قبل مباراة القمة غدًا.. ياسمين عز تكشف مواصفات الرجل الزملكاوي والأهلاوي

علقت الإعلامية ياسمين عز، على مباراة القمة غدًا بين الزمالك والأهلي ضمن منافسات الدوري المصري، حيث وضعت للرجل الزملكاوي والأهلاوي مواصفات.
وقالت "ياسمين عز" خلال تقديم برنامجها "كلام الناس" المذاع على فضائية "إم بي سي مصر" مساء اليوم الجمعة: "الرجل الزملكاوي لو غيرتي أي حاجة في البيت أو في شعرك دايما هيعرفها ويشكرك عليها".
وأضافت "دايما يشعرك بالرضا ودائما أي حاجة أنتي بتعمليها علشانه تكون محل تقدير بالنسبة له عايزة ايه تاني".
وتابعت "ايه هي مزايا ومواصفات وحلويات الرجل الأهلاوي. أصيل عمره ما يتخلى عنك في يوم مهما كنتي مضيقاه لأنه واخد عهد على نفسه أنه على الحلوة والمرة معاكي".
واستطردت "لا يرضى غير بالمركز بالأول سواء في شكلك أو في بيتك أو في معاملتك. مهما تحطي أكل ميقمش غير وهو شبعان طبق الفول أو الكشري عنده أحلى من السوشي".
وأردفت "لو فكرتي تغضبي وتسيبي البيت صعب ترجع ليه لأن الأهلاوي عنده قوانين صارمة. ويركز على الهدف اللي عايز يوصله لشغله".
وأكملت "يعشق الاحتفال بكل مناسبة عمره ما ينسي عيد جوازك بيحب الاحتفالات وهو راجل فرفوش ومناسبات غريبة هي من وجهة نظره تخلد أمجاده وذكرياته معاكي يعني لو عجبه البطة بالبرتقال تقلاقيه يقولك كل أسبوع البطة ممكن".
واستكملت حديثها "هيطبق عليكي كل الشعارات وهتعيشي جوه قلبه من صغري بعشقك وعشانك يا غزال بهز جبال. كل التوفيق لعمو كولر وجدو ولكل زوجة كثفي الدعوات قبل المباراة علشان تعيشي أسبوع من الهناء والسعادة".