عبر الفنان محمد نجاتي، عن استيائه الشديد من منشور لأحد الكتاب يقارن فيه بينه وبين الفنان أمير كرارة، قائلا: أن كرارة وصل لهذه المكانة بسبب اجتهاده.
أضاف نجاتي، خلال فيديو نشره عبر "انستجرام"، "بالنسبة للبوست اللي اتقال فيه شوف كرارة فين ومحمد نجاتي فين، دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الممثلين وأتمنى أشارك فيها، ولكني مضطر اشتغل".
تابع، "وأحيانا بضطر أقبل حاجات مش راضي عنها علشان أقدر أكمل حياتي وإذا كانت الوضعية دي مضايقة ناس ممكن اعتزل واريحكم كلكم مني".
وكان أعلن الفنان محمد نجاتي، عن مقاضاته للشاعر أيمن بهجت قمر بعد وصف تصريحاته بالحقيرة، حيث قال: "مفيش أحقر من اللي أنت قلته، وأنا لم ولن أتراجع، وحقي هاخده بالقانون، وهرفع عليك قضية سب وقذف علني ومش هسيبك".
أضاف نجاتي، خلال التصريحات الصحفية، "هو أنا جبت سيرتك وإزاي شاعر بالأحاسيس دي يقول الألفاظ دي أنا اشتغلت مع وحيد حامد وبشير الديك وبفهم في السيناريو كويس جدًا".
تابع نجاتي، أن ما قاله خلال لقائه في البرنامج التلفزيوني قبل يومين، كان واضحًا وفي سبيل الدعابة، حيث كان يداعب والدته، حينما كان يعرض عليه سيناريوهات سيئة.
وكان محمد نجاتي قال في لقائه ببرنامج "كلام الناس" عبر قناة mbc مصر مع ياسمين عز: "السيناريو اللي مش عاجبني هيعجب غيري، وطالما أنا شايف أني مش محتاجله أو دون المستوى مش هعمله، بعد فيلم عرق البلح اتعرضت عليا سيناريوهات ومكنتش بحبها وكنت واخد جائزة أحسن ممثل في بلجيكا، لما كان بيتعرض عليا فيلم وحش كنت بخلي ماما تصفي عليه البطاطس علشان يشرب الزيت وأهين السيناريو