صديقة مقربة من علياء عساف تكشف الأسباب الحقيقية للطلاق ومرضها النفسي

كشفت الممثلة الشابة سهام شعبان إحدى صديقات علياء عساف منذ الطفولة الأسباب الحقيقية التي أدت إلى طلاق الأخيرة.
وقالت "علياء عساف صاحبتى من وهي عندها 11 سنة طفلة عرفتها لما كنت بتدرب على الغنا في الأوبرا كانت هي ومامتها دايما زى التوأم هي اللي خرجت بيها من الدنيا بعد انفصالها عن أبو علياء ودي كانت كل معرفتي بيها أنا لما سافرت ماشوفتهاش تاني بس كنت متابعة أخبارها فجأة لقيتها بقت نجمة صاعدة ومسلسلات وأفلام كأن حاجة صغيرة كبرت قدامي فجأة كنت فرحانة بيها أوى ".
وتابعت سهام في تدوينتها التي كتبتها على حسابها الشخصي على موقع التواصل الاجتماعي فيسبوك "بفتح الفيس بوك لقيت الدنيا مقلوبة علياء اتجوزت أم الشحات اتجوزت يا ولاد وكوميك بقى والناس كتبت واللي كتبوا أم الشحات اتجوزت وإحنا قاعدين وضحك وأفراح أنا ابتسامتي كانت شبرين الأوزعة دى اتجوزت الله على الفرحة وجوزها شكله محترم وسِمح والحمد لله إن مامتها اطمنت عليها وباركت وخلصت القصة".
وأضافت "لما اتصلت بيها من أسبوع بقولها أخبارك يلا أنا هنا تعالي نخرج وهاتي جوزك نحتفل مع إنها متأخرة كانت المفاجاة.. علياء اتطلقت بعد 8 شهور جواز.. جواز صالونات عادى عروسة لعريس واتعرفوا واتجوزوا ولا قصة حب ولا أي حاجة عريس محترم ابن ناس كويسين عامل عمره وأهله كويسين مادياً تاجر موبيلييا وعارف إنها ممثلة محترمة في بداية حياتها الفنية.. اتفقوا إنها تكمل بعد الجواز تمثيل لأنها طول عمرها موهوبة وبتحب الفن ده غير إنها محترمة وبتنقى أدوارها وأى حد يتشرف بيه ".
مضيفة "اتعمل لعياء فرح جميل وسافروا جزر المالديف حلم كل اتنين يقضوا شهر العسل هناك وكانوا أسعد اتنين صور جميلة أحضان في الصور احتواء وحب لحظات أنا شخصيا بتمناها في يوم تحصلى بس الصور موش زى ما انتوا فاهمين وماكنتوش بتصدقوني وفاكرينى معقدة".
وعن الطلاق قالت سهام شعبان"مبدئياً علياء أمها عندها سرطان ومصدر دخلها وعلاجها الوحيد من بنتها يعني من الآخر علياء بتشقى عشان علاج أمها مش عشان تجيب عربية ولا شقة ولا يتشاور عليها في الشارع ده غير إنها من وهي طفلة بتعمل إعلانات يعني بتحب الشغلانة دي ومؤمنة بيها طالما مابتغلطش.. لما علياء اتجوزت طلبت من جوزها إنها تكمل تمثيل عشان مش ممكن هيدفع مثلا 30 أو 40 ألف جنيه لحماته علاج محدش هيعملها ومع أنه قادر بس برضو".
متابعة "المهم جوز علياء كان المفروض يعملها بيت في القاهرة لأنه من الإسماعيلية وشغله هناك لكن لما جت كل حاجة بسرعة وافقت تبقى معاه في بيت أهله بيت عيلة من كام دور وعاشت فعلا كانت طول مامعندهاش شغل هناك طبعاً المشكلة إن أمها في القاهرة يعني أم مريضة لازم تروحلها لكن جوز علياء كان بيرفض ولما أمها كانت بتزورها وتقولها يابنتى خلصوا بيتكم عشان تعرفي تجيلي وأنا عيانة طرد أمها من البيت ومنع أمها تزور بنتها بالشهور ووقع مابينهم ست مريضة بسرطان عادي تنطرد وبنتها تتمنع من الخروج".
مردفة "عاشت علياء في البيت عبارة عن روتين فقط يومي..الغدا عند والدته.. العشاء مع والدته.. السهر عند والدته.. الخروج مع أهل والدته ووالدته. دي البنت ماطبختلوش من إيديها مرة عشان والدته.. دي مرة طلبت تعمل عمره كان مواعدها بيها بعد الجواز رفض يطلعلها وحجز في شرم الشيخ عشان والدته كانت حابة تصيف المنحرفة عاوزة تعمل عمره ياجماعة.. !!".
وتابعت "المهم جه لعلياء دور مهم في مسلسل نيللي كريم الجديد "سقوط حُر" ومن هنا انتهت حكاية الصور واللى ورا الصور الجوازة والدنيا انتهت ووقفت.. انتي مش هتشتغلي انتي ممنوعة من كل حاجة أنا ما اتفقتش إنك تشتغلي الفن ده مجال انحراف ومستنقع منحرفين لمت هدومها وطلبت الطلاق حبسها وضربها وشتمها بأقذر الشتايم وصلت لدرجة أن والدته فتحت عليها باب أوضتها وهي نايمة وشتمتها وطردتها برة الشقة"...
واختتمت سهام شعبان"عاليا جالها مرض نفسي مزمن وهي أصلا جسمها ضعيف أضربت عن الأكل ودخلت في حالة مرضية نفسية من الدرجة الأولى كان بيغمى عليها بالساعات وبيشوفوها ما بيحاولوش ينقذوها دي مرة وقعت في الحمام 3 ساعات وشافها وفين لما فكر يشيلها ده هددها بالقتل وقالها هفصل راسك عن جسمك لو جبتي سيره شغلك تاني".
قد يعجبك أيضاً:
طليق علياء عساف يفتح النار عليها ويكشف المزيد من أسرار طلاقهما
اقرأوا التفاصيل https://t.co/tIxLPeTkMM pic.twitter.com/bqaDmEVDiZ
— Layalina.com (@layalina) April 5, 2016 المزيد:
علياء عساف تكشف مرض والدتها الخطير.. وهكذا هاجمت جمهورها
صور علياء عساف بعد الطلاق بلوك جديد هل أعجبكم؟
صورة علياء عساف تكشف سر عن لحظة الطلاق "نزلني من غير هدومي" وهذه نصيحتها للفتيات