باينه
- المشمشية لونها برتقالى فاتح لكن الفاسده لونها برتقالى غامق
- القراصيا لونها فاتح وطويلة لكن الفاسدة منها لونه غامق وصغير
- التين يجب أن يكون لونه فاتح لكن الفاسد يكون لونه غامق
- الزبيب لونه اصفر لأن من العنب النباتى والأحمر
- جوز الهند يجب أن يكون لونه أبيض لكن المنتهى الصلاحية لونه أصفر
- البندق واللوز وغيره فمنتهى الصلاحية تتغير طعمه للأسوأ فقط
فيجب التأكد عند شراء الياميش و المكسرات بأنها غير مبللة و لا يوجد بها أى نوع من الرطوبة
و يجب التأكد أنها خالية من "مرارة الطعم" أو رائحة "العفن"
ويجب أن يُحفظ الياميش فى مكان رطب بعيدا عن الشمس
ويجب ان تكون المكسرات محتفظة بالقشرة لضمان جودتها
و يجب ايضا شراء الياميش من الأماكن المعلومة والمضمونة وقراءة تاريخ الصلاحية قبل شرائها
و بعد كل المعلومات دي
يا ترى استعدتوا انتول لرمضان ازاي.؟
ما تخلوش تحضيرات رمضان فالمطبخ تنسيكوا تحضيرات أرواحنا وقلوبنا لرمضان
وكل سنه وانتوا طيبين
ورمضان كريم