رد صادم من مي حلمي علي متابعة طلبت منها مساعدة مادية!

تعرضت الإعلامية مي حلمي للإنتقادات لاذعة من قبل الجمهور عقب قيامها بالرد على متابِعة طلبت منها مساعدة مالية، لترد الإعلامية بإجابة غير متوقعة صدمت جمهورها.

فنشرت الإعلامية مي حلمي عبر حسابها بموقع "إنستجرام" من خلال خاصية الاستوري طلب متابعة منها مبلغ مادي لمساعدة نجلها في مصاريفه الدراسية فكتبت : "اللي أنا هقوله دا مش جحود ولكن كلنا شقيانين بشكل أو بآخر بطريقة أو بأخرى، لما حد يبعتلي يقولي أنا قد مامتك نفسي في طلب ابني في الجامعة ونفسي يلبس زي أصحابه حلو، ممكن تساعديني ولو بطقم"، أحب أرد عليها وأقولها دي رفاهية، والرفاهية دي عشان نعملها بنتعب جدًا".

وتابعت الإعلامية منشورها "ما تخلي ابنك يشتغل يعنى هو أبنك أحسن مني .. فيه ناس في الجامعة متشحططة ومتغربة وبتدرس برضو، وشغالة في نفس الوقت، انتي ابنك أحسن من الناس المتغربة دي!".

واسترسلت حديثها "انتي المفروض تساعديه يبقي راجل عشان اللي تتجوزه متبتهدلش معاه، ويبقي قاعد في البيت وتخرج هي تصرف عليه، ومتعانيش زي ما ستات كتير بتعاني، فكرتيني بأيام مرة، وسودا، ليه أنا أصرف على واحد، علميه يشتغل".

وواصلت "أنا كنت بشتغل وأنا في الجامعة ليه انتي عاوزة تشحتي لابنك عشان يلبس كويس زي صحابه، ما تخليه يشتغل ويلبس من فلوسه لأني كنت شغالة وأنا في الجامعة، مع إن أهلي مش محتاجين التعاون دا، بس ليه أنا أخلي أمي تطلب طلب زي ده".

واستكملت حديثها "ابنك مش أحسن مني، وكان عندي كرامة وعزة نفس، مش تحامل بس انتوا نسيتوا قوانين الدنيا، يعني انتي عايزاني أصرف على رفاهية ابنك بدل ما تقوليله اشتغل".

وفي النهاية اختتمت الإعلامية حديثها بنصيحة قالت فيها "محدش بيساعد حد، وناس متغربة وشغالة، محدش بيساعد حد إلا في الحالات القصوى، المرض، الحوادث، الحاجات الكبيرة، وأنا شغالة من وأنا عندي 16 سنة، إنما أصرف على ابنك عشان يلبس، انتي المفروض تساعديه عشان يبقي راجل مش تشحتيله".