هنا الزاهد تنعي طلعت زكريا: «معرفتش كلمة بابا إلا وأنا معاك»

أعربت الفنانة هنا الزاهد عن حزنها الشديد لرحيل الفنان طلعت زكريا، الذي وافته المنية أمس الثلاثاء، عقب أزمة صحية تعرض لها.
وعبر حسابها على موقع الصور «إنستجرام»، نشرت صورة تجمعها به من حفل كتب كتابها على الفنان أحمد فهمي، وعلقت قائلة: «دي آخر صورة اتصورتها في كتب كتابي مع أبويا وحبيبي وسندي اللي كبرت معاه سنين. أنا فتحة الصورة دي من بدري وعايزة أقولك إنك ربنا هيدخلك الجنة يا أطيب خلق الله إنت ربيت 3 بنات وكأنك أبوهم وأكتر. أنا عايزة أقولك إني معرفتش كلمة بابا غير وأنا معاك».
وتابعت: «عمري مقولت أصلا تقريبا بابا غير ليك. كنت بجري عليك أول معمل حاجة غلط عشان تدافع عني قدام ماما. فكرة أول بيض أومليت وقولتلي إعملي مطعم (بالهنا والشفا) واديتني 100 جنيه عشان تشجعني أطبخ. كنت دايما تقولي إنت هتبقى حاجة كبيرة وكنت بتشجعني. كنت فخور بيا لما اتخرجت وعيطت اليوم ده. أنا عمري محسيت إنك مش أبويا اللي مخلفني. أنا مش مصدقة إني مش هشوفك تاني وأقولك زازي يا زازي.. نفسي ترجع وأقولك قد إيه إحنا بنحبك كلنا وأقولك إنك أعظم ممثل. أنا بحبك أوي ومكنتش أعرف إني بحبك أوي كده. هتوحشني يا أحن إنسان عرفته في حياتي. أرجو الدعاء».
View this post on Instagram
دي اخر صورة اتصورتها في كتب كتابي مع ابويا وحبيبي وسندي اللي كبرت معاه سنين. انا فتحة الصورة دي من بدري وعايزة اقولك انك ربنا هيدخلك الجنة يا اطيب خلق الله انت ربيت 3 بنات وكأنك ابوهم واكتر. انا عايزة اقولك اني معرفتش كلمة بابا غير وانا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما. فكرة اول بيض اوملين وقولتلي اعملي مطعم «بالهنا والشفاه» واديتني 100 جنيه عشان تشجعني اطبخ. كنت دايما تقولي انت هتبقى حاجة كبيرة وكنت بتشجعني. كنت فخور بيا لما اتخرجت وعيط اليوم ده. انا عمري محسيت انك مش ابويا اللي مخلفني. انا مش مصدقة اني مش هشوفك تاني واقولك زازي يا زازي.. نفسي ترجع واقولك قد ايه احنا بنحبك كلنا وا قولك انك اعظم ممثل. انا بحبك اوي ومكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء
A post shared by هنا الزاهد (@hannahelzahed) on Oct 8، 2019 at 5:00pm PDT