حنين سعيد للفجر الفني: "شخصية ندى في ليه لأ تشبهني.. ومن حق الست تتجوز مرة تانية دون توجيه أصابع الاتهام" حوار

* النجاح والسعي سقف مالوش طموح

*شخصية ندى بتشبهني لكن مش مهووسة بالتيك توك زيها وبحب الحياة الحقيقية اكتر

* بحب المخرجة كاملة أبو ذكرى وحلم من احلامي اشتغل معاها وباذن الله هحققه

* من حق الست أنها تتجوز مرة تانية زي الراجل حتى لو عندها 100 سنة

* اي مشكلة بتكون كبيرة عشان احنا بنشوفها كبيرة لكن لو قسمناها لأجزاء هنلاقي حل
فنانة شابة تخطو أولى خطواتها في مشوارها الفني العريق الذي رسمته لها، تألقت في برنامج الدوم الموسم الثاني في فئة التمثيل وأشادت بموهبتها المخرجة الكبيرة كاملة أبو ذكري وجميع لجنة التحكيم، وبفضل سعيها وطموحها استطاعت أن تشارك في أكثر من عمل درامي في خلال الآونة الأخيرة، ويعد مسلسل ليه لأ الجزء الثالث من أحدث أعمالها الدرامية حيث شاركت فيه بشخصية تُدعى "ندى" وهى الفتاة الجامعية المهووسة بالتمثيل كما هو حال حنين سعيد في الواقع، وتواصلت جريدة الفجر الفني مع حنين سعيد للحديث عن كواليس مسلسل ليه لأ ومناقشة فكرة العمل، واليكم نص الحوار/
بدايةً كيف جاء ترشيحك لدور "ندى" في مسلسل ليه لأ ؟
الدور جالي عن طريق أوديشن وبعدين شركة الإنتاج كلمتني وقالولي اتقبلتي في الدور ومحتاجين نمضي العقد.
وماذا عن التعاون مع المخرجة "نادين خان" خاصةً أنه يعد ثاني تعاون بعد مسلسل "مين قال" ؟
التعاون مع أستاذة نادين من أحسن الحاجات اللي حصلتلي، بحس إنه ا دايما وش السعد عليا، هى بجد شخص بيساعد وبيشجع جدا، وفكرة إنها اتاحت ليا فرصة للمرة التانية وانا كنت عاملة شخصية مختلفة تماما في مين قال، ف فكرة أنها ادتني فرصتي وتحدي جديد ودي كانت من أكتر الحاجات اللي بسطتني
حنين سعيد والمخرجة نادين خان
إلى أي مدى تتشابه شخصية حنين سعيد مع شخصية ندى؟
ندى شبهي في حاجات كتيرة
حنين شخص عنده طاقة وبيحب الحياة، وطبعا ندى بتحب تمثل وحنين بتحب تمثل بس في حاجات كتير فعلا شهبي.
ندى فتاة مهووسة بالتيك توك، وحلمها تكون مشهورة من خلاله ف ماذا عن علاقتك بالتيك توك ؟
اه ندى مهووسة بالتيك توك جدا، بس أنا مش بحس اني مهووسة بالتيك توك، وعلاقتي بالسوشيال ميديا مش أحسن حاجة، بحب الحياة الحقيقية اكتر، بس اه ساعات بتجنن وبعمل ڤيديوز بس مش زي ندى خالص ندى ممكن تفضل قاعدة على التيك توك طول اليوم تعمل ڤيديوز.
ندى من مسلسل ليه لأ الجزء الثالث

