طليق علياء عساف: اختيارى المرة الجاية هيكون من ناس شبهنا

أعرب طليق الفنانة علياء عساف، عن ندمه من زواجه بفنانة، مؤكدا أن سيركز المرة القادمة عند زواجه على اختيار فتاة تشبه هو وأسرته وليست من الوسط الفنى.
و كتب طليق علياء عبر حسابه الخاص بموقع تبادل الصور الشهير "إنستجرام": "أنا بعتذر لأمي لكل أصحابي وأهلي وحبايبي عن أي افترائات سمعوها ضايقتهم وجرحتهم من ناس قالو إنهم متربيين على الأصول و كتيير منكم طلبوا إني أرد وفي حاجات رديت فيها علشانكم وفي حاجات تجاهلتها وده اللي هعملوا من هنا ورايح وكل إناء ينضح بما فيه ومش عايز أغلط تاني وأغلي الرخيص.."
وتابع طليق علياء عساف أن زواجه منها يعد غلطة، معتبراً أنها ليس بيئته، حيث قال "وعايز أطمنكم أنا الحمد لله في أسعد وأنجح لحظات حياتي وربنا وأبويا وأمي رضيين عني .أنا غلطت ودي مش أول غلطة ليا إني أحاول أجيب حد مش من بيئتنا ومش زينا وأخليه مننا دايماً الفئة دي بتصعب عليا وبحاول إني أجيبهم حياتنا بس منفعش وأنا بعترف بده وأنا بشكر كل الناس اللي ساعدوني في ده أهلي وأصحابي وكل اللي عصر على نفسه لمونة واتعامل بس علشان بيحبني وعايز يرضيني".
مضيفاً "أوعدكم الغلط ده مش هيتكرر مره تانيه وإن شاء الله اختياري المرة الجايه هيكون من وسطنا ومن الناس الي شبهنا. وبالنسبة للي مصدقين أنا هاقول جملتين اتفرجوا على صور #علياء_عساف (........) قبل الجواز وصور عليا (الهانم) بعد الجواز واتفرجوا على اعتذار الكاتبه الكبيره سهام شعبان بعد ما تفهمت الحقيقه وجاوبوا على نفسكم".
واختتم تدوينته بنصيحة للأمهات "وفي الآخر عندي نصيحه لكل الأمهات والبنات علموا بناتكم إن الجواز مش وثيقهة تأمين على الحياه لا لا لا الجواز هو الحياة. متقوليش لبنتك إنها تضمن مستقبلها بالمؤخر والمقدم والشبكة علشان لما (تطلق) ولا لما يموت.. علموهم الجواز اللي ربنا علمهولنا السكن والأسره والاستقرار والأطفال والتربيه والتعليم وحسن الختام.. نقطة ومن أول السطر".