وزير القوى العاملة لشباب المؤهلات: "اشتغل أى حاجة لحد ما تلاقى وظيفة"

طالب جمال سرور وزير القوى العاملة، الشباب الحاصلين على مؤهلات جامعية، بالبحث عن وظائف أخرى بعيدة عن مجالهم، لحين توافر الفرصة المناسبة، قائلا: :"المصانع موجودة وهناك مصانع طالبة ناس كتير ومش لاقية".
وأضاف سرور، خلال حواره مع الإعلامى جمال عنايت، ببرنامج "سيادة الناخب"، موجها رسالته للشباب: "مش هينفع النهاردة تشتغلوا بالشهادة بتاعتكم، وكتير من الناس مش شغالة بشهادتها، اللى مش هيلاقى شغلانة فى التخصص بتاعه ما يوقفش، ويشتغل أى حاجة لحد ما يلاقى شغل تانى بشهادته".
ونصح وزير القوى العاملة، الشباب بالعمل فى أى مجال، حتى يكتسبوا الخبرات، وتتفتح أمامهم الأفق، بدلاً من الجلوس بالمنزل أو "الكافيهات".