بعد هاشتاج لمقاطعتها .. "نانيس سليم" تعتذر لمتابعيها

قامت إحدى الفتيات في يوم زفافها بالتحايل على ارتفاع أسعار مراكز التجميل، بادعائها أنها ليست عروسه، وانها فقط إحدى المدعوين لحفل زفاف، هروباً من تكاليف التجميل، وسرعان ما علمت خبيرة التجميل "نانيس سليم" بهذه الواقعة، والتي اثارت غضبها بشكل كبير، مما جعلها تقوم بمهاجمتها عبر شبكات التواصل الاجتماعي، متهمة الفتاة بالنصب عليها، مما أثار غضب متابعيها .
وقامت خبيرة التجميل نانيس سلامة، بالكتابة على صفحتها الشخصية على موقع التواصل الاجتماعي "فيسبوك"، "يا بنات هي دي اسراء اللي جت السنتر وحجزت ميكب وشعر سواريه مع المساعدة بتاعتي على اساس انها رايحة فرح بنت خالتها، وبعدها بيوم وبمنتهى السذاجة بعتت صورتها للمساعدة بتقولها تسلم ايديكي كان فرحي بس انا مرضتش اقول، وفاجئتنا كلنا بردها تاني يوم لما سألناها عن السب وان الطريقة ديه مش من الذوق ابداً، ردت باسلوب استهزاء وقالت علينا مش محترمين لما وجهنالها اللوم بان ديه طريقة نصب واضحة وعدم امانة.. مين فينا بقى اللي مش محترم دلوقتي، وبسببها انا اسفة اني هقول كده انا من النهاردة اضطريت الغي السوارية ميكب عشلان دلوقتي مباقاش في ثقة ولا امانة في التعامل".
وقامت العروسة المتهمة بالنصب بالرد على ادعاءات نانيس، قائلة " كفاية أوي عندي ان الناس عارفين انها نصابة والحمد لله اني مش انا اللي اعمل كده فيها، وايه يعني لما اوفر لخطيبي وادفع 2000 جنية بدل 5000، مش حرام، والحمد لله محمد عارف من الاول اني مش نصابة، وحسبي الله ونعم الوكيل، وربنا ينكد عليكي ويفضحك زي ما شهرتي بيا، واقسم بالله ان في ضابط قالي دلوقي هحبسهالك، وانا قلتله حرام، الحمد لله الهاشتاج اللي اتعمل جابلي حقي في ساعة واحدة".
وقام مستخدمو مواقع التواصل الاجتماعي بتدشين هاشتاج بعنوان " مقاطعة نانيس سليم"، مهاجمين موقفها ضد هذه الفتاه.
وعلقت
Riham El Gohary
وقالت Amr Elsheikh
"الكوافيرات شوية نصابين وحوارتجية وعالم جشعة بجد
واديها شالت البوست ده بعد ما الناس قلبت عليها , وبعد ما شهرت بالعروسة الذكية اللي كانت انصح منكم !! ".
وأضافت Noura Elsherif
وأستنكرت GiGi Mohamed
"الجشع و الطمع و الشبع بعد جوع بيعملوا اكتر من كدة بيخلو الي زي دول مش شايفين الا الفلوس وبس مش مهم عملت ولا بتعمل ايه المهم تاخد فلوس و تتحرق ع الجنيه مع ان مش هيزودها بس الجشع عماها و مش شايفه الا الفلوس مش مهم جت منين ولا مصيرها ايه ولا حرام ولا لا المهم انها تاخدها و بس متعرفش العواقب
حاجه منتهى الاستغلال".
وأضافت Nour Salah Nasr
ومن جانبها قامت الصفحة الرسمية لخبيرة التجميل نانيس سليم، بالاعتذار لجمهورها عما صدر قائلة :" اول مرة نشوف كمية الهجوم الكبيرة اوي علي ‫#‏نانيس_سليم من ساعة ما بقي لينا وجود علي الانترنت من 6 سنين باختصار نانيس غلطت لما نزلت صورة البنت بس كانت لحظة غضب مكنش المفروض التصرف يبقي كده بس برضه البنت شتمت واستفزتها جامد طول عمر نانيس بتحب كل البنات وقريبة منهم ونجحت بيهم عشان بيحبوها وبيرتحولها وبياخدوا رأيها في كذا حاجة علي الواتس اب شكل فستان او طرحة مثلا بنكرر تاني نانيس غلطت بس كانت لحظة غضب كل القريبين منها يعرفوها كويس انها طيبة مكنتش بقت من انجح بيوتي سنتر في مصر احنا بنعتذر بشدة لأي بنت موجودة هنا نانيس بتكبر بيكم".