زوجها السبب.. ميمي جمال تكشف سر ابتعادها عن الفن مدة 6 أعوام

كشفت الفنانة القديرة ميمي جمال السر وراء ابتعادها عن عالم التمثيل والأضواء مدة 6 سنوات، مشيرة إلى أن السبب يعود لوفاة زوجها الفنان الراحل حسن مصطفى ودخولها في فترة اكتئاب نتيجة ذلك.
ميمي جمال تكشف سر ابتعادها عن الفن مدة 6 أعوام
وخلال لقائها ببرنامج "معكم"، قالت ميمي جمال :"مكنتش قادرة اشتغل، قعدت 5 أو 6 سنين في البيت، وبيجيلي أعمال وأرفضها.. في ناس بتقدر تقوم من حزنها وتكمل بس أنا وقتها مقدرتش.. ده إحنا فضلنا عايشين مع بعض عمر بحاله، قعدنا حاجة وأربعين سنة مع بعض.. ومكنش في غيره في حياتي ومتجوزتش غيره".
وواصلت حديثها :"وبعد العمر ده فجأة يبعد عني وميبقاش موجود معايا.. كانت فترة صعبة.. بعدها قلت مش عايزة اشتغل أنا عندي بنتين وأنا معاهم لحد ما افوق. بس الفوقان ده اتأخر شوية، جه بعد 5 سنين من وفاته، لإن لقيت بناتي اتجوزوا وخلفوا وأنا قاعدة لوحدي في البيت.. فرجعت للتمثيل".
كما ذكرت الفنانة ميمي في الحلقة ذاتها كواليس زوجها من الفنان حسن مصطفى فقالت :"والدتى كانت رافضة عشان كان أكبر منى ب 14 سنة، وكان أصلا متجوز قبل كده وكان عنده بنت اسمها سمية".
كذلك تابعت :"اصريت على الزواج منه لأنى ارتحت له جدا، ولأن والدى توفى وانا صغيرة ومحستش بالأبوة والحضن الدافي، وحسن كان بالنسبة ليا هو ده وكان بيسمعنى لما اشتكيله وكنت مسنودة صح، وبقى عندى أمى وجدتى بس حسن اللى ساند ضهرى، وقلتلها وقتها أنا مش عاوزة رجل غنى ولا منتج عشان ينتج أفلام زى بعض الزميلات، أنا ببص لراحتى وحسن مصطفى قدر يعمل ده".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا