بسبب سفاح الجيزة.. صبرى فواز يدافع عن داليا شوقي بعد الانتقادات التى طالتها

دافع الفنان صبري فواز عن الممثلة الشابة داليا شوقي بعد الإنتقادات التي تعرضت لها مؤخرا بسبب أحد مشاهدها في مسلسل "سفاح الجيزة".
قال صبري فواز خلال حواره مع الإعلامية إنجي أنور في برنامج "مصر جديدة" المذاع على شاشة etc "أنا بقول رأيي عادي وحريص جدا أن ميبقاش في تجاوز لا قانوني ولا تجاه أي شخص واني اكون عارف تفاصيل الموضوع اللي بتكلم فيه غير كدة مش بتكلم"
وتابع "وانا معنديش عداوات لا مهنية ولا شخصية ومفيش مشكلة اقول رأيي"
وعن دفاعه عن داليا شوقي قال "اه دافعت عن داليا شوقي لأن اللي حصل معاها كان اوفر شوية، وممكن نتعامل معاها زي لعيب ضيع انفراد ودة وارد وحتى لو المشهد مش عجبك مش بننفي اللعيب من الفرقة علشان ضيع انفراد خصوصا أنها جابت اجوان قبل كدة وهي عملت شغل حلو اخرهم في مسلسل "وبينا معاد" فإذا هي ممثلة كويسة فحتى لو المشهد وحش متبقاش قاسي عليها"
يذكر أن، آخر أعمال الفنان صبري فواز السينمائية هو مشاركته في فيلم "ابن الحاج أحمد" بطولة الفنان شيكو.
وعن آخر أعماله الدرامية هو مشاركته في مسلسل "رمضان كريم 2"، وهو بطولة سيد رجب وبيومي فؤاد وعدد من الفنانين.