إعلامي يشيد بالفنان يحيى الفخراني: ضرب مثلا في إعلاء القانون حفاظا على الأرواح

أشاد الدكتور معتز بالله عبد الفتاح، أستاذ العلوم السياسية بجامعة القاهرة، بما فعله الفنان يحيى الفخراني، بعد أن تقدم بطلب للمهندسة منال عظية، لتنفيذ قرار الإزالة الصادر ضد منزله رقم 11 بشارع عفيفي المتفرع من شارع الثانوية، والقريب من منزل منهار مؤخرًا، بشارع بسيم بالمنصورة.
أضاف عبد الفتاح، خلال تقديمه برنامج «حلقة الوصل»، «رسالة دكتور يحيى مفاده أنه يا إخوانا يا ريت نلتزم بالقانون، رسالة جيدة جدًا، مفيش حاجة في الدنيا تستاهل إنك تخرج منه وفي رقبتك دم».
تابع: «الدنيا كلها مش هناخد منها غير أكلنا وشربنا، اللي بيبنى دورين وتلاتة مخالف حرام عليه، رزق العيال بالمخالف حرام، حرام على كل من شارك في ذلك من عناصر بناء، أرواح ناس بتضيع يا إخوانا».
واصل: «ما فعله الفخراني كلام كويس جدًا، بس ياريت بلاش نستنى لفترة طويلة، لأنه لقدر الله لو وقع البيت من فترة كان هيروح ناس، بلاش تلبعوا بأعمار الآخرين، حرام والله، بلاش يكون في رقبتك دم، بلاش تقدم مصلحتك على حساب حياة الآخرين».