شهر رمضان والعلاقة الخاصة

استاذتنا ازيك يارب تكوني بخير وكل سنة وحضرتك طيبة,
الصراحة عندي مشكلة سخيفة شوية .. انا متزوج طبعا وبحب امارس حياتي الطبيعية الخاصة مع زوجتي يوميا لكن الشرع يحرم دة أثاء الصيام .. طبعا انا مش عايز أغضب ربنا لكن الموضوع عندي ملح ومهم لدرجة بتخليني بفكر في الموضوع معظم الوقت وبدل ما اتشغل في شغلي أو اي عبادات هعملها بتشغل في التفكير في زوجتي خصوصا اننا عرسان جداد .. وحاسس بتأنيب ضمير كبير لكن برضه مش عارف افصل من التفكير في الموضوع دة .. محتاج مشورة او رأي يخليني التزم أمتر بتعاليم ربنا وشكرا لك ودايما في تألق وكل عام وانتم جميعا بخير .. إسلام حسن .
فضفضة
محررة الصفحة .. نيفين حجازي
استاذ اسلام الحل بسيط جدا .. الموضوع حله بقرار منك بمجرد ما تركز في طلب ربنا منك في حد ذاته دة هيخليك في حالة من الحرج من نفسك أمام الله دة بخلاف الإلتزام بالصلاة وذكر الله كثيرا هيخليك جوة حالة من الروحانيات هتغنيك عن أي تفكير في حاجة تانية .. وأعتقد إنك من الأول ما حاولتش تقاوم لذلك الموضوع أخد اكبر من حجمه عندك .. أستاذ إسلام .. الموضوع إختياري وحر .. إما أغلط وفي النهاية أتحاسب أو التزم وأثاب .. بس كدة .. الدنيا أسهل من اللي انت حاسس بيه بكتير وفي النهاية انت بتقاوم علشان ترضي ربك في شهر كريم وأعتقد ان دة أهم بكتير من أنك تستسلم قدام رغباتك الخاصة اللي هية متاحة طول العمر قدامك .. ما حبكش يا أستاذ إسلام ما تضايقنيش منك بقى ولا إيه ؟!
[email protected]