أعلن الفنان محمد نور عن سعادته بالمبادرة التي أطلقها المطرب تامر حسني للتبرع بالدم يوم 23 فبراير المقبل . و كتب نور عبر حسابه علي موقع التواصل الاجتماعي انستجرام " اللي بيحب الخير والحمد لله ربنا أنعم عليه بنعمه الصحة يحاول يزكي عن صحته وينزل الصوره دي عنده هيكسب ثواب كبير...شكرا تامر حسني ربنا يقدرك ويقدرنا كلنا علي فعل الخير".
و كان قد أطلق الفنان تامر حسني مبادرة عبر صفحته علي موقع التواصل الاجتماعي "فيس بوك" للتبرع بالدم يوم 23 فبراير المقبل.
وكتب تامر حسني: "لو يوم 23 فبراير اتبرع بالدم 110 آلاف شخص فى يوم واحد اولا سننقذ حياة 3 ملايين و 300 الف شخص بين مريض او مصاب.. ثانيا سنقلل الفجوة الموجودة بين الاحتياج الفعلى للتبرع بالدم والمتاح حاليا من متبرعين وستسجل مصر رقم قياسي يدخلها موسوعة جينيس".
وأضاف حسني: "كلي ثقة ان شبابنا هيعدوا الرقم ده وبكتيييييير وياسلام لو كل الجامعات ومدارس الثانوي اتحدوا وخرجوا اليوم ده يتبرعوا اكيد هنسجل رقم تاريخي يلا يا شباب والله ولادنا وأهالينا محتاجين الدعم ده وكل حد فينا مُعرّض لاقدر الله انه يحتاج دم لنفسه او لحد من أهله لازم يلاقي".
واختتم كلماته قائلا: "والله فيه ناس كتير من أهالينا كل يوم بيموتوا عشان معندناش اكياس دم كفاية بعد الحملة دي هنكون انقذنا ارواح أطفال كتير وشباب وناس كتير اوي فوق ما نتخيل وهنكون تصدقنا بصدقات جارية طول حياتنا فأرواح إخواتنا محتاجة استحلفكم بالله يا شبابنا ان نتحد ف اليوم ده وربنا يحفظ مصر وأولادها".