هل لديكِ "صديقة مُخلصة" مثل ندى ؟
اه، عندي صحاب كتير أو ي زي ندى؛ لأن أنا بحب اختار صحابي بعناية أوي، كل الناس زمايلي بس مش كلهم صحابي، بحب اختار صحابي اللي هخرج معاهم واشاركهم أسراري وحياتي
ف لأ في ندى كتير في حياتي.
من كواليس مسلسل ليه لأ الجزء الثالث
ما رأيك في زواج الأم مرة أخرى بعد الطلاق أو وفاة الزوج خاصة لو لديها أولاد في سن الاقبال على الزواج مثل "شيري" ؟
شايفة إن من حق أي ست إنه ا تتجوز سواء أرملة أو مطلقة إن شا الله لو عندها 100 سنة مادام هى لقت شخص تاني شريك جديد عايزة تجرب معاه حياة جديدة عايزة تقضي اللي باقي من عمرها معاه، ف أنا مع ده جدا وشايفة إن لو في أي حد زي شيري في الآخر عيالك هيتجوزوا وهتبقي لوحدك، ف لا متعشيش لوحدك.
البوستر الرسمي لمسلسل ليه لأ
ومن وجهة نظرك لماذا تلاقي السيدة هجوم من المجتمع عند الزواج مرة أخرى؟
ممكن الست بتواجه هجوم بسبب أنهم مبيقدروش يتخيلوا فكرة ان ازاي هتدخلي راجل غريب على بنتك ! أو لا خلاص عيشي لعيالك ولنفسك، انتي ليكي نفس تتجوزي تاني، مع انهم عادي جدا بيرحبوا إن الزوج يتجوز تاني حتى لو كبير أو ي في السن، أنا مش مع المجتمع لو بيفكر بالطريقة دي وإن احنا المفروض نغير تفكيرنا شوية، واظن ده اللي المسلسل بيحاول يوصله ان احنا محتاجين نغير تفكيرنا شوية
زي ما الراجل من حقه يتجوز تاني الست كمان من حقها تتجوز تاني من غير ما يتوجهلها أصابع الاتهام أو أنها بتعمل حاجة غلط وتبقى مكسوفة وهى بتعملها.
"أتمنى يكون عندنا نجمة سينمائية زيك".. من أبرز الجُمل التي أشادت بها المخرجة كاملة أبو ذكري على موهبتك في الدوم.. فكيف كان شعورك حينها ؟
اه طبعا أستاذة كاملة لما قالتلي الجملة دي كنت حاسة اني عايزة اروح احضنها كده اللي هو استاذة كاملة أنا بحبك أو ي، وخصوصا إن أستاذة كاملة من أكتر المخرجين اللي انا نفسي أوي اشتغل معاهم، حلم وهحققه باذن الله.
الفنانة حنين سعيد
كل إنسان ناجح تعرض لاحباطات وتحديات في حياته، وبناءًا على ذلك هل تعرضتي لمواقف احباطات في حياتك ؟
مش بقول إنه ا احباط، اه كلنا بنتعرض لتحديات كتير زي مثلا ناس باصة انتي ازاي في الشغلانة دي، انتي واجهتي ايه جوا، وقعتي قد ايه، فقدتي الأمل قد ايه، وقولتي لا ده مش مكاني مش ده الصح.
وكيف تتعاملين معها ؟
أنا ك حنين بواجه ده ب اني بتقبله يعني مبضغطش على نفسي بفكرة اللي هو لا متفكريش كده، لأ عادي بفكر اه مثلا المرحلة دي اللي احنا فيها مش موفقين فيها أو ي طيب ماشي ايه اللي محتاجين نعمله،
بفكر بطريقة عقلانية؛ لأن أنا شخص مرتب جدا في افكاره
بحاول امسك المشكلة وأبدا اشوف ليه بحس بالحاجات دي أو ايه المشكلة دي نتيجتها ايه، وانا مقتنعة اقتناع تام ان أي مشكلة كبيرة هى كبيرة عشان احنا شايفينها كبيرة لكن لو مسكنا المشكلة وقطعناها لأجزاء صغيرة هنلاقي حل وحل سريع كمان.
الفنانة حنين سعيد
"المُلهم".. هل يوجد مثال أعلى لكِ في مجال التمثيل تطلقين عليه هذا اللقب ؟
مُلهمتي في المهنة دي هى الأستاذة فاتن حمامة الله يرحمها، دايما كنت شايفاها مثلي الأعلى في المجال، حد مميز جدا، شاطرة جدا، ليدي جدا، فيها كل المميزات الحلوة وكانت قد ايه بتوصل للقلب وبتديكي ڤايب معينة كده.
ما هى رسالة حنين سعيد الحالية إلى حنين سعيد النجمة الكبيرة ؟
رسالة حنين دلوقتي لحنين النجمة الكبيرة باذن الله متكسليش، دايما طوري من نفسك مش عشان وصلتي لنقطة معينة أو نجاح معين يخليكي تقفي في مكانك، لأ دايما النجاح والسعي مالهوش سقف هتفضلي تتطوري لغاية ما تجيبي سقف الحاجات وتكتشفي أن في سقف أكبر وأجمد.