حمزة نمرة يحقق 3 مليون مشاهدة بأغنية "رياح الحياة" خلال أسبوع

حقق المطرب حمزة نمرة نجاحًا كبيرًا برابع أغنيات الألبوم «رياح الحياة»، وتصدرت الأغنية التريند رقم 1 على يوتيوب الموسيقي، واحتلت قائمة الأغاني الأكثر استماعًا وتداولًا في مصر والوطن العربي.

ووصلت أغنية «رياح الحياة» ل 3 مليون مشاهدة في أسبوع فقط من طرحها عبر موقع الفيديوهات الشهير «يوتيوب»، وهى من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.

أغنية رياح الحياة
كلمات أغنية رياح الحياة
تهبي يا رياح الحياة دايما بما لا اشتهيه
واللي السنين مقدماه غير اللي قولت نفسي فيه
يلاقي قلبي فين دواه
واللي اذاه اقرب ما ليه دة جرح بيعلم
وصعب تسكن الالام واخرج من اللي فات سليم
وصعب لما اروح انام مفضلش اراجع القديم
طلع مكلف العلام
وخدت درس في الصميم ولسة بتعلم
ركز يا قلبي في اللي جاي والف شكر للي باع
ما صانش حتى بوق شاي سلام يا 300 وداع
واللي لقانا مايساعوش ف خانة الوداع تساع
مشاعرنا مش لعبة
ما تتشغلش باللي فات خليك يا قلبي في المفيد
كبر لاي ذكريات ركز وبس في الجديد
لازم تقسم الخانات بمين قريب ومين بعيد
الحسبة مش صعبة
فرحت م الساعات ساعات
ودوقت م الحاجات حاجات
وعشت م السنين سنين
ونابني م اللي فات فتات
وم الحبيب جواب حزين
واسئلة بلا اجابات حيرة ورا حيرة
حتى السعادة يوم ويوم حتى المحبة خد وهات
وكله كوم وكومي كوم زمن بيرمي افيهات
وزي عادتي اصوم اصوم
واسد جوعي ذكريات وافضها سيرة
اخرتها يا زمن عنيد كله سبق وانا الوحيد
اللي مشيت وراه سراب واللي بدات من جديد
الكل شاف اللي وراه
حاسبت انا ع المشاريب لوحدي كالعادة
مش باقي غيري في المكان
مش باقي حاجة من اللي كان
مش باقي غير وجع زمان
وهمس ذكرى في الودان
طاوعت حظى لما قال
اصبر لكل شيء ادان يا حظ ما تادن
حمزة نمرة يطرح أغنيتي «لعله خير وأنا الطيب» من ألبومه الغنائي الجديد رايق
وفى سياق متصل، طرح نمرة أغنيتين جديدتين بعنوان «لعله خير» و«أنا الطيب»، خامس وسادس أغنيات ألبومه الغنائي الجديد «رايق» عبر موقع الفيديوهات الشهير «يوتيوب» ومنصات الموسيقي المختلفة.

وجاءت أغنية «أنا الطيب» لحمزة نمرة من ألحانه وكلمات محمود فاروق، توزيع وميكساج عمرو الخضري، جيتار مصطفي نصر، أكورديون وربابة محمود شاهي، ناي محمد عاطف، بينما أغنية «لعله خير» من كلمات عمر طاهر، ألحان حمزة نمرة، توزيع وميكساج كريم عبد الوهاب، جيتار مصطفي أصلان، تنفيذ وتريات أحمد عاطف.

ويقدم حمزة موسيقي مختلفة فى ألبوم «رايق»، حيث تتنوع إيقاعات الأغاني بين الموسيقى الشرقية والفيوجن والشعبي مع الفلامنكو والأفروبيت.