الرنجة المشوية بشرائح الليمون والرنجة بالطماطم والطحينة

• كيلو رنجة.
• عصير 3 ليمونات.
• شرائح ليمون.
الطريقة:
اشوي الرنجة على النار مباشرة لغاية ماتلاقي إن الجلد اتشقق تماماً،بعد كده قسميها إلى نصفين وحطيها في طبق التقديم وابدئي في نزع الشوك منها وضيفي إليها عصير وشرائح الليمون.
وبألف هنا وشفا
الرنجة بالطماطم والطحينة
المقادير:
• كيلو رنجة.
• نصف كوب طحينة.
• 4 ثمرات طماطم مقطعة مكعبات صغيرة جدا.
• عصير 3 ليمونات.
• ربع كوب صغير زيت.
الطريقة:
1. هتشوي الرنجة على النار لغاية ما تلاقي إن الجلد اتشقق تماماً... بعد كده حطيها في طبق وابدئي في خليها من الأشواك وتقطعيها قطع صغيرة.
2. هاتِ طاسة وحطيها على النار وحطي فيها الزيت واستني لغاية ما الزيت يسخن، وبعد كده ضيفي إليها الطماطم المقطعة واستني لمدة خمس دقائق وبعد كده ضيفي إليهم قطع الرنجة وعصير الليمون.
3. هاتِ طبق التقديم وحطي فيه الرنجة بالطماطم وبعد كده ضيفي إليهم الطحينة.
ملحوظة ممكن تاكلي الرنجة بالطماطم فقط بدون إضافة الطحينة
وبألف هنا وشفا