بشرى من داخل منزل أحمد فلوكس وهنا شيحة لكشف حقيقة طلاقهما

أعلنت الفنانة بشرى ، عبر حسابها على موقع الصور والفيديوهات إنستجرام ، عن ذهبها لمنزل الفنان أحمد فلوكس والفنانة هنا شيحة، للتأكد من خبر إنفصالها.
وصورت بشرى فيديو لايف من خلال "إنستجرام"، أثناء وصولها لمنزلهما ، وقالت : "أنا وضعى محرج بالنسبة ليهم هنا الاتنين لأن هنا شيحة حبيبتى وكمان أحمد فلوكس حبيبى لأننا عيشنا ظروف صعبة وكنا شغالين فى بدايتنا والظروف دى قربتنا من بعض".
وتابعت: "لو حصل يا جماعة خناقة أو خلاف بين اتنين متجوزين هو فى بيت مفيهوش خناقات وخلافات، ده عادى بيحصل فى كل بيت، ولما اسمع خبر سخيف زى خبر انفصالهما مش عارفة اعمل ايه أو أقول ايه".
قالت هنا شيحة خلال الفيديو: "أنا كنت نايمة وقمت من النوم من كتر التليفونات اللى جتلى وأنا عيانة وعندى برد ولقيت أخبار مستفزة جدًا، وأحمد نايم لأنه رجع متأخر بسبب التصوير، ومش عارفة أقوله أيه، لأنه حتى شفت أخبار بتقول إنى سيبت البيت وروحت منزل والدى فى الشيخ زايد اللى هو كلام خاطئ لأن والدى لا يملك منزلاً هناك".
وتابعت: "والدى كلمنى من الخضة عليا والبيت كله بيقولولى فى ايه، مش عارفة ليه الناس بتحب تخلق موضوع من لا شىء، إحنا اخترنا شغلنا لأننا بنحب المهنة دى لكن مش من حق أي شخص يتدخل فى أمورنا الشخصية".
وأضافت: "إحنا بنحب الناس لأنهم سبب نجاحنا فى شغلنا، أما الجانب السخيف والتطفل والكلام الغلط والشائعات، يعنى ليه مش نخلينا فى الخير، وليه الصحافة مش بتتحقق من الخبر، لأن زى ما بيكلمونا فى الحاجات الصغيرة ياريت يكلمونا فى الحاجات المهمة وإحنا هنجاوبهم عادى".
ونشرت بشرى، أيضا صورة تجمعها وعلقت قائلة:" هنا وأحمد بخير والحمد لله.. بس هنا عيانة وعندها دور برد جامد وحساسية شديدة.. وأنا سعيدة إن الخبر طلع فشنك".
وكانت شائعات قد انتشرت تفيد بإنفصال الفنانة هنا شيحة والفنان أحمد فلوكس، وأنهما قاما بإلغاء متابعتهما لبعضهما على موقع "إنستجرام".
View this post on Instagram
هنا واحمد بخير والحمد لله بس هنا عيانة و عندها دور برد جامد و حساسية شديدة …وانا سعيدة ان الخبر طلع فشنك …. @hanashiha @ahmedfalawks_official تابع الفيديو فى الستورى
A post shared by Bushra Rozza (@bushraofficial) on Mar 5, 2019 at 11:26am PST