كلمة بكلمة | مرافعة تاريخية لمرتضى منصور بمجلس الدولة من أجل الزمالك

ننشر مرافعة المستشار مرتضى منصور رئيس نادي الزمالك، أمام محكمة مجلس الدولة في الدعوى التي طالب فيها برفض استمرار عمل اللجنة المالية داخل القلعة البيضاء والمشكلة بقرار من النيابة العامة.
وقال مرتضي منصور أمام المحكمة في مرافعته:
- نلجأ لمجلس الدولة مجلس الحريات وجبت لسيادتكم حكم صادر في 2008 من هذا المجلس المحترم كانت مني ضد المستشار النائب العام والمجلس لغي قرار النائب العام وقتها وده لما يخالف القانون وانا محتفظ بالحكم لأنه تاريخي وده عشان الناس اللي بتقول ان المحكمة الإدارية مالها سلطة تلغي قرار النيابة.
- أنا جيت النهارده عشان مؤسسة رياضية يعشقها الملايين بتتدمر لأسباب شخصية أنا استلمت النادي الخزينة فيها 600 جنيه وسلمت محضر تسليم النادي والموظفين مكانوش بيقبضوا ولما جينا طلبنا حاجتين بعث لرئيس الرقابة الإدارية عايز لجنة تفحص عشان للفساد اللي كانت موجود ولجنة من المركزي للمحاسبات وأسفرت التحقيقات عن وجود إهدار مال عام مليار جنيه وكل حاجة غلط عملها ممدوح عباس وفي الاخر سايبينه وبيحاسبوا اللي جاب فلوس .. أنا مقدم 4 بلاغات للنائب العام ضد عباس ومحدش ليحقق معاه خالص لكن يحاسبوا بس اللي بنا وعمر .. أنا يسأل محامي الوزارة ليه لم يتم التحقيق مع ممدوح عباس.
- كل يوم يصحى الصبح بلاقي في طلب رفع حصانة عشان بقول رأيي في حاجات ومش بيعجب ناس معينين .
- جالى جواب بحفظ كافة البلاغات اللي اتقدمت ضد ممدوح عباس يا نهار اسود احنا في دولة قانون .
- مرتضى منصور يعرض على المحكمة التقارير التي توضح وجود مخالفات تحت رئاسة ممدوح عباس للزمالك وقال: أنا عايز اعرف هو كاسر عين مين في البلد.
-وزير الشباب سايب ممدوح عباس يدمر الزمالك انا مش عارف هو كاسر عين مين
- القاضي رفض قيام الإعلام والصحفيين بالتقاط الصور والتصوير
- مرتضى واصل: ممدوح عباس أهدر 10 مليون جنية في صفقة شيكابالا أيام باوك.
- الناس بتقول اني عملت حساب بنكي لهاني زادة فلت حول فلوس للنادي انا شريف وكل الناس عارفة مرتضي ايه وانا بقول ممدوح عباس هو الي يتهرب من الضرائب.
- ممدوح نيته مش سليمه وأخذ قرض وقت ما كان نادي الزمالك يتم تسديده حتي عام 2022 بفائدة 140%.
- أنا كان نفسي وزير الشباب يكون واقف دلوقتي أمام المحكمة علشان يجاوب لماذا يدمر الزمالك.
- ممدوح عباس جاب أجوجو ب 10 مليون وقام بسبه وطردة من الزمالك .
- أنا جبت كهربا 7 مليون وبعته 73 مليون جايين تحسبوني وسايبين ممدوح عباس أهدر 40 مليون.
- وزير الرياضة ومندوب عباس عملين فيلم هندي بصوت مرتفع .. الزمالك كان خرابة دلوقتي عالمي .. عندي وفر في خزينة النادي 196 مليون ياسيادة النائب العام .
- دلوقتي المليار بنرفع ليها سلام وانا وفرت 2 مليار جنية المفروض يتعمل ليا تمثال في النادي.
- شوبير بيقبض من ممدوح عباس وبيشيل ليه الشنطة ومدحت شلبي قال كدة وشنط الفلوس بتروح طنطا علشان يشتم فيا
- مافيش كأس عالم وانا مش حرامي والي بيحصل في الزمالك تدخل دولة يبقي مافيش كأس عالم .. وأنا قمت بمساعدة عبد العزيز في إعداد اللائحة الاسترشادية .. ولو عندك شجاعه يا خالد عبد العزيز حل مجلس إدارة نادي الزمالك.
- وقعت مع عبد الله السعيد يوم 26 فبراير واللجنة جت بعدها الأطول عشان ازاي اتجرأ وناخد لاعب من الأهلي وقالوا اني سرقت 40 مليون جنيه ومصر كلها عرفت بعدها أن عبد الله اللي خدهم.
- جايين واحد قليل الأدب اسمة هاني العتال يدمر النادي وخالد عبد العزيز بتفرج وخالد عبد العزيز بيتمسخر على النادي وبيقول "هو الزمالك ملوش أهل يسألوا عليه".
- يشرفني أن يكون هناك صحفيين أعضاء داخل النادي وأيضا أسر الشهداء وعضويتهم سليمة .. وأنا مش مزور يا خالد عبد العزيز ومش هطلني يا خالد عيد العزيز.
- يأتي ذلك في الوقت الذي اندلعت فيه أزمة داخل القاعة بين المحامين ومرتضي منصور بسبب اطالته في الدفاع أمام المحكمة، خاصة وان لهم قضايا أخرى، بينما طلب مرتضى منصور مهلة 5 دقائق لإنهاء مرتفعه والقاضي سمح بذلك.
- مرتضى منصور وجه حديثه للمستشارين قائلا: دي نفس المحكمة الي صدر منها حكم حل اتحاد الكرة ونادي الأهلي وخالد عبد العزيز مقدرش يحلهم .. وأطلب منكم العدل في تلك القضية من أجل أكثر من ملايين مشجع زملكاوي
- القاضي يرفع الجلسة للإطلاع على اوراق القضية.