شاهد.. هنا الزاهد ناعية طلعت زكريا: أطيب خلق الله

نعت الفنانة هنا الزاهد زوج والدتها الفنان الراحل طلعت زكراي بكلمات مؤثرة عبرت من خلالها عن افتقادها له وحزنها الشديد علي وفاته.
وطالبت جمهورها بالدعاء له وذلك عبر حسابها الرسمي بموقع تبادل الصور والفيديوهات الشهير "إنستجرام".
كما نشرت هنا صورة من عقد قرانها ظهرت فيها وهي تحتضن الفنان الراحل، وعلقت قائلة: "دي اخر صورة اتصورتها في كتب كتابي مع ابويا و حبيبي و سندي اللي كبرت معاه سنين.. انا فاتحة الصورة دي من بدري و عايزة اقولك انك
ربنا هيدخلك الجنة يا اطيب خلق الله انت ربيت 3 بنات و كأنك ابوهم و اكتر".
وتابعت: "انا عايزة اقولك اني معرفتش كلمة بابا غير و انا معاك. عمري مقولت اصلا تقريبا بابا غير ليك. كنت بجري عليك اول معمل حاجة غلط عشان تدافع عني قدام ماما. فكرة اول بيض اوملين و قولتلي اعملي مطعم بالهنا و الشفاه" و اديتني 100 جنيه عشان تشجعني
اطبخ.. كنت دايما تقولي انت هتبقى حاجة كبيرة و كنت بتشجعني".
وأضافت هنا: "كنت فخور بيا لما اتخرجت و عيط اليوم ده. انا عمري محسيت انك مش ابويا اللي مخلفني. انا مش مصدقة اني مش هشوفك تاني و اقولك زازي يا زازي.. نفسي ترجع و اقولك قد ايه احنا بنحبك كلنا و ا قولك انك اعظم ممثل. انا بحبك اوي و مكنتش اعرف اني بحبك اوي كده. هتوحشني يا احن انسان عرفته في حياتي. ارجو الدعاء".
يذكر أن الفنان طلعت زكريا توفي عصر أمس الثلاثاء، عن عمر ناهز ال58 عامًا، بعد تعرضه لوعكة صحية نُقل علي أثرها إلي المستشفي.