مي عزالدين ل جمهورها: "أوقفوا الهجوم.. أنا مبزعلش تعودت على كدة"

طالبت الفنانة مي عزالدين، جمهورها عبر صفحات التواصل الاجتماعي بوقف هجومهم الشرس على أي شخص يهاجمها، مؤكدة انها تتقبل النقد وتقابله بالعمل الجاد.
وكتب مي، على صفحتها الشخصية بموقع "إنستجرام": "يا أغلى الناس عندي وأجمل فانز في الدنيا.. علشان خاطري متهجموش حد هجوم شرس كده.. أنا شوفت حاجة النهاردة تجاه حد كان صديق عزيز عليا جدا من وأنا صغيرة، حتى لو كان قال رأي عني بأسلوب جارح أنا نفسي مبزعلش لأن اللي بيشتغل مهنتي دي بيتعود على كده".
وأضافت: "يا ريت توقفوا الهجوم ده لأن ساعات كمان بيكون محصلش حاجة أصلا وانتوا بتصدقوها، فعلشان خاطري بلاش.. بحبكم قوي والله.. وانتوا أغلى حاجة الواحد طلع بيها من هذه المهنة".
الجدير بالذكر، أن مي عز الدين، كانت قد تعرضت للهجوم مؤخرا بسبب بوستر مسلسلها الجديد "وعد"، حيث ظهرت فيه بملامح مختلفة، ما جعل الكثيرين يتكهنون بإجرائها عمليات تجميل.