منة فضالي من كواليس مسلسل "نصيبي وقسمتك 4"

شاركت الفنانة منة فضالي، جمهورها ومحبيها بصورة جديدة لها، عبر حسابها الرسمي بموقع التواصل الاجتماعي للصور والفيديوهات "إنستجرام".
وظهرت منة فضالى في الصورة مع الفنان اسلام جمال وعدد من ابطال حكاية "تاج راسنا بابا"، من الجزء الرابع من مسلسل "نصيبي وقسمتك"، معلقة "مش عارفه اكتب ايه بجد انا فخوره بجد اني كنت جزء من هذا العمل المحترم الراقي الحقيقي والحب بنا كان كبير اوي وبجد حدوته تاج راسنا بابا من الاعمال اللي كلها احساس و مشاعر رئيسها عمنا كلنا وابونا عم صلاح عبدالله بقولك بحبك اوي يا احلي صاصا و سامحني بقي هاجر مشيت بس منه موجوده بنوتك حبيتك ربنا يخليك لينا وعلي راسنا كلنا بجد".
واضافت منة "عمرو محمود ياسين مش عارفه اقولك ايه بجد كلمه شكر قليله بس حقيقي انا بحبك جدا و انت عملت معايا واجب علي راسي ربنا يخليك ليا بجد ويحميك لانك فعلا بتتعب وجدع وكل الكلام الحلو قليل عليك❤️ محمد الخبيري المكسب والصاحب والمخرج الشاطر اوي حبيتك وحبيت شغلي معاك وانت فعلا مكسب ل اي حد ربنا يديك الخير لانك طيب وقلبك ابيض مفيش منو الف مبروك يا حبيبي، احمدعبد العاطي مش حقول منتج متميز بس حقول انت عظيم وطول عمرك متقدم ومختلف مرسيي بجد علي كل اللي بتعملو لشغلك وللناس ودائما ناجح يا رب، هيثم ناصر مدير تصوير الحدوته القمر اللي فعلا حبيتو علي المستوي الشخصي لانه فعلا متصالح مع نفسه وعبقري".
تابعت منة فضالي "شكرا لكل زملائي النجوم وبقولهم مبروك من قلبي كنتم تجننو وابدعتم، شكرا لكل فريق الانتاج والاخراج والاضاءة والملابس والاكسسوار وكل القائمين في هذا العمل المحترم الراقي شكرا لتعبكم يا رجاله تعبكم بنجاح دائما بحبكم و وحشتوني اوي و الي ان نلتقي، شكرا للجمهور اللي بيكم دائما ناجحه والصحافه والاعلام".