يحدث في مصر

محمد موافى : مشاهدينا الكرام اهلا بكم فى برنامج يحدث فى مصر فى هذه الحلقة نستكمل اهم المشروعات ونتحدث عن اهم المشروعات التى نفذتها وزارة الاسكان والمرافق والتنمية العمرانية فى سبيل تحقيق التنمية فى مصر يمكن تحقيقا للعدالة الاجتماعية بين المواطنين والهدف بالارتقاء بالمستوى المعيشى فى كل مناطق الجمهورية بشكل عام المناطق الريفية بشكل خاص واعادة تخطيط 4000 قرية خلال ست سنين تأكيدا لاهمية العمل على الحفاظ على الارض الزراعية من الزحف العمرانى غير المرشد عليها
هالة ابوعلم: مشاهدينا الكرام احنا انهاردة بنتكلم عن احد المشروعات المهمة اللى بتخدم سكان الريف فى مراكز وقرى مصر ونجوعها حلقة اليوم هنناقش من خلالها انجازة فى مشروع اعداد المخططات الاستراتيجية والاحوزة العمرانية فى مدن وقرى الجمهورية وايضا للعزب والكفور والنجوع الخاصة بها
محمد موافى: هالة اسمحى لنا نرحب بضيفناوضيف يحدث فى مصر انهاردة المهندس احمد المغربى وزيروالمرافق والتنمية العمرانية معالى الوزير اهلا بحضرتك
احمد المغربى : اهلا بيكم
هالة ابوعلم:سيادة الوزير قبل ما نبدأ الحوار مع حضرتك اسمح لنا نشاهد هذ التقرير ونعود بحضرتك مرة اخرى
تقرير
المشروع القومى لتنمