عمرو جمال: راجع للأهلي رقم 1 (صورة)

أعرب عمرو جمال مهاجم الأهلي عن سعادته بالإعارة لفريق بيدفيست الجنوب إفريقي بداية من فترة الانتقالات الصيفية.
وكتب الغزال عبر حسابه على "انستجرام": "أنا اتعلمت كتير فى النادى واتربيت على مبادئ الكيان وكنت سواء بشارك أو مبشاركش كنت ملتزم الصمت في عز فرحتى أو فى عز انكسارى لكن دا اللى اتعودت عليه في النادي الأهلي لأن الاهلي هو اللي باقي مش اللاعيبة".
وقال عمرو جمال: "الأهلي من يصنع النجوم وانا بتمنى سواء حد جه عليا قبل كدا أو أي حد وقف جانبي أنهم يساعدوني ويقفوا بجانبي في الفترة اللي جاية لأن أنا محتاج دعم جمهور النادي الأهلي في الفترة القادمة وسنة هتبقى صعبة عليا بس حلاوتها اني هقف على رجلي عشان ارجع النادي الأهلي رقم واحد من أول وجديد، ومستني دعم الناس وفي الأخير بشكر اللاعيبة صحابي كلهم و الأجهزة الفنية اللى عدت عليا ومبروك لجمهور الأهلي الثنائية و كل التوفيق للأهلي الفترة الجاية ".