أحمد سعد: سمية الخشاب رفضت إعادة منزلي لي

كشف الفنان أحمد سعد، عن سبب طلاقه للفنانة سمية الخشاب، قائلا: "ضحكت عليه، فى فترة كنت محتاج ست أمينة، لأن حياتى كانت مهرجلة وغير منظمة أبدا، كنت بشتغل وبكسب كويس ومضيع فلوسى".
وأضاف "سعد" خلال لقائه فى برنامج "شيخ الحارة" مع الإعلامية بسمة وهبة على قناة "القاهرة والناس"، قائلا: "لما شوفتها آمنت لها، وهى كانت أمينه على فلوسى، كنت بشتغل كل يوم بليل حفلات فى مختلف المحافظات، واقترحت عليّ أشترى بيت لان البيت اللى ساكن فيه كان إيجار، ولقيت بيت والمفروض يتكتب شيكات عليه، قولت لها اكتبى الشيكات باسمك والبيت باسمك وانا هسدد لك الفلوس، لانك كل يوم بتروحى تدفعى فلوس، ولما اقولك تنقلي البيت باسمى تنقليه، والسبب أني لا اتعامل مع البنوك وليس لدي دفتر شيكات، وبالفعل اشتريت الشقة ودفعت عشرة أقساط، وسمية لم تساعدنى في أى مبلغ، وأرفض مساعدتها، وكنت سعيد بالشقة جدا، ولا أنكر فترة جوازى بها كان معايا فلوس كتير، وشها كان حلو وقدم السعد عليّ".
وأشار أحمد سعد، إلى أنه حينما طلب منها تنقل البيت باسمه، رفضت، لافتا إلى أنها اقترحت عليه إعطاءه ثمن الشقة، إلا أنه رفض لان الشقة ثمنها زاد، فأعطته ربع ثمن الشقة.