بالمستندات.. وفاء صادق تتهم طليقها بالتزوير (صورة)

شنت الفنانة وفاء صادق، هجومًا شرسًا على طليقها، بعد قيامه بتقديم أوراق رسمية تثبت عدم قدرته على دفع نفقة ابنائه، أو على الأقل يساهم في مصاريف الدراسة الخاصة بهم، واتهمته بتزوير بعض الأوراق الرسمية على حد وصفها.

وبدأت وفاء كلمتها التي نشرتها عبر حسابها الرسمي على موقع التواصل الاجتماعي "فيسبوك" قائلة: "قضية رأي عام إلى من يهمه الأمر..أنا كنت واخدة قرار إني عمري ما اتكلم عن حاجة شخصية على فيس بوك ..بس لاقيت إن اكيد في ناس زيي كتير وأمهات زيي كتير.. فقررت ان الموضوع ده لازم يبقى قضية رأي عام.. دي واحده فقط من صور الاستئناف اللي رافعها ابو اولادي.. قلت تشاركوا معايا أخلاق الابهات وبعض الرجال فى هذا الزمن".

وأكملت: "اولا ...هو بيقول انى مدخلاهم مدارس غاليه فى حين ان ابنه بقى في الجامعة وهو مش واخد باله اصلا ..ده غير زي ماهو واضح في الاعلان انها مصاريف سنتين يعني السنة بحوالي 20 إللى هو ربع المصاريف اللي أنا أصلا بدفعها".

وأضافت :"ثانيا ..هو ماله انا ممثله مشهوره ولا معايا فلوس ولا لا دي مسئوليته هو في الأول والاخر.. وكأنه حيشاركني كمان في أكل عيشي، نسي إني ست بطولى وبصرف على نفسي من مأكل ومشرب وكسوة ده غير إني فاتحة البيت اللي الولاد عايشين فيه".

وأوضحت :"ثالثا..هى وصلت انك تدعى انك موظف فى شركه ضارب ورق كل ده علشان متصرفش على ولادك.. ده ولا يندفع مصاريفهم اليومية ولا اكل ولا شرب ولا فسح كمان التعليم حتى مش عاوز تدفع نصه ...فعلا اذا لم تستحى فافعل ما شئت.

وأكدت وفاء:"انا فخوره انى وصلت بولادى وحكمل معاهم بعون الله..بس انا مش حسكت على حقوق الأمهات والأولاد الضايعه لمجرد إن في واحد خلف ورمى.. ملحوظة المجهود اللي إنت باذله والمحامين الانت بتدفع لهم فلوس كتير دول مش ولادك أولى بالفلوس دى يا بابا، حسبى الله ونعم الوكيل فى كل أب ظالم لولاده ..واديك اعترفت انى انا شخصيا مش محتاجه منك حاجه.. الايام دول يا انت واى واحد شبهك".