الجمهور يهاجم الفنان محمد عطية بعد تحريمه أكل اللحوم.. اعرف التفاصيل

أعلن الفنان محمد عطة، اقلاعه التام عن تناول أي أنواع من اللحوم من خلال حسابه الشخصي بموقع تبادل الصور والفيديوهات "انستجرام"، حيث كتب: "ناس كتير باعتة تسألني عن الأكل اللي بحطه في الاستوريز بتاعتى بقالي كام يوم.. انت بقيت ڤيجن؟.. الحقيقة أنا بحب الحيوانات جدا، وبقالي أكتر من سنتين مسيطرة على دماغى فكرة إنى مش قادر آكل كائن بيتحرك وبيحس وبيتألم، وكل ما كنت أشوف فيديوهات الأضحية اللى بتنتشر وقت الأعياد بقرر إني خلاص مش عاوز أكون طرف في المعادلة دي، بس كل مرة ما كنتش بنفذ ده".
أضاف، "من كام يوم قررت إني أوقف أكل الحيوانات ومنتجاتها، وبعيدا عن إن أغلب الناس في مجتمعنا هيسخروا من الفكرة، أنا بعمل الحاجة اللي أقدر أكون بيها مرتاح، وأكيد مش بحكم على أي حد بياكل لحوم، وكل واحد مرتاح في حاجة يعملها".
تابع، "تلخيصا لنقاش الحلال والحرام، مفيش حاجة بتحرم إني ما اكلش حيوانات، أو اعمل حاجة تريح ضميري تجاه الحيوانات، أنا كنت بحس بتناقض، وأنا بحب الحيوانات وبدافع عن حقوقهم، وأرجع آكل فراخ أو لحمة".
واختتم حديثه قائلًا: "النقاشات اللي حوالين الموضوع لا تعنيني بشيء، لأن الحقيقة أنا بدور على راحتي نفسيا قبل أي حاجة، المهم عشان الناس اللي بتبعت تسألني، أيوة أنا قررت أبقى ڤيجن".
لتنهال عليه تعليقات الجمهور، الذين رفضوه هذا الأمر ومن التعليقات: "على فكرة، انت مش بتاكل لحم كلاب ولا لحم قطط، انت بتاكل حاجات من اللي ربنا حللها من الماشية والدواجن، وفكرة الفيجن دي من الغرب، لانهم بيأكلوا أي حاجة".
أخبار الفنمحمد عطية