سامح لطف الله يكتب : البرلمان البرلمان!!

والبرلمان اصحوا معايا وصحصحوا للبرلمان
اوعوا يكون سيد قراره بتاع زمان
او الشريف ابن العفيف ذو الصولجان
او شيخ مدروش بالبخور ومخاوي جان
او ابن عز وبلطجي وبتاع لجان
او اللي دوخ دايرته وغطس ما بان
او اللي غير مهنته وعاملي مان
والبرلمان اصحوا معايا وصحصحوا للبرلمان
اوعوا يكون سيد قراره بتاع زمان
او اللي غيركلمته وطلع فاشوش
واللي فاكر انه ناصح كلنا ما نعرفوش
واللي اعتبرها مصلحة تملا الكروش
واللي قابل شعبه بالوجه البشوش
ورزانا منه بالقفا بدل الوشوش
واللي عامل انه طيب وانقلب زي الوحوش
والمنمرد والمعفرت واللي خايف م الزمان
والبرلمان اصحوا معايا وصحصحوا للبرلمان
اوعوا يكون سيد قراره بتاع زمان
والبرلمان بحضور لجان ولا بالسكات
لمة ايدين متوحدين مش بالشتات
ومصحصحين للأعلانات وغربلة للمشروعات
جوة اللجان صاحيين تمام للألعوبات
يربطنا فيس او حتي نت او حتي شات
ومصر جوة ف قلبنا حتي الممات
كل الشباب هيصوتوا ف كل اللجان
والبرلمان اصحوا معايا وصحصحوا للبرلمان
اوعوا يكون سيد قراره بتاع زمان
سامح لطف الله