عقب تشييع جنازته| هنا الزاهد ل«طلعت زكريا»: الناس بتحبك أوي

حضرت الفنانة هنا الزاهد، جنازة الفنان طلعت زكريا بالإسكندرية، التي شارك فيها نجوم الفن المقربين منه.
نشرت هنا صورة للجنازة على صفحتها الرسمية على موقع التواصل الاجتماعي «تويتر»، معلقة عليها ب: «يا حبيبي الناس بتحبك اوي، أرجو الدعاء لطلعت زكريا. إنا لله و إنا إليه راجعون.. ربنا يرحمه و يغفر له يارب».
يا حبيبي الناس بتحبك اوي. ارجو الدعاء لطلعت زكريا. ان لله و ان اليه راجعون. ربنا يرحمه و يغفر له يارب pic.twitter.com/6bKs1ON0nr
— Hannah El-Zahed (@HannahElZahed) October 9, 2019
وكانت هنا قد نعت زوج والدتها لفنان طلعت زكريا بصورة تجمعهما على صفحتها الرسمية على موقع التواصل الاجتماعي «انستجرام» معلقة عليها ب :" دي آخر صورة أتصورتها في كتب كتابي مع أبويا وحبيبي وسندي اللي كبرت معاه سنين، أنا فتحة الصورة دي من بدري وعايزة أقولك انك ربنا هيدخلك الجنة يا أطيب خلق الله أنت ربيت 3 بنات وكأنك أبوهم وأكتر".
وأضافت هنا :" أنا عايزة أقولك أني معرفتش كلمة بابا غير وأنا معاك، عمري ما قولت أصلا تقريبا بابا غير ليك، كنت بجري عليك أول معمل حاجة غلط عشان تدافع عني قدام ماما، فكرة أول بيض أومليت وقولتلي اعملي مطعم "بالهنا والشفاه" وأديتني 100 جنيه عشان تشجعني اطبخ".
وقالت :" كنت دائما تقولي أنت هتبقي حاجة كبيرة وكنت بتشجعني كنت فخور بيا لما أتخرجت وعيطت اليوم ده، أنا عمري ما حسيت أنك مش أبويا اللي مخلفني، أنا مش مصدقة أني مش ها شوفك تاني وأقولك زازي يا زازي".
وأخيراً :" نفسي ترجع وأقولك قد أيه إحنا بنحبك كلنا وأقولك أنك أعظم ممثل، أنا بحبك أوي ومكنتش أعرف أني بحبك أوي كده.. هتوحشني يا احن إنسان عرفته في حياتي.. أرجو الدعاء".