اعتداء وحشي من عضو نادي سموحة لعامل كافتيريا .. والسبب علبة سجائر (فيديو)

تداول رواد مواقع التواصل الاجتماعي «فيس بوك، وتويتر»، مقطع فيديو للحظة اعتداء بالضرب المبرح من شخص على عامل كافيتريا بنادي سموح بمحافظة الإسكندرية.
وأظهر مقطع الفيديو، شخص مفتول العضلات يعتقد أن عضو في نادي سموحة، يقوم بضرب عامل كافتيريا بالنادي سالف الذكر، وسط صمت من قبل رجل الأمن في النادي.
ومن جانبه شارك الإعلامي أحمد سالم، الفيديو، وعلق عليه، قائلا: « مين البلطجي ده، وأبن مين في مصر عشان يفتري علي العامل الغلبان كدة، وفين النخوة والرجولة عند زمايله اللي ممكن أي حد فيهم يتعرض لنفس الموقف».
وتابع سالم، أنه : «حق العامل ده في رقبة المهندس محمد فرج عامر ولازم كرامته ترجعله قدام الدنيا كلها».
فيما نشرت صفحة تدعى، «اسكندرية كمان وكمان»، مقطع الفيديو.
وكشفت قصة الواقعة، قائلة: «هل الواسطه والبلطجة هي السائدة بنادي سموحة حاليا، وعلاء ابراهيم عبده خواص عضو ب نادى سموحه، حضر الساعه 7 حضر وشرب القهوة ب كافيه بن العميد داخل النادي ونسى علبه السجائر، بعدها ب ساعه الويتر اثناء التنضيف رمى العلبه».
وأضافت : «الساعة 9 العضو علاء عاد للكافية ومعه 6 افراد وسال على علبه السجائر العمال ردوا عليه العلبة احنا رميناها وبنتأسف لحضرتك وهنعوض حضرتك ب علبه اخرى جديده، العضو رد عليهم متعصب ومع الفاظ خارجه وقال انا عاوز العلبه دى ومش عاوز غيرها علشان كان فيها، وقام تفتيش المحل وتفتيش العمال ذاتيا اثناء غياب امن النادى وقام بمشاهده فيديوهات كاميرات المراقبه من الساعه 9:30 م الى الساعه 1 حتى انه تاكد ان العامل لقى العلبه بالقمامه وقام بتفتيش اكياس القمامه هو واصدقائه».
وأكملت: «تانى يوم العضو راح الكافيه وزى ماهو موضح ف الفيديو اعتدى على العامل، وكما ظاهر ف الفيديو يوجد فرد امن يشاهد الاعتداء ولم يفعل أي شيء، وقام صاحب المحل بعمل مذكره عند العقيد عصام وقرر الشئون القانونيه ب النادى وقف العضو لمده اسبوع واحد فقط حين انتهاء التحقيق».