مؤلف ديوان "خمسة خصوصى" يرد على مهاجميه

أعرب الشاعر على حسن مؤلف ديوان "خمسة خصوصى"، الذى يعرض فى معرض الكتاب الدولي فى دورته ال48، عن دهشته وتعجبه من حالة الجدل والهجوم التى أثيرت عليه.
وقال علي حسن فى تدوينة له على صفحته ب"فيس بوك" اليوم الخميس- ،: "بسم الله الرحمن الرحيم .. أنا مش شايف نفسي أصلا في مجال دفاع عن نفسي ولكن هقول الكلام دا عشان الناس اللي بتحبني اللي بتبعت لي تقول لي رد و عشان أهلي اللي اتعرضوا لشتيمة بسببي ".
وأضاف: "أولاً بخصوص كتابي خمسة خصوصي نازل في أواخر 2014 ، جزء أسامي البنات دا معمول للبنات في جزء اسمه بناتي جدًا ومعمول بناء على طلب الناس اللي هي نفسهم بيشتموا وبيشيروا لما بفتح مسدجات بيني وبين حد فيهم بلاقيهم باعتين لي مسدج عاوزين اسمهم وبناء على أن كان بييجي آلاف الكومنتات بتطلب أساميها".
وأضاف أن المقطع الخاص بالخدود الذى لقى الكثير من الهجوم يجسد قصة مضحكة مع أخته، قائلا: "تاني شيء بخصوص المقطع اللي عن الخدود دا من جزء اسمه ضحك في حب ودي قصتها أصلا ملهاش علاقة بالكلام الفارغ اللي بيتقال دا وقلة الأدب دي لأن اللي قريبين مني عارفين مين علي وأخلاقه كويس قوي وعمر ما حد مسك عليا حاجة ولا يعرف، ودي كنت بهزر بيها مع أختي وموقف بسيط".