كريم.. شاب مصاب بسيولة في الدم.. مُعرض لبتر في أطرافه (فيديو وصور)

مرض وراثي أصاب شابًا، حوله من شخص باحث عن الحياة وبناء المستقبل إلى مريض تطارده الإعاقة يومًا بعد الآخر، بل يتحكم في حركته العقاقير بسبب مرضه، إنه الشاب "كريم" الذي ولد مصابًا بمرض حوله لشخص يتنظر الإعاقة.

"كريم" ومرض سيولة الدم
كريم سامي عطية، شاب من محافظة الجيزة يبلغ من العمر 20 عامًا، يعاني من مرض السيولة في الدم وهو مرض وراثي ناتج عن نقص الفاكتور8 في الدم، مما يجعله دائم النزيف طول الوقت كما أنه يؤثر على مفاصله ويصيبها بالتورم والإلتهاب.

التشخيص الطبي لحالة كريم
وعن التشخيص الطبي لحالة "كريم" يقول الأطباء: "هو من الأمراض الوراثية غير المعدية، وهذه الفئة من المرضى تعتبرهم الدولة من المعاقين طبقًا للخطاب الدوري لوزارة الشئون الاجتماعية رقم 5 لسنة 1984، ومن الأمراض المزمنة حسب قرار وزارة الصحة رقم 259 لسنة 1995، وهذه الحالات معرضة للنزيف الداخلي والخارجي بشكل تلقائي مما يؤثر على حياتهم ومستقبلهمويجب إعطائهم العنصر الناقص بصفة دائمة حفاظًا عليهم من الإعاقة".

"كريم" معرض لبتر أطرافه
أما عن التأثيرات الناجمه عن إصابته بالسيولة في الدم، يقول "كريم": "ممكن أضطر لبتر صوابعي أو أي حاجه فيها مفصل علشان التجمع الدموي اللي بيبقي في معظم المفاصل مش بيروح، وعضمي بيكون حساس جدًا عشان كده بيسموا مريض الهيموفيليا مريض من زجاج".

إصابة "كريم" بفيروس سي
ولم يكن سيولة الدم هي المرض الوحيد الذي يطارد "كريم"، فيقول: "كمان جالي فيروس سي علشان كنت باخد بلازما لعلاج حالتي.. وللأسف المرض ده مأثر على نمو جسمي جدًا ومخلينى أبان أصغر من سني الحقيقي بكتير اللي يشوفني يفكر إني 15 سنه".

"كريم" تحت رحمة الأدوية
ويتابع: "محتاج حقن لتخفيف أعراض الهيموفيليا اسمها فاكتور أو eloctate وهو غالي شويه.. وليها بديل اسمه SD sryo وده بحوالي 1600 جنيه، المفروض لما أكون تعبان أخد حقنة eloctate كل يوم أو آخد كيس SD cryo كل 8 ساعات لحد ما الورم والألم يقلوا شويه... لكن لو أنا كويس ومفيش تورم المفروض أخد جرعة وقائية كل اسبوع علشان موصلش لمرحلة الألم في مفاصلي وعضمي اللي مش بستحمله أبدا تقريبا أنا حياتي واقفه بسبب مرضي.. ومقدرتش أكمل دراستي علشان كنت معظم الوقت تعبان ومش بقدر أمشي ولا خطوه حتي ومعظم وقتي مش بعرف أنام من آلام ركبتي وضهري.. لا أنا ولا أهلي في إيدينا حاجه نعملها فعايش بس علي المسكنات وده تعبنى وبيأخر حالتي أكتر".
لمشاهدة الفيديو.. إضغط هنا