يحدث في مصر

محمد موافى:مشاهدينا اهلا بكم فى حلقة جديدة من يحدث فى مصر لما نقول المناطق الصناعية على طول بيجى على بالنا 6 اكتوبر العبوربرج العرب السادات العاشرمن رمضان وغيرها من المناطق الصناعية الضخمة
ريهام ابراهيم:ومؤخرا تم تكليف الحكومة بانشاء منطقة صناعية جديدة موزعة تقريبا على كل انحاء الجمهورية الهدف من التكليف هو تعظيم دورالصناعة فى عجلة التنمياه ودا لانه هيكون عن طريق تشجيع القطاع الخاص وكذلك عن طريق جذب الاستثمارات الاجنبية وذلك بشكل متعدد وايضا ملفت فى الفترة الاخيرة
محمد موافى: الاهتمام بالصناعة بيساوى فى النهاية زيادة فى الناتج المحلى بيساوى تشغيل لالاف الشباب بيساوى تنوع فى المنتجات المصريه فى السوق المصرى لخدمة المستهلك اللى هو بالطبع المستهلك وبرضه التصدير الى الخارج وبرضه بيساةى ضرايب بتدخل فى نهاية القصة لخزينة الدولة
ريهام ابراهيم:يمكن الاسباب دى كانت وراء انشاء كيان مستقل فى عام 2005 مهمة الكيان الرئيسية فى تنفيذ السياسة الصناعية للدولة وهوالهيئة العامة للتنمية الصناعية التى يراسها المهندس عمروعسل ضيفنا اليوم فيه يحدث فى مصر
محمد موافى:اهلا بيك يا باشمهندس
المهندس /عمرو عسل :اهلا بيك يا فندم
محمد موافى:نبدا الحوار بس نشوف حضرتك تقريرعن ايه الجديد اللى عملته الهيئة العامة للتنمية
تقرير
صنع فى مصر ليس مجرد شعار على احد المنتجات لكنه هدف قومى ومع تطبيق سياسة الاصلاح الاقتصادى التى بدات فى التسعينيات من القرن الماضى تزايد دور القطاع الخاص فى تحقيق التنمية الصناعية وحظى قطاع الصناعة بالعديد من المزايا والتيسرات وتزايدت المزايا الموجه للانشطة الصناعية مع بداية القرن الحادى والعشرين بدات مصرالنهوض بالصناعة
مسئول فى الهيئة العامة للتنمية الصناعية :صندوق دعم وتطوير المناطق الصناعية من اهم مهامه تطوير البنيه الاساسيه للمناطق الصناعية بمحافظات مصر بهدف خلق تنمية متوازنة فى محافظات مصر وبصفة اساسيه والولويه المطلقة لمحافظات الصعيد بنى سويف والمنيا واسيوط وسوهاج وقنا والوادى الجديد اتحت للصندوق حوالى مليار و450 مليون تم صرفها على 33 منطقه صناعيو وفرلتنا اراضى حوالى 26 مليون متر 26 مليون متر اراضى اتوفرت جدول الاستثمارات فى حدود 18 مليار جنيه حوالى 830 مشروع صناعى ,وهنا يبرز دور الهيئة العامة للتنمياه الصناعية وهى المسئولة عن تنفيذ السياسات الصناعية فى الدولة وتحديث وتشجيع الاستثمارات فى القطاع الخاتص ووضع وتنفيذ سياسات تنمية الاراضى للاغراض الصناعية واتاحتها للمستثمرين وتسهيل حصولهم على التراخيص الصناعية
محمد عبد اللطيف*مدير خدمة المستثمرين بهيئة التنمية الصناعية: فى بعض المستثمرين بيتقدموا للحصول على السجل الصناعى الاجراءات القيد بالهيئة لكن بتبقى عندهم مشكلة الرخصة لسه منتهاش من الاجراءات بتاعتها فالحقيقة برضه اتعمل تيسرات للموضوع دهوا مع اجهزة المدن انه بيتم التقدم بطلب فى جهاز المدينة للحصول على رخصة تشغيل صناعى مؤقت ودا تفويض من الهيئة لى اجهزة المدن وبالنسبه للمحافظات بنطلب منهم خطاب جارى السيرفى استخراج الرخصة لحد ما يستكمل اجراءاته فى الجهازفالبتالى بنقدر نطلعله سجل مؤقت وبنقدر نكمل معاه الخدمات بتاعتنا بدون مشكلة
وتبقى الجهود المستمرة قطاع الصناعة هى الداعم لبناء قاعدة مصريه متطورة ودفع المنتج المصرى ليحتل مكانه مناسبه فى الاسواق العالمية
ريهام ابراهيم:بنرحب مع حضراتكم مره تانية برئيس الهيئة العامة لتنمية الصناعية المهندس عمرو عسل اهلا بحضرتك معانا يا فندم فيه يحدث فى مصر
المهندس/عمرو عسل :اهلا بيكى يا فندم
محمد موافى:باشمهندس قبل ما نتكلم على الهيئءة العامةى للتنمياه الصناعية والتطور اللى حصل للصناعة فى مصرعايز اخرج بره الموضوع لحاجة حضرتك لحظتها فى التقرير كاتن فيه احد الشباب بيتكلم فى التقرير وحضرتك كان ليك تعليق دا برضه الناس اللى شغاله فى الهيئة فدا صورة لانجازات الهيئة
المهندس/عمرو عسل :الهيئة انشات 2006 كنا محتاجين كوادر تنفذ السياسات الصناعية المطلوبه والحقيقة الطلبات هنتكلم عليها بالتفصيل ولكن كانت الكوادر تنمياه بشريه مهمة مين هينفذ السياسات فابتدينا نبص على طبعا تعيين مجموعه قادرة على التفكير وفى نفس الوقت تاهيل الشباب الى تنمية اكبر فاحنا اخترنا10 شباب للهيئة واديناهم يروحوا يعملوا كورس فيه الماستربزنس يعنى دراسات فى الاعمال من الاكاديمياه البحريه ولسه متخرج يوم السبت حفلة تخريج لى 4 من الدفعة دى فعن طريق الشباب وتطويرهم والتنمية البشريه بنعتبران دى الثروة اللى احنا كسبناها الحقيقية يعنى
ريهام ابراهيم:بما انها هى الثروة يا باشمهندس عمرو وقد ايه هى مهمة التعامل مع الناس بكوادر جيدة كمان بتعرف تعمل ده بطريقة سليمة بتفيد الكل ممكن دى كانت تبقى احد العقبات اللى واجهت الهيئة ؟
المهندس/عمرو عسل :طبعا بداية الهيئة بانشائها بقرار جمهورى فى 2006 الحقيقة بدانا تنفيذ السياسة الصناعية فى وزارة التجارة والصناعه والمساهمة فى انشاء مناطق صناعية جديدة لتحقيق برنامج السيد الرئيس لى 1000 مصنع عن طريق مناطق جديدة وتوفير اراضى مرفقه تطوير تشريعات وضع تسهيلات خاصة بالصناعة ببساطة تبقى هى مسئوله عن الصناع ومسئولة عن حل مشاكلهم وتطوير جميع السياسات التنفيذيه من الوزارة الحقيقة علشان ننفذ هذا المشروع قدرنا نحط اهدافنا اهداف جدبدة بس ازلا الهيئة هيئة قديمة اسمها الهيئة العامة للتصنيع الهيئة العامة للتصنيع دى من الخمسينات موجوده ليها دور كبير فى التحكم فى الصناعة فى مصر عن طريق النظام الاشتراكى وهيئة قطاع الاعمال هو اللى بيقود الاقتصاد والاقتصاد الموجهه
ريهام ابراهيم:والسياسة بمشاكلها ؟
المهندس /عمرو عسل :بالظبط وهى كانت مسئوله عن طرح المصانع الجديدة واستيراد المكن والتراخيص كان ليها دوركبير مهم فى هذه الفترة بس ما اتحولت السياسه من الاقتصاد الموجه لى الاقتصاد الحر والاعتماد على القطاع الخاص فى التنمياه دورالهيئة ما اتغيرش بنحاول من 87 لغاية ما بدانا فى 2005 كان دورها بينحصر وبيضعف ,ابتدى فى دورمطلوب حد لازم يقوم بيه علشان
محمد موافى:الدور دا يا باشمهندس لما نقول ان مستقبل الصناعة فى مصر هو معتمد بالاساس على الهيئة العامة للتنمياه الصناعية يعنى لو فيه صناعة لو نجحنا فى الصناعة فى مصرفى المستقبل يبقى الهيئة نجحت ولو العكس يبقى برضه العكس صحيح ؟
المهندس/عمرو عسل :لا دى مسئوليه كبيرة لا انا مش عايز اقول كده انا عايز اقوا ان وزارة التجارة والصناعة هيئة مسئولة عن حط سياسات واستراجيات لانجاح الصناعة فيها هيئات فيه 18 هيئة فى التجارة والصناعة بتقوم بهذا التنفيذ السيتاسة دى ليها 6 محاور محاور خاصة بتحرير الصناعة فالوزارة عملت مركز خاص بتطوير الصناعة وتقديم الخدمات للتحديث والمستثمر الصغير والكبير بتساعده فى التصدير فى التسويق فى تطوير النشاط ده ليه جهة اخرى اللى هى هيئة النشاط والجودة دى مهة جدا الصناعة عايزة مواصفات وجوده علشان تقدر تنمو التصدير للخارج محدش بيجمالك لازم يكون المنتج مطابق للمواصفات وتكون المنافسة فى السعر هيئة التنمية الصناعية احنا لينا دور فى انشاء المناطق الصناعية والتطوير والترفيق لينا جزء من المنظومة بيخص هيئة التنمية الصناعية دا اللى احنا بنقوم بيه دور خاص بالتطوير والترفيق الاجراءات دى خاصة بينا
ريهام ابراهيم:بس لانجاح الهيئة اكيد ليكم علاقات بهيئات اخرى وبمؤسسات اخرى يعنى مثلا المجلس الاعلى للطاقة علاقاته بالهيئة اكيد كبيرة ومش عارفه يا ريت حضرتك توضحلنا هل فعلا بيحدث احيانا رفض لبعض الصناعات الكثيفة زى مصانع الاسمدة والاسمنت مثلا ؟
المهندس/عمرو عسل :والله لما بدانا فى 2006 ما كنش فيه رفض لتكثيف الطاقة فى مجال الاعمال انما احنا لما جينا لقينا انه فى العالم كله حصل طفرة فى اسعار الطاقة فى ارتفاع كبيرة ومصر كانت مدعومة بشكل كبير يعنى السولار كان بجنيه وربع تقريبا وفى العالم وصل لى 5 او 6 او 10 دولار وبالتالى مشروعات تكثيف الطاقة زى الاسمنت الحديد الالمونيوم اليوريا طبعا لما جيت فى الهيئة فى اول شهرين او تلت شهور لقينا 10 طلبات اسمنت واحنا لسه بندرس الموضوع بصينا لقينا 26 طلب فى 6 شهور فاحنا لقينا من الدراسة ان دى عايزه طاقة تقريبا ضعف الصناعة فى مصر
محمد موافى:يافندم يعنى كان مشكلتكم استهلكها للطاقه دون مشاكل اخرى ؟
المهندس /عمرو عسل :يعنى خلينا اقولك مشكلتين الكمية بمعنى انها توفر ضعف احتياجات الصناعة من الطاقة لهذه المشروعات بس الجديدة ودى مش موجوده زائد الدعم
محمد موافى: في اسباب اخرى يعنى اشمعنا مصرنعمل فيها الاسمنت والبيئة وقصة البيئة ما هى فيه دول منعت صناعة الاسمنت ؟
المهندس /عمرو عسل :احنا بنتكلم عن الموضوع من ناحية الصناعة من ناحية الكمياه ومن ناحية الدعم ومن ناحية البيئة الحقيقة جهاز التنظيم لازم الحكومة تخش تنظم الطلبات اللى جاية تدى لمين وما تديش لمين ؟ وتدى قد ايه ؟ معايير البيئة تطبق ازاى ؟ السياسات دى مع وزارة التجارة والصناعة المهندس رشيد والمجموعه كلها حطت هذه السياسة السياسه بتقول ان احنا مش هنوافق اللى لعدد من المشروعات اللى احنا محتاجينوا فى مصر تاميت احتياجتنا من هذه الخامات الاستراتيجية بمعنى لو حضرتك معندكش اسمنت النهاردة وبنتكلم عن تنمياه وبنتكلم عن مدارس وبنتكلم عن مستشفيات ومفيش اسمنت كل خططك هتقل لو عايز تستوردها من بره فيه وقت ما كنش فيه بره بضاعة تستوردها وبالتالى التامين الاستراتيجى لاحتياجتنا من الانتاج المحلى يكفينا دا كان سياسه وزارة التجارة والصناعة واحنا دورنا ننفذ السياسه ف 54 طلب صعدنا هذه المواضيع الى المجلس الاعلى للطاقة وكان اقتراح الوزارة ان احنا نعمل 15 رخصة بس اللى احنا محتاجينهم خلال ال5 سنين اللى جايه اتوافق على هذه المشروعات بس وبنحط قواعد لمين ياخد الرخصة ومين ما يخدهاش ؟ وبالتالى يبقى فيه قواعد ثابته لاول مرة لاختيار هذه الشركات
محمد موافى:اتوعدنا لسنين كتير ان اللى ممكن ياخد الرخصة اللى ممكن يتصل بفلان ففلان يتصل برئيس الهيئة يعنى خلينا نتكلم بصراحة دلوقتى ايه القواعد 10 طالبين حاجة محدده ونتفرض ان احنا نوافق لى 3 مين ال3 دول ؟
المهندس/عمرو عسل :فى خلال ال4 سنين اللى فاتوا انت ما سمعتش كان فى البلاد العربي سمعه وحشة قوى بطلع الرخص وتيجى تبعهلنا ب 50 مليون دولار مش ارف ارقام غريبه جدا وبقت سمعة وحشه بخلصلها بشكل معين ودا مش حقيقى القواعد اللى حطيناها لهذه الرخص الجديدة انه ما فيش حاجة اسمها استثنا فيه اعلان تم فى الجرايد فيه نا اتقدمت فيه 54 واحد اتقدم فيه اختبارات تمت وذمة ماليه والخبرة ثما اذا كان فيه 2 ، 3 عايزين رخصه الوزارة بتدى رخصة لمصنع واحد فى كل محافظة علشان تضمن عدالة توزيع التنمياه الصناعية على مستوى مصر كلها ففى مصنع فى بنى سويف فى اسيوط فى سوهاج كان فيه وقت السياسه فى مصر ندى رخص لناس يخش ينافسوا المهم النزاهة الناس كلها عرفت بتاخد الرخص ليه ؟ والمعايير واضحة الجزء بتاع انه فيه دعم للطاقة اما بدانا كان فيه مشكلة كبيرة قوى عملنا معيار دعم الطاقة للعمل وعملنا 200 صناعة وكل صناعة حسبنا دعم الطاقة كام فى السنه ,ابتدينا نحد منها اذا كان مش محتاجينها وننوافق على قد الكمية المطلوبه مننا علشا ننوفر فرص عمل زى ما هو مطلوب
ريهام ابراهيم:بمناسبة بقى توفير فرص العمل وان حضرتك مش عايز تتكلم فى اى مشاكل زمان انا بتكلم بقى دلوقتى عن مشاكل الاستثمار للصغلر وليس للكبار بيتقال ان هناك اهتمام من قبل الهيئة بالمستثمرين الكبار بشكل اكبر نوعا ما من المستثمر الصغير
المهندس/عمرو عسل :هقول لحضرتك الهيئة علاقاتها بالمستثمر طبقا لقانون السجل الصناعى اى مصنع فوق 10 عمالة 10 عمال اقل من كده القانون خدم المشروعات الصغيرة وبالتالى احنا خدمتنا للمشروع اللى فيه 10 عمالة فيما اكتر دا بالقانون يعنى علشان كده الاحساس ده موجود الهيئة ملهاش دعوة بينا احنا ملناش دعوة بيهم فعلا
ريهام ابراهيم:لا معلش يا فندم بمعنى ايه مالكوش دعوة بيهم ؟
المهندس/عمرو عسل :احنا كهيئة تنمياه صناعية طبقا للقانون بتاعنا سجل صناعى اى مصنع عنده 10 عمال فاكثر 10 ، 20 ، 50 ، 100 دا مجال اهتمامنا او مجال عملنا اقل من 10 عمال دا يبقى مشروعات صغيرة مسموح للصندوق الاجتماعى بموجب القانون قانون المشروعات الصغيرة وهو عنده دعم ودعنده تراخيص وعنده اجراءات كتيرة قوى بيعملها دا صندوق اجتماعى وعنده طبعا ارقام كثيرة مش عايز اخش فيها وبالتالى هذا الكلام مظبوط ودا بموجب القانون فيه جهتين فى البلد بيدعموا المشروعات الصغيرة واحنا برضه المشروعات اللى اقل من 10 عمال متناهية الصغر انما اكثر من 10 عمال احنا مسئولين عنهم
المهندس/عمرو عسل :يا فندم الدولة مع بداية الهيئة اعلنت عن 1000 مصنع فى برنامج الرئيس مبارك الانتخابى خلينا نتكلم عن الموضوع ده بعد ما نطلع فاصل ونرجع تانى مع حضرتك فاصل قصير وانتظرونا مع المهندس عمرو عسل
فاصل
ريهام ابراهيم:اهلا بكم مشاهدينا الكرام مرة تانية نستانف حوارنا مع المهندس عمرو عسل فى يحدث فى مصر باشمهندس حسن اخر حاجة اتكلمنا فيها مشروع ال1000 مصنع وحضرتك ذكرت فى حديثك فى بداية الحلقة اهمياه هذا المشروع من خلال توفير فرص كثيرة للايدى العامله من خلال كمان الاستثمار بشكل كبير فى مصر بالطبع يعنى ازاى هتنجزوا هذا المشروع وفى قد ايه خصوصا فى ظل وجود يعنى عقبات ماليه او ازمة ماليه متعارف عليها ؟
المهندس/عمرو عسل :والله انا هقول لحضرتك لما البرنامج اعلن اعلن 2005 برنامج السيد الرئيس الانتخابى للمصنع اللى فوق 10 مليون جنيه استثماراته وفيه 1700 مصنع اجمالى العدد المطلوب 2700 مصنع الحقيقة البرنامج ده نهايته 2011 فى ضوء سياسات اتحطت فى وزارة التجارة والصناعة الباشمهندس رشيد والهيئات المختلفه والهيئة دى انشات لتنفيذ السياسه ما تم على ارض الواقع كان بيعدى الارقام الستهدفة كل سنه فى شهر 8 2009 تم الاعلان عن المصنع ال1000 تم البرنامج قبل الميعاد بسنتين
محمد موافى:ال1000 فى المصانع الكبيرة ؟
المهندس/عمرو عسل :و1700 فى المشروعات الصغيرة احنا بنتكلم على البرنامج الانتخابى اللى الناس عرفاها بال1000 مصنع فعلشان كده انا مش عايز البخ الناس هو ال1000 مصنع كبير تموا والمصانع 1700 تموا فعلا فى شهر 8 2009
محمد موافى:احنا بنتكلم عن كام عامل ؟
المهندس/عمرو عسل :احنا بنكلم على حوالى كده على 54 الف عامل بنتكلم على 60 مليار جنيه استثمارات بنتكلم على 2007 مصنع على مستوى الجمهورية فى كل الموضوعات الصناعية
ريهام ابراهيم:بس الحاجات دى بتبقى محتاجة توزيع جغرافى محتاجة بما اننا ذكرنا كمان المصانع وعلاقاتها بالبيئة والمشاكل اللى بتكون رد فعل ليها وفيه مشاكل حالية خاصة ببعض المصانع عملتوا فيها ايه ازاى تم التوزيع بشكل جيد وبشكل سليم ؟
المهندس/عمرو عسل :هى اولا ممنوع انشاء مصانع خارج المناطق الصناعية وبالتالى كل المصانع اللى انشات داخل المناطق الصناعية معتمده ومخططه وبتراعى شروط البيئة كلها الصناعات الكيمائيه جزء والصناعات الغذائية جزء ولذلك ان المشاريع كلها بتعمل فى الجزء الخاص بيها ودا بيئيا مظبوط حتى مشروعات الاسمنت لازم تطابق مواصفات البيئة الدوليه العالمياه فكل المصانع الحديثة للاسمنت مطابقة لمعايير البيئة اما القديمة دى مشاكل قديمة
محمد موافى:خلينا نقف يا باشمهندس مع حلوان كان فيه كلام عن نقل المصانع اللى هناك من داخل الكتلة السكنية وصلنا لحد فين ؟
المهندس /عمرو عسل :الحقيقة الاجتماع الوزارى برئاسة السيد رئيس مجلس الوزارء من 3 ، 4 شهور ادى توجيهات باجراء نقل مصانع الاسمنت فى حلوان وفيه لجنة وزارية برئاسة الباشمهندس رشيد بدات تشتغل هما 3 مصانع واحد منهم ملك لشركة حكومياه ومصنعين ملك لشركة اخرى خاتصة وتم المباحثات معاهم عام 2011 ليهم عقود محاجر بتوجيها السيد الوزير عدم تجديد عقود المحاجر عام 2011 لهذه المشروعات الا بالاتفاق معاهم على النقل مده النقل وزمن النقل طبعا هذه المشروعات ليها تكلفة عاليه جدا
محمد موافى:طب لما هوقف التراخيص المصانع دى فيها ناس شغاله يعنى انا هقدملهم ايه بقى ؟
المهندس/عمرو عسل :ما هو هنقدملهم ايه مساعده من الحكومة مع مساعدة المصنع نفسه
ريهام ابراهيم:بمعنى ايه المساعده من الحكومة ؟
المهندس/عمرو عسل :المطروح دى ارض كبيرة جدا مساحتها مهوله فدى اراضى سيتم اعادة تصنيفها الى مشروعات سياحيه او استثماريه او مدارس او مستشفيات قيمة الارض هتساهم فى تكلفة نقل المصانع دى الى اماكن اخرى دا كان جزء من الموضوع العمالة كان اهم حاجة الحفاظ على العمالة والعمالة لما تتنقل على بعد ساعة بالكتير من هذه الاماكن علشان يبقوا فى نفسهم بيوتهم واماكنهم والموضع نقل ساعه غير طبيعى اى عامل بيتنقل من القاهرة لى 6 اكتوبرفى ساعة او ساعه ونصف
محمد موافى:ايه المنطقة اللى قريبه من حلوان اللى العامل لن يستغرق اكترمن ساعة ؟
المهندس/عمرو عسل :على حدود حلوان على حدود السويس على حدود بنى سويف على حدود محافظة 6 اكتوبر دى محافظات كبيرة جدا يعنى كل دى دايرة كبيرة على بعد ساعه كلها بتغطى هذه المعايير والحقيقة الحوار شغال معاهم وفيه دراسات
ريهام ابراهيم:طب عملتم ايه يا باشمهندس عمرو مع منطقة تانيه مهمة جدا فيها ايدى عاملة بكثرة وفى نفس الوقت ما فيش شغل وكان فيه تركيز كبير عليها لى الانتاج والاستثمار الصعيد فين الصعيد من الخطط للهيئة العامة للتنمياه الصناعية ؟
المهندس/عمرو عسل :هو الصعيد هو المحور الاساسى لعمل الهيئة السيد الرئيس فى البرنامج الانتخابى مهتم بالصعيد احنا كان فيه صندجوق دعم المناطق الصناعية يمكن فى التقري الاستاذ محمد كان اتكلم عن جزء من هذا الموضوع احنا كل التمويل اللى جالنا فى الفترة السابقه مليار و750 مليون جنيه 750 مليون راحوا لدعم المشروعات الصناعية فى الصعيد كان عندنا برضه فى الصعيد ان المناطق الصناعية ينقصها بعض الخدمات فى البنيه الاساسية مياه كهربا غاز
ريهام ابراهيم:اهتموا بالنقطة دى اللى حضرتك ذكرتها يعنى توفير الخدمات للمصانع
المهندس/عمروعسل :الحقيقة طبعا فى تنسيق مع الاسكان فى المدن الجديدة اما المحافظات معندهمش موارد
ريهام ابراهيم:يعنى حضرتك مسئولين مسئوليه كانله عن توفير البنية التحتية
المهندس/عمروعسل : احنا بنساعد دعم البنيه التحتيه ووزارة الماليه بتوجهلنا هذه المبالغ علشان ندرس كل محافظة عايزه قد ايه من التمويل طبعا احنا عندنا 3 مليار جنيه احتياجات هدفنا بتصرف على مراحل 100 ، 200 ، 500 بنوجهها فى كل محافظة منطقة صناعيه واحده بنهتم بيها علشان نكمل مراحل البنيه بالكامل بحيث المستثمر لما يجى يلاقى المنطقة كاملة بدل ما يبقى فى المحافظة 10 مناطق ادى لكل منطقة جزء مش هتكمل
ريهام ابراهيم:اللى قبله جرب فمنجحش فمشى ؟
المهندس/عمروعسل :كان النجاح محدود بشكل كبير ولكن اتباع سياسة التركيز على منطقة واستكمال المرافق بالكامل ودا نجحنا فيه فعلا
محمد موافى:زى ايه ادينى مثال فى الصعيد ؟ يعنى خلينا نبدا ببنى سويف .
المهندس /عمروعسل :مصنع العقود الخشبى بياخدوا مخلفات الخشب بيحواوها الى منتجات تصدر الى اوروبا بدل الوقود الطبيعى مصنه تانى للصناعات الغذائية مصنع للملابس مصنع ملابس فيه 1200 عامل كانه بيعملوا فى اول سنة وهيوصل لى 10000 عامل خلال عام 2011 النهاردة بقت بنى سويف جاذبة
ريهام ابراهيم:عايزين عمالة من الخارج من القاهرة ؟
محمد موافى:انا عايز اقول ان مصنع واحد لما يشغل 10000 عامل خلال سنتين بتعمل فرق فى المدينه فيه منطقتين صناعيتين فى بنى سويف بنى سويف انا زرتها من 3 سنين مع اللوا احمد عابدين كان بيعمل جهود كبيرة علشا ينمياها بلغت لحد النهاردة 2117 مليون جنيه فى محافظة بنى سويف للبنية الاساسية نتج عنها اكتر من 100 مشروع راحوا هناك تحت الانشاء او بيشتغلوا حاليا فيه منطقة صناعيه فيها 560 مشروع صناعى مقدمين طلبات للمحافظ علشان ياخدوا مشروعات فى منطقة اسمها 2 على 31 للمواد البنى
ريهام ابراهيم:ايه يا باشمهندس عمرو المميزات اللى لاقوها علشان يقدموا الطلبات دى ايه اللى موجود حاليا ما كنش موجود قبل كده وتم توفيره بصورة اكبر؟
المهندس/عمروعسل :انا عايز بنية اساسية مياه وصرف وكهربا وطرق علشا اشغل المصنع والعمالة موجودة ومؤهلة وتقدر تشتغل الطرق الجديدة اللى عملتها الحكومة الحقيقة على مستوى عالمى اهتمام الدولة بالمرافق السياسات الصناعية ككل والنمو اللى حصل فى مصر الغير عادى فى الفترة السابقه خلى الاقبال على مصر كلها احنا كان عندنا سياسه تانيه سياسه طرد منظمة يعنى ايه طرد منظمة ؟ اللى شغال فى 6 اكتوبر نقلل الحوافز فيها شويه وندى الحوافز فى الصعيد الوزارة حطت برنامج والحكومة طبعا دعمتنا انه وضع حوافز الاستثمار فى الصعيد كل فرصة عمل فى الصعيد بتاخد 15 الف جنيه دعم من الدولة
محمد موافى:15 الاف جنيه ممثله فى حوافز؟
المهندس/عمروعسل :حوافز مباشرة لصاحب المصنع الاستثمارت مثلا ب20 مليون جنيه وعنده 1000 عامل هياخد 12 مليون جنيه من الدولة فى صورة خصم كهربا غاز وحاجات كده فالحوافز حزمة اتحطت للمستثمر بقت مقبولة انه يروح الصعيد ومبقاش يروح 6 اكتوبر والعاشر من رمضان دا ادى جذب كبير انا بقول لحضرتك فى طابور انتظار لمصانع بنى سويف لما تروح الفيوم فيها نفس المشكلة كل واحد عايز يروح 6 اكتوبر عايز يروح العاشر من رمضان لكن وضع عوامل جذب ومرافق بقت الفيوم جاذبة المنيا المنيا النهاردة فيه مصانع كتير راحت المنيا ودعمناها باكثر من 120 مليون فى قطاع شرق مصنع واحد بتاع ازاز هذا المصنع تحت الانشاء هيشتغل فى شهر 6 محتاج 10000 هذا المصنع بيلف بعربيات فى قرى ونجوع المنيا علشان يجيب عماله يدربها ويعلمها علشان هيشتغل فى شهر 6 يعنى انا بتكلم عن بنى سويف وبتكلم عن المنيا
ريهام ابراهيم:يعنى فيه كمان برنامج تدريبى ومهنى واضح وموضوع للايدى العمالة ؟
المهندس/عمروعسل :ده زملائنا فى مجلس تدريب الناعى والتحديث الصناعى قايمين بشكل كامل بيغطوا 100% من تكاليف التدريب ان بحكيلك لحذب مشروعات كبيرة اللى كانت عمرها ما تفكر تروح الصعيد فى مصنع فى شبرا الخيمة عنده 30 الف عامل وصل لدرجة معدش عارف يجيب عامل من شبرا الخيمة وحوالين القليوبيه يعنى ياس انه هيقدر يجيب عمالة اكتر من اللى عنده فكان قراره اروح الصعيد اقدرالاقى فيها عمالة فكان عنده اسيوط والمنيا
ريهام ابراهيم:ليه يا فندم مش لاقى عماله ؟ يعنى طول الوقت البطالة مفيش شغل ؟
المهندس/عمروعسل :انا هقول لحضرتك حاجة بورسعيد بورسعيد فيها مصانع ملابس وفيها اكتر من 25 الف عامل فى هذه المشروعات كل يوم بيجوا 10 تلاف عامل بيجوا مستوردين من الشرقيه ومن الصالحيه ومن الاسماعيليه كل يوم الصبح اتوبيسات بتجيب العماله وبعد كده بتاخد العمالة للمنطقه الصناعية يعنى عايز اقول لحضرتك فى محافظات كتيرة بتعانى من نقص العماله اللى عايز يشتغل فى مصانع
ريهام ابراهيم:العمالة بشكل عام ولا العمالة اللى بتملك خبرة او بتملك تدريب؟
المهندس/عمروعسل :العمالة بتدرب وتملك الخبرة وتكتسب الخبرة بس عايز اقول انه فيه مصانع كتير فتحت النهاردة بتجذب العمالة ومشكلة البطالة اللى عايزه تشتغل فى مصانع فى المحلة رجال الصناعة فى المحلة بيشتكوا من نقص العماله فى المحله
محمد موافى:احنا دلوقتى فيه بطالة بس البطالة دى فى مجالات كتيرة قوى ومفيش العنصر المطلوب يعنى لما مصنع بيبقى عايز عامل ما بيلاقيش العامل المدرب الهيئة فين ؟
المهندس/عمروعسل :هى فيه حاجتين الهيئة مش دورها العمالة العماله تدريبها فى المجلس التدريبى الصناعى بيحلها وفيه 500 مليون جنيه اعتمدوا من الدولة لتدريب العماله العامل ده بيجى بياخد مرتب 300 جنيه
ريهام ابراهيم:500 مليون جنيه لتدريب العمالة ؟
المهندس/عمروعسل :دا بنش الحكومة حطاها لتدريب العمالة ودا زملائنا فى مجلس التدريب الصناعى يحكولك عليه بالتفصيل ولكن هذا العامل بياخد مرتبات وبيدرب وبعد هذا التدريب بياخد 600 او 700 ، 800 كعامل مؤهل بيشتغل فى الملابس انا بحكيلك بورسعيد المصنع ده مع المصنع ده ابتدى ينافس ده 600 دا 700 دا 800 دا لمصلحة العامل انا عاوز احكى انى سياسة المهندس رشيد فى هذا الموضوع ان المنافسه وجذب استثمارات جديده بتؤدى الى رفع مرتب العامل فيه جزء تدريب وفيه جزء رفع مرتب فالمنافسه لصالح العامل مش منافسه سيئة منافسه صحيه لو فيه مشروع جديد اعمل وفيه اقبال وفيه منافسه على العمل
محمد موافى:دا مش دورالهيئة وحضرتك بتقول دا دور مجلس التدريب ؟
المهندس/عمروعسل :هو الحقيقة احنا عندنا جزء اجتماعى وعقيده انا عايز شهادة جامعية علشان اتجوز بيها الفكر ده بيطلع الشاب معاها تجارة او حقوق او اداب بيطلع عنده بطالة نتيجة انه دهل كليات غير مطلوبه اللى مطلوب دلوقت يا جماعه هو التدريب الصناعى الفنى اللى ياهلك اوهندسى او طبى الحاجات المتخصصه الفنية اللى ليها قيمة عندنا وبالتالى لو احنا عندنا كشباب ان احنا نوجه للتدريب الفنى الصناعى ونتاهل للعمل فى المصانع دا هيدينا مستقبل انا شايفه اكثر انتاجا وفرص عمل مؤكده
ريهام ابراهيم:انا اختم مع حضرتك بصناعه كان بيضرب بينا المثل فيها صناعة الغزل والنسيج التراجع اللى حصل فيها ناس بترجع الاسباب لاشياء كثيرة منها الخصصه مثلا ليكوا علاقة بانه ممكن تتقدم هذه الصناعة مرة اخرى ؟
المهندس/عمروعسل :الحقيقة انا بس انا عايز اوضح نقطة صناعة النسيج انها فى تراجع الكلام ده مش حقيقى خالص اناعندى ارقام ان احنا كنا بنصدر ب560 مليون دولارعام 2004 عام 2006 بنصدر ب2 مليار و430 مليون وهذا الحديث نوقش فى مجلس الشورى ولجنة الانتاج الصناعى ناقشتوا فى تقرير كامل عن ازمة صناعة النسيج مع النمو فى 5 اضعاف الصادرات زادت فى 5 سنين فى مصانع جديده انشات 670 مصنع يعنى اكتر من 20% من المصانع الجديدة فى البرنامج لصناعة النسيج والملابس طيب ليه الرسالة واصلة بهذا الشكل ؟ فى بعض المشاكل موجودة فى بعض التهريب بيشتكوا فيه بعض مشاكل شركات قطاع الاعمال وبالتالى معترفين بيها والشركة القابضة بتعالجها وبتطور هذه الشركات فيها النهاردة مكن حديث كله مميكن المصنع على 20 الف متر فيه 20 عامل بيلفوا على المكن الشغال ما عدش فى 1000 عامل بيشتغلوا فى مصنع النسيج صناعه الملابس وصناعات تانيه كثيرة العمالة داخل المصانع دى هلاقى 4000 عامل كل واحد على مكنه بيشتغل مساحته متر فى متر وبالتالى بعض التعريفات مهم نعرفها انه الملابس بتحتاج عمالة صناعة النسيج والملابس زادت فى مصر بشكل كبير فيه بعض المشاكل موجوده وليها حل
محمد موافى:مشاهدينا كنا مع حضراتكم مع المهندس عمرو عسل رئيس الهيئة العامة للتنمية الصناعية واتكلمنا عن حاجات كتيرة قوى احنا كنا فين سنة 2005 ستعة وقت التفكير فى انشاء الهيئة ؟ والنهاردة كنا فين نفذنا قد ايه من البرنامج الانتخابى للرئيس مبارك ؟ فى حلقة جايه هنتكلم عن المطور الصناعى
ريهام ابراهيم:لا زال حوارنا مع المهندس عمرو عسل مستمر فى حلقة جديدة من يحدث فى مصر فكونوا معنا شكرا لكم .