شاهد.. خناقة بين أحمد الشيخ وطليقته بعد إعلان خطوبته

أعلن أحمد الشيخ لاعب الأهلي أمس خطوبته عقب إنفصاله عن زوجته السابقه دينا السعيد، وكان لطليقته رد فعل سريع وطالبته بنفقة إبنته مكة.
وجاءت رسالة طليقة أحمدالشيخ عبر حسابها الشخصي بموقع التواصل الإجتماعي "فيسبوك" قائلة : "اولآ يا جماعه محدش يبعتلى مسدجات تانى دعواتكم فوق دماغى، بس انا مش عندى موته أنا الفل وربنا عوضنى باحلى بنت ف الدنيا، وثانيا من موقعى هذا كوكى بتبعتله تبارك وبتقولك زى ما بتعرف
تخطب يا بابى ابقى ابعت نفقتى الاول اللى انت موقفها عشان ربنا هيحاسبك".
ليرد الشيخ عليها سريعًا :"لا ديني ولا تربيتي تسمح إني أرد على حد بيغلط، مع إني قادر أعمل كتير، لكن في الأول والآخر أنا بعامل ربنا، وعامل حساب لبنتي، أنا اللي مستغربه بس إزاي الناس بقت بجحة كدة".
وتابع : "وربنا عالم وكل الناس عارفه وهما
أولهم انا بجيب لبنتى ايه لكن عمرى ما هتكلم فى تفاصيل احترامًا لنفسى قبل اى شىء ولما بنتى تكبر ربنا هيعرفها الحقيقه قبل الناس المحترمة ما تعرفها ولو يعرفو ربنا مش هيمنعو أنى اشوف بنتى بالود من غير ما ارفع قضيه رؤيه".
واختتم : "ربنا كبير وبيخلى ناس ترد على كل الكلام الباطل والكذب دى بس ورقه تثبت انها بتاخد نفقه متأخره ليها ونفقه للبنت 5 الاف كل شهر، ده طبعا غير الأوراق الى معايا تثبت قد ايه الموضوع كان كله مادى، والحمد لله ربنا بيعوض والله ياجماعه، اسف للإطاله".