رامز أمير يحذر متابعيه بعد إصابة شاب قام بتقليده

نصح الفنان الشاب رامز أمير محبيه بعدم تقليدهم للمشاهد الصعبة الذي قام بأدائها في فيلم "حملة فرعون" حتى لا يتعرضوا للضرر،وذلك من خلال حسابه الشخصي على موقع الصور والفيديوهات "إنستجرام".
نشر رامز أمير مقطع فيديو له من خلال فيلم "حملة فرعون"، ظهر فيه وهو يقوم بالقفز من فوق سطح أحد المنازل لنافذة المنزل المقابل له، وعلق على الفيديو قائلًا:" بعد إذنكم يا جماعة محدش يحاول يعمل الحركات دي لوحده من غير ما يتدرب مع حد متخصص".
وتابع رامز أمير قائلًا:"أنا بقالي سنين بلعب باركور عشان أعرف أعمل الكلام ده و برضه بتصاب كتير،لازم تفهموا إن الرياضة دي خطر جدًا و أنا راضي بالتمن اللي بدفعه عشان الحاجة اللى بحبها".
وأضاف رامز قائلًا :"فلو حد عاوز يلعب باركور حقه عليا أقوله الكلام ده،أنا بقولكم كده عشان جالى مسدج من واحد اتصاب بسببي، والله ماعارف أوصفلكم إحساسي إيه لما أكون سبب إن واحد من الناس اللي بتحبني رجله تتكسر، أنا آسف يا مصطفى، الحمد لله إنها جت على قد الكسر كلها كام شهر إن شاء الله و تبقى احسن من الأول ، شد حيلك و ربنا يقومك بالسلامة يا حبيبي".
وفي سياق آخر،يشارك الفنان رامز أمير في السباق الرمضاني المقبل من خلال مسلسل"الاختيار"،وهو من تأليف باهر دويدار،إخراج بيتر ميمي،بطولة أمير كرارة،إسلام جمال،دينا فؤاد،عصام السقا،كريم عبد الجواد،أحمد فؤاد سليم،نور محمود.