نعت الفنانة هنا الزاهد، الفنان الراحل طلعت زكريا ، برسالة مؤثرة ، عبر حسابها على موقع الصور والفيديوهات إنستجرام. ونشرت هنا، صورة تجمعها بالفنان الراحل ، وعلقت قائلة : "دي آخر صورة اتصورتها في كتب كتابي مع أبويا وحبيبي وسندي اللي كبرت معاه سنين. أنا فاتحة الصورة دي من بدري وعايزة أقولك إن ربنا هيدخلك الجنة يا أطيب خلق الله. وتابعت:" إنت ربيت 3 بنات كأنك أبوهم وأكتر. أنا عايزة أقولك إني معرفتش كلمة بابا غير وأنا معاك. عمري ما قولت أصلا تقريبا بابا غير ليك. كنت بجري عليك أول معمل حاجة غلط عشان تدافع عني قدام ماما. فاكرة أول بيض أومليت وقولتلي اعملي مطعم "بالهنا والشفا" وإديتني 100 جنيه عشان تشجعني أطبخ". وأضافت : "كنت دايما تقولي إنتي هتبقى حاجة كبيرة وكنت بتشجعني. كنت فخور بيا لما اتخرجت وعيطت اليوم ده. أنا عمري ما حسيت إنك مش أبويا اللي مخلفني. أنا مش مصدقة إني مش هشوفك تاني وأقولك زازي يا زازي.. نفسي ترجع وأقولك قد إيه إحنا بنحبك كلنا وأقولك إنك أعظم ممثل. وإختتمت :" أنا بحبك أوي ومكنتش أعرف إني بحبك أوي كده. هتوحشني يا أحن إنسان عرفته في حياتي. أرجو الدعاء". وقد رحل الفنان طلعت زكريا، مساء أمس بعد تعرضه لوعكة صحية، ونقل على إثرها لإحدى المستشفيات عن عمر يناهز 59 عامًا.
View this post on Instagram دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين. انا فتحة الصورة دي من بدري و عايزة اقولك انك ربنا هيدخلك الجنة يا اطيب خلق الله انت ربيت 3 بنات و كأنك ابوهم و اكتر. انا عايزة اقولك اني معرفتش كلمة بابا غير و انا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما. فكرة اول بيض اوملين و قولتلي اعملي مطعم " بالهنا و الشفاه" و اديتني 100 جنيه عشان تشجعني اطبخ. كنت دايما تقولي انت هتبقى حاجة كبيرة و كنت بتشجعني. كنت فخور بيا لما اتخرجت و عيط اليوم ده. انا عمري محسيت انك مش ابويا اللي مخلفني. انا مش مصدقة اني مش هشوفك تاني و اقولك زازي يا زازي.. نفسي ترجع و اقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء A post shared by هنا الزاهد (@hannahelzahed) on Oct 8, 2019 at 5:00pm PDT