أحمد زاهر يعلن تضامنه مع مبادرة تامر حسني للتبرع بالدم..الشهر المقبل

أعلن الفنان احمد زاهر عن انضمامه للمبادرة التي اطلقها المطرب تامر حسني للتبرع بالدم يوم 23 فبراير المقبل .
وكتب زاهر عبر حسابه علي موقع التواصل الاجتماعي انستجرام " لو كل واحد فينا فهم ان لاطفالنا وأهالينا واخوتنا وولاد بلدنا ليهم علينا حق زي ما وصانا سيدنا النبي محمد عليه افضل الصلاه والسلام مش ًهيكون عندنا اي مشاكل بكل أنواعها وهيضرب بينا المثل في العالم كله في تكاتفنا ووحدتنا.....".
وأضاف زاهر " والله نقدر يالا كلنا وانا اولكم ننزل يوم 23 فبراير نتبرع بالدم ونعالج مشاكلنا بنفسنا ونقف علي رجلينا من تاني .انا واثق ان كل متابعيني يتمنوا يعملوا الخير واذكركم احبابي هذه صدقه جاريه وجزاكم الله كل خير".
وكان الفنان تامر حسني قد أطلق مبادرة عبر صفحته علي موقع التواصل الاجتماعي "فيس بوك" للتبرع بالدم يوم 23 فبراير المقبل.
وكتب تامر حسني: "لو يوم 23 فبراير اتبرع بالدم 110 ألف شخص فى يوم واحد اولا سننقذ حياة 3 مليون و 300 الف شخص بين مريض او مصاب.. ثانيا سنقلل الفجوة الموجودة بين الاحتياج الفعلى للتبرع بالدم والمتاح حاليا من متبرعين وستسجل مصر رقم قياسي يدخلها موسوعة جينيس".
وأضاف حسني: "كلي ثقة ان شبابنا هيعدوا الرقم ده وبكتيييييير وياسلام لو كل الجامعات ومدارس الثانوي اتحدوا وخرجوا اليوم ده يتبرعوا اكيد هنسجل رقم تاريخي يلا يا شباب والله ولادنا وأهالينا محتاجين الدعم ده وكل حد فينا مُعرّض لاقدر الله انه يحتاج دم لنفسه او لحد من أهله لازم يلاقي".
واختتم كلماته قائلا: "والله فيه ناس كتير من أهالينا كل يوم بيموتوا عشان معندناش اكياس دم كفاية بعد الحملة دي هنكون انقذنا ارواح أطفال كتير وشباب وناس كتير اوي فوق ما نتخيل وهنكون تصدقنا بصدقات جارية طول حياتنا فأرواح إخواتنا محتاجين استحلفكم بالله يا شبابنا ان نتحد ف اليوم ده وربنا يحفظ مصر وأولادها".