أغنية "ملك الفرفشة" ل رامي صبري تكسر حاجز المليون مشاهدة على اليوتيوب

حققت أغنية «ملك الفرفشة» للنجم رامى صبري نجاحات كبيرة فى أقل من 5 أيام، وتخطت الأغنية حاجز المليون مشاهدة وتصدرت التريند عبر قناته الرسمية على منصة «اليوتيوب»، وهي من كلمات تامر حسين، وألحان رامى صبري، وتوزيع أحمد خليل وكريم شيندى.

وجاءت كلمات أغنية «ملك الفرفشة» كالآتي: «ياملكِ الفرفشة والروقان والنعنشة، قبلك دُنيتى، كانت صورة مِنغمشة، عمايلك مُدهشة معششة، فى قلبي أعمل ايه؟، تضحكلى الضحكة أروق وأصفىّ، تعدِل مزاجى قوام، إنت إخترعت إزاى وصفه، بتجمِل الأيام، ياخاطفنى حتة دين خطفه، يابو أحلى كلام، أنت اللى وجودك يبسِطنا، ده كلام خلاص معروف، ده انت مهنينا مسيطنا».


وفى سياق متصل، يتعاون الفنان رامي صبري مع الملحن عمرو الشاذلي فى أغنية جديدة، ومن المقرر نزولها قريبًا، وهى من كلمات الشاعر عمرو المصري، ألحان عمرو الشاذلي، وتوزيع عمرو الخضري».
ويذكر أن الفنان الفنان رامي صبري قد احتفل بنجاح أغنية يمكن خير عبر حسابه بموقع تبادل الصور والفيديوهات «إنستجرام»، ونشر بوستر الأغنية محتفلًا بحصولها على الكثير من المشاهدات، قائلًا: «يمكن خير 120 مليون»، وتعتبر الأغنية من كلمات أحمد على موسى، ألحان رامي صبري وتوزيع وميكس ماستر طارق توكل.


كلمات أغنية يمكن خير

ولا وقته اننا نتحاسب
ولا وقته إني ألوم ولا اعاتب إيه
إيه هيفيد على اد ما قلبي وجعني
وانا شايفك جاي تودعني وماشي ماشي بعيد

يمكن خير ومين يندم على اللي يبيع سنين
ويهد أحلامه في يومين ويبيع اوام
هنساك واعيش واهو حب راح وخلاص مفيش
لهواك مكان ميهمنيش خلص الكلام

ولا وقته اننا نتحاسب
ولا وقته إني ألوم ولا اعاتب إيه
إيه هيفيد على اد ما قلبي وجعني
وانا شايفك جاي تودعني وماشي ماشي بعيد

يمكن خير عشان كان لازم ابعد من زمان
انا وانت ميسعناش مكان والبركة فيك
موضوعنا مات مبقاش خلاص في معجزات
وبلاش نقلب في اللي فات راحت عليه
ولا وقته اننا نتحاسب

ولا وقته إني ألوم ولا اعاتب إيه
إيه هيفيد على اد ما قلبي وجعني
وانا شايفك جاي تودعني وماشي ماشي بعيد