احمد الشيخ يوجه رسالة لزوجته السابقة

حرص احمد الشيخ لاعب النادي الأهلي على توجيه رسالة نارية إلى زوجته السابقة، وذلك عقب إعلان خطوبته بالأمس بعد الانفصال عن زوجته بفترة قليلة.
وكانت زوجة احمد الشيخ السابق قد اتهمته على صفحتها الشخصية عبر موقع التواصل الاجتماعي فيسبوك بعدم الاهتمام بابنته وعدم إرسال بعض المصاريف لها من أجل ابنته الصغيرة.
وجاءت رسالة زوجته لاحمد الشيخ عبر الفيسبوك : "اولآ يا جماعه محدش يبعتلى مسدجات تانى دعواتكم فوق دماغى⁦، بس انا مش عندى موته أنا زى الفل وربنا عوضنى باحلى بنت ف الدنيا، وثانيا من موقعى هذا كوكى بتبعتله تبارك وبتقولك زى ما بتعرف تخطب يا بابى ابقى ابعت نفقتى الاول اللى انت موقفها عشان ربنا هيحاسبك".
وكتب الشيخ ردا على كلام زوجته أيضا قائلا : "لا دينى ولا تربيتى تسمح أنى ارد على حد بيغلط مع أنى قادر اعمل كتير، لكن فى الأول والآخر انا بعامل ربنا وعامل حساب لبنتى انا الى مستغربه بس ازاى الناس بقت بجحه كده".
وتابع : "وربنا عالم وكل الناس عارفه وهما أولهم انا بجيب لبنتى ايه لكن عمرى ما هتكلم فى تفاصيل احتراما لنفسى قبل اى شىء ولما بنتى تكبر ربنا هيعرفها الحقيقه قبل الناس المحترمة ما تعرفها ولو يعرفو ربنا مش هيمنعو أنى اشوف بنتى بالود من غير ما ارفع قضيه رؤيه".
واختتم : "ربنا كبير وبيخلى ناس ترد على كل الكلام الباطل والكذب دى بس ورقه تثبت انها بتاخد نفقه متأخره ليها ونفقه للبنت 5 الاف كل شهر، ده طبعا غير الأوراق الى معايا تثبت قد ايه الموضوع كان كله مادى، والحمد لله ربنا بيعوض والله ياجماعه، اسف للإطاله".