أحمد سعد يكشف أسباب انفصاله عن سمية الخشاب: آمنت لها جامد وضحكت عليا

كشف الفنان أحمد سعد، عن الأسباب الحقيقية التي دفعته إلى تطليق الفنانة سمية الخشاب، قائلًا: «أنا آمنت لها جامد بكل ما أملك، وهي في الحقيقة ضحكت عليا».
وأضاف «سعد»، خلال لقائه مع برنامج «شيخ الحارة»، المذاع عبر فضائية «القاهرة والناس»، مساء اليوم الخميس: «وأنا كنت محتاج لها في الفترة دي، كنت محتاج ست، لأني راجل مهرجل، وحياتي غير منظمة وكنت بشتغل كويس وبكسب كويس ومضيع كل فلوسي وأنا أول ما شفتها آمنت لها على فلوسي وعلى حاجتي».
وذكر أنه أودع لديها الأموال التي كان يحصلها من عمله وتعبه في الغناء على مستوى المحافظات، مردفًا: «كنت بشتغل كل يوم بالليل في المحافظات، وآجي وأنا عرقان وأحط القرش على القرش، وأديهملها عشان تشيلهم».
وأوضح أنها اقترحت عليه أن يستثمر هذه الأموال في شراء بيت، معقبًا: «شفت البيت فعلًا، وقلت بدال ما أضيع الفلوس أحطها في حاجة، وقلت لها اكتبي البيت باسمك والشيكات باسمك وأنا هسددلك الفلوس والأقساط، ولما أقولك تنقلي البيت باسمي تبقي تنقليه».
وتابع: «ناس كتير مآمنة لمراتها، أنا مبعملش حاجة غلط، وبقيت مصرفش وأحط شقايا على بعض عشان أدفع أقساط الشقة، ودفعت المقدم و10 أقساط»، لافتًا إلى أنه عندما طلب منه نقل البيت باسمه رفضت.
وعقب: «كنت عايز أعرف أنا عايش مع مين، ولو كانت رجعتهالي كنت هرجعهالها تاني، لكنها رفضت ترجع لي الشقة، وقالت أديك حقها، وفي الآخر إديتني شيك بربع المبلغ، بعد الشقة ما كسبت، وإذا كان عاجبك».