في اليوم العالمي للمرأة.. أمثلة شعبية اهانت المرأة المصرية

تعبر الأمثال من أهم الأشياء الموروثة والتي تركها لنا أسلافنا، ودائما ما نعتمد عليها ونستخدمها في معظم أوقاتنا الحياتية، ولكن يوجد العديد من هذه الأمثال التي تعتبر إهانة ونحن نعتمد عليها في مجتمعنا الحديث والذي يختلف علي مر العصور، وبمناسبة اليوم العالمي للمراة والذي يحتفل به العالم اليوم نتطرق لبعض الأمثلة التي نستخدمها في حياتنا وتعتبر إهانة للمرأة والتي تعتبر والدتك وأختك وزوجتك، والتي يجب أن نعيد فيها نظر لأن تفكيرنا وعادتنا تغيرت......
ويوجد العديد من الأمثال التي ظلمت المرأة ومنها
- البنت يا تسترها يا تقبرها
- البنت إذا كبرت يلجبر يلقبر
- عقربتين فى الحيط ولابنتين فى بيت
- البنت باللدح والولد بالمدح و"اللدح" بمعنى الضرب
- اللى تموت بنيته من صفا نيته
ويذكر أيضا أمثال مثل
- البايرة لبيت أبوها
- حرمة من غير راجل زى الطربوش من غير زر
- يا ويل من أعطى سرّه لمراته يا طول عذابه وشتاته
- الراجل ابن الراجل اللى عمره ما يشاور مراته
- يا مشاور النسوان يا خسران
- اقعدى فى عشك لما ييجى اللى ينشك
- كما نجد التوجيه الدائم للأهل لضرورة القسوة
- اعدل العوجة ولو فى يوم فرحها
- والتفرقة في المعاملة بين البنت والولد حيث توجد أمثال تقول
- الولد فرحة ولو قد حبة قمحة
- دلع بنتك بتعرك ودلع ابنك بيعزك
- بيت البنات خراب
- ان ماتت اختك انستر عرضك
- البنت يا تسترها يا تقبرها
- صوت حية ولا صوت بنية
- الولد لو قد المفتاح بيعمر الدار
- البطن اللي تجيب الولدانى اطعموها لحم ضانى
- البطن اللي تجيب البنية اضربوه بالعصية
- لما قالوا لى ولد اشتد ضهرى وأتسند ولما قالوا لى بنية أنهدت الحيطة علي
- ما احلى فرحتهم لو ماتوا بساعتهم
- ام البنت مسنودة بخيط .. وام الولد مسنودة بحيط
- يا مخلف البنات يا شايل الهم للممات
- البنية بلية
- النسوان إما جواهر أو عواهر أو قواهر
- الفاجرة داويها والحرة عاديها
- المرأة لو طلعت عالمريخ آخرتها للطبيخ
- ان مات أخوك انكسر ظهرك وأن ماتت أختك أنستر عرضك
- جوزت بنتى لارتاح من بلاها جاتني وأربعة وراها
- موت البنات من المكرمات
ومن ناحية وصف لجمال المرأة فلم تترك الأمثال هذا الجزء ونستعرض أيضا هذه الأمثلة حيث تقول
- إن عشقت اعشق قمر، وإن سرقت اسرق جمل
- خد الحلو واقعد قباله.. وإن جعت شاهد جماله
- أما عن الفتاة القبيحة فقالت الأمثال الشعبية
- الحلوة حلوة ولو قامت من النوم، والوحشة وحشة ولو استحمت كل يوم
- ياريتنى يا أمه كنت بيضه وبضب، أصل البياض عند الرجال يتحب
- بره ورده، وجوّا قرده
- لبسْ البوصة، تبقى عروسه
- وأشارت الأمثال أيضا الي ذكاء وحيل وكيد المرأة حيث قالت
- كيد النسا غلب كيد الرجال
- آمن للحية ولا تآمن لولية
أما في طاعتها لزوجها فيوجد
- اللى جوزها يقولها: يا عورة يلعبوا بيها الكورة
- واللى يقولها: يا هانم يقفولها على السلالم
- ضل راجل ولا ضل حيطة
- اللى جوزها يحبها الشمس تطلع لها
- إن كان الرجل بحر تكون المرأة جسر
- الجوز رحمة ولو كان فحمة
- أتجوز الارملة واضحك عليها وخذ من مالها واصرف عليها
- شاورهن وخالفوا شورهن
- اسمع للمرة ولا تؤخذ برايها
وأنصفت الأمثال الأم في قولها
- الخنفسة عند أمها عروسة
- خنفسة شافت بنتها على الحيط قالت دى لولية فى خيط
- اللى من غير أم حاله يغم
- اللى يتعلمه الطفل من أمه يحفظه ويصمه
- اللى عنده أمه ما ينحملش همه
- يا مخلى الأم تعشعش والأب يطفش
- اللى عند أمه بالبيت خبزته مدهونة بزيت
- بعد الأم أحفر وطم
- البيت بلا أم زى الجاكت بلا كم
- ريحة الام بتلم وريحة الاب بتخم