اعلن الفنان تامر حسني من خلال صفحته على موقع "الفيس بوك" انه سيدعم حملة مساعدة 80 طفلاً يعانون مشكلات في السمع، التي كانت قد أطلقتها الإعلامية ريهام السعيد في برنامجها "صبايا الخير" على قناة "النهار". وكتب تامر على صفحته: "أنا عن نفسي هشارك وهعمل اللي أقدر عليه. وبطلب من جمهوري الغالي اللي يقدر يشارك معانا و لو بجنيه"، وأضاف: "أنا عارف التيمورية لما يتحدوا وبيحطوا إيدهم في إيد بعض بيعملوا إنجاز كبير كالعادة. ويا رب دائمًا نتجمع على الخير". وتابع تامر في الصفحة التي انشأها خصيصاً للحملة: "هدف الحملة: زرع قوقعة ومحتاجين تبرعات 10 مليون جنيه، لعمليات زرع القوقعة للاطفال لم يتجاوزوا سن 6 سنوات، عملية زرع قوقعة للاطفال الصم والبكم، القوقعة دي بتساعدهم ع السمع والتخاطب والعملية دي ما ينفعش تتعمل للطفل غير قبل 6 سنين لو الطفل عدي السن دا للاسف بيعيش طول عمره ما بيسمعش وما بيتكلمش فلازم نسرع فى جمع التبرعات أكتر من 80 طفل و طفلة محتاجين يسمعوا ومنهم 20% باقيلهم شهر أو شهر... و نص و ما ينفعش يسمعوا تاني لازم نلحقهم ونساعدهم". وأكد المسئول عن صفحة الحملة ان طريقة التبرع ستكون كالتالي: "اتبرع و لو بجنيه من كل بلد العالم علي رقم حساب 787 بنك بيريوس جميع الفروع سيتم التبرع بأسم جمهور تامر حسني ممكن تتبرع من اي نوع بنك في مصر والعالم ... وفي اي فرع في الدنيا كلها ... وفي اي وقت اتة تحبة يكون البنك فاتح ... علي رقم الحساب المبين ... يعني مثلا: دخلت بنك مصر - القاهرة - اسكندرية - اهلي سوستية - البنك العربي - عودة .. اي بنك يختر في بالك .. تقولة عاوز اتبرع علي رقم 787 بنك بيريوس، نتبرع مع بعض في البنك و اول واحد هيشارك معانا ان شاء الله هو تامر حسني و كلنا معاه و هنظم في كل البلاد و المحافظات ايام نتجمع كلنا كتيمورية و نروح". وكان البرنامج قد تبنى هذه الحملة منذ شهور، واستطاع ان يجمع تبرعات للأطفال الذين بحاجة لعمليات زرع قوقعة أذن لإعادة حاسة السمع اليهم.