أحمد زيزو: تواجدي في الأهلي سيجعلني أكثر تركيزًا وأرغب بالمشاركة بالمونديال

فجر أحمد مصطفى زيزو لاعب نادي الزمالك، العديد من المفاجآت فيما يخص أزمة تجديد عقده مع القلعة البيضاء، كاشفًا عن موقفه من الرحيل خلال الفترة المقبلة.
وقال الإعلامي هاني حتحوت على لسان أحمد مصطفى زيزو: "والدي راجل محترم مش أقل من أي حد وهو اللي جدد عقدي مع الزمالك مرتين قبل كده دون فلوس ياخدها، والدي هو وكيلي ومن حقه ياخد عمولته وممكن أجيب وكيل وياخد فلوس وأديها لبابا بس أنا مش بتاع الحاجات دي".
وأضاف: "المشكلة الحقيقية هي السمسرة اللي بتحصل في صفقات تانية، كنا بندخل في أي جلسة بلاقي قبل ما نخرج التفاصيل على المواقع بالشتيمة اللي عليها، ومرتضى منصور لما كان عاوز يجدد عقدي أرسل سيارة للمنيا لإحضار والدي".
وأكمل: "أخبرت والدي هنوقع بالعقد اللي عاوزه الزمالك لأنه كان في تقدير في التعامل معايا، على الرغم من أنني اللاعب الوحيد اللي اتشتم 4 مرات ورا بعض من جمهور الزمالك بسبب الإدارة ولا أعلم لماذا، الجمهور كان منتظر مباراة بتروجيت عشان يقولي روح يا زيزو، الجمهور اللي هو الحاجة الحلوة الوحيدة اللي بعاصرها في الزمالك خلوها مش حلوة لأنهم خلوهم يشتموا اللاعبين".
وواصل: "الفلوس مش مشكلتي خالص لكن مشكلتي التقدير، جالي حد من إدارة الزمالك وقالي يا زيزو لو مجددتش معانا مترحش الأهلي، الفارق بين مجلس الإدارة الذي يدير النادي في الفترة الحالية ومرتضى منصور هو إن المستشار قدر والدي وأرسل له سيارة لحد المنيا وقتها أخبرت والدي إني همضي بالرقم اللي الزمالك هيقولوا عشان وجدنا التقدير".
واختتم: "كان من الممكن ألعب في الخليج قبل بداية الموسم الحالي لكن حاليا أنا عندي أمم إفريقيا وكأس العرب وكأس العالم، ووجودي في الأهلي سيجعلني في نفس الفورمة والتركيز والتنافسية، وأيضًا وجود كأس العالم للأندية هي ميزة كبيرة ومكسب كبير من الانضمام للأحمر".