رامي صبري يتصدر تريند جوجل لهذا السبب

تصدر المطرب رامى صبري تريند جوجل أمس الخميس، وذلك بعد إعلان الملحن عمرو الشاذلي عن تعاقده الجديد مع رامي صبري فى أغنية جديدة من ألحانه، حيث كشف الشاذلي عن موعد طرح الأغنية وعن تجربته فى التعاون مع رامي صبري.

رامي صبري
وقال عمرو الشاذلي: «متحمس جدًا للاغنية، وهي أغنية مختلفة تمامًا عن الأعمال التي قدمتها من قبل، بدأنا فى تنفيذ الأغنية بالفعل ونتواجد في الاستوديو للإنتهاء منها وطرحها خلال الفترة القليلة المقبلة».

وكان عمرو الشاذلي، قد روج للأغنية من خلال حساباته الرسمية على السوشيال ميديا قائلًا: «العمروات المرة دى متجمعين بيعملو ايه.. أستنونا مع الفنان الكبير رامى صبري.. اللى فات تقيل والجاى أتقل ان شاء الله.. كلمات: عمرو المصري، ألحانى: عمرو الشاذلي، توزيع عمرو الخضري».
آخر أعمال رامي صبري الغنائية
طرح الفنان رامى صبرى، أحدث أغنياته والتي تحمل اسم «ملك الفرفشة»، وذلك عبر قناته الخاصة على موقع «يوتيوب»، وهي من كلمات تامر حسين، وألحان رامى صبري، وتوزيع أحمد خليل وكريم شيندى.

كلمات الأغنية

يا ملك الفرفشة
والروقان والنعنشة
قبلك دُنيتي
كانت صورة مِنغمشة
عمايلك مُدهشة
معششة في قلبي أعمل إيه ؟

تضحك لي الضحكة أروق وأصفىّ
تعدِل مزاجي قوام
أنت اخترعت إزاي وصفه
بتجمِل الأيام
ياخاطفني حتة دين خطفه
يا أبو أحلى كلام

أنت اللي وجودك يبسِطنا
ده كلام خلاص معروف
ده أنت مهنينا مسيطنا
وخرجت عن المألوف
خليتنا في السما عليتنا
أتفضل شوف
ويذكر أن الفنان رامي صبري قد احتفل بنجاح أغنية «يمكن خير» عبر حسابه بموقع تبادل الصور والفيديوهات «إنستجرام»، ونشر بوستر الأغنية محتفلًا بحصولها على الكثير من المشاهدات، قائلًا: «يمكن خير 120 مليون»، وتُعتبر الأغنية من كلمات أحمد على موسى، ألحان رامي صبري وتوزيع وميكس ماستر طارق توكل.

كلمات أغنية يمكن خير
ولا وقته اننا نتحاسب
ولا وقته إني ألوم ولا اعاتب إيه
إيه هيفيد على اد ما قلبي وجعني
وانا شايفك جاي تودعني وماشي ماشي بعيد

يمكن خير ومين يندم على اللي يبيع سنين
ويهد أحلامه في يومين ويبيع اوام
هنساك واعيش واهو حب راح وخلاص مفيش
لهواك مكان ميهمنيش خلص الكلام

ولا وقته اننا نتحاسب
ولا وقته إني ألوم ولا اعاتب إيه
إيه هيفيد على اد ما قلبي وجعني
وانا شايفك جاي تودعني وماشي ماشي بعيد

يمكن خير عشان كان لازم ابعد من زمان
انا وانت ميسعناش مكان والبركة فيك
موضوعنا مات مبقاش خلاص في معجزات
وبلاش نقلب في اللي فات راحت عليه
ولا وقته اننا نتحاسب
ولا وقته إني ألوم ولا اعاتب إيه
إيه هيفيد على اد ما قلبي وجعني
وانا شايفك جاي تودعني وماشي ماشي بعيد