أتقوا ربنا وخلي عندكوا شوية دم".. رضوى الشربيني ترد علي شائعات زوجها من ملياردير مغربي (فيديو)

لم تكن هذة الشائعة الأولي التي يتم ترويجها عن زواج الإعلامية رضوي الشربيني من رجل أعمال عربي، ودائما ماتحرص الشربيني علي رد علي هذة الشائعات ونفيها ولكن بنشر تغريدة فقط علي جميع حساباتها المختلفة تعبر فيها عن داهشتها وأنها لا تعلم من الرجل الذي أعلنوا زوجها منها.
هذة المرة خرجت رضوي الشربيني بفيديو لأيف عبر حسابها بموقع "فيسبوك" لرد علي هذة الشائعات، وقالت فيه :" بصوا ياجماعة أنا قولتلكم، إني يوم ما أفكر أتجوز أو أتخطب أو أي حاجة، فأنا أكيد هقولكم وأخذ بأرائكم، زي ما نتوا بتعلموا لأنكم عائلتي، فلو هتجوز أو كده هكون باخد رأيكو مش بعرفكو، اتجوزت ملياردير مغربي أو غيره".
وتابعت: "دي شائعة زي شائعة زي ما قالو 18 مرة أتجوزت، 20 خطوبة، و3000 مش عارفة إيه، في حد صحفي منزل صورتي على صفحته وبيقول ها أقول إتجوزتي مين واتجوزتي عرفي، والله خلينا ساكتين عشان مش هيملي عيني، فأنا عايزة أقول بس ل أي حد بيقول إني اتجوزت رسمي أو عرفي، فلو أنت راجل واللي في وشك دا شنب، أطلع قول رضوى الشربيني اتجوزت وهات ورقة".
وأضافت: "عيب الخوض في أعراض الناس كدا، أنا بكلمك أنت عندك مراتك وأختك، ومراتك دخلت تكتبلك تعليق، وتقولك أنا عارفة هي اتجوزت مين، محسسني إنكم معايا في البيت يا حرام، فأطلع أنت والمدام قولوا أنا اتجوزت مين عرفي، والشهود أهم وفي الحتة الفلانية".
وقالت: "أتقوا ربنا وخلي عندكوا شوية دم، لأن دي إسمها خوض في أعراض الناس، وقولها رسمي، وبعدين إيه يعني لما أتجوز دي سنة الحياة، ولما أجي اتجوز المرة الجاية هقولكم وأوريكم ال"Cv"، ومبعرفش أخبي، وأنا ست بميت راجل، عيب أنا رضوى الشربيني ولو أتجوزت هقول هعمل يافطة".
واختتمت: "مين هو الملياردير المغربي، أنا متعزمتش لأني معرفش هو فين أصلا، في المغرب مثلا، فلو كان محترم وكده ميمنعش عادي يعني قولولي ياجماعة".