«بلاش تشحتيله».. رد صام من مي حلمي على أم طلبت مساعدتها في ملابس لنجلها

تلقت الإعلامية مي حلمي، العديد من الأسئلة، علي خاصية "Ask" عبر ستوري حسابها الشخصي، بموقع تبادل الصور والفيديوهات الشهير "إنستجرام".
وكان أبرز سؤال طُرح عليها، من سيدة، تقول فيه: "أنا يعتبر قد مامتك، نفسي في طلب، ابني في الجامعة ونفسي يلبس زي أصحابه حلو، ممكن تساعديني لو بطقم، أنا مش معايا فلوس".
وردت مي حلمي، عليها قائلة: "اللي أنا هقوله دا، مش جحود، ولكن كلنا شقيانين بشكل أو بآخر، بطريقة أو بأخرى، لما حد يبعتلي يقولي أنا قد مامتك، نفسي في طلب ابني في الجامعة ونفسي يلبس زي أصحابه حلو، ممكن تساعديني ولو بطقم"، أحب أرد عليها وأقولها: "دي رفاهية، والرفاهية دي عشان نعملها بنتعب جدًا".
وأضافت: "أنا كنت بشتغل وأنا في الجامعة ليه انتي عاوزة تشحتي لابنك عشان يلبس كويس زي صحابه، ما تخليه يشتغل ويلبس من فلوسه، لأني كنت شغالة وأنا في الجامعة، مع إن أهلي مش محتاجين التعاون دا، بس ليه أنا أخلي أمي تطلب طلب زي ده، ابنك مش أحسن مني، وكان عندي كرامة وعزة نفس، مش تحامل بس انتوا نسيتوا قوانين الدنيا، يعني انتي عايزاني أصرف على رفاهية ابنك بدل ما تقوليله اشتغل".
واختتمت قولها: "محدش بيساعد حد، وناس متغربة وشغالة، محدش بيساعد حد إلا في الحالات القصوى، المرض، الحوادث، الحاجات الكبيرة، وأنا شغالة من وأنا عندي 16 سنة، إنما أصرف على ابنك عشان يلبس، انتي المفروض تساعديه عشان يبقي راجل، انتي المفروض تساعديه عشان يبقي راجل مش تشحتيله".

وتحرص مي حلمي على مشاركة متابعيها وجمهورها عبر حسابها الرسمي على موقع تبادل الصور والفيديوهات إنستجرام، أبرز الصور و الإطلالات التي تظهر بها في مختلف المناسبات.
مشوار مي حلمي الإعلامي
بدأت مي حياتها الإعلامية عبر الإذاعة، وقدمت العديد من البرامج منها أوسكار الأغنية الشعبية، عبر إذاعة شعبي إف إم وقدمت على راديو 9090 برنامج ما تسمعش وبس، ويعتبر عملها في راديو 9090 ، واتجهت مي حلمي بعدها للعمل الإعلامي عبر شاشة التلفزيون، من خلال تقديمها بعض البرامج على فضائية النهار رياضة وأون سبورت والحدث، وآخر أعمالها هو برنامج "الحكم"، الذي يعرض حاليا علي قناة " الحدث اليوم ".
IMG_20230124_055626 images IMG_20230124_025436
https://instagram.com/stories/maihelmy.official/3021936363254773691?igshid=MDJmNzVkMjY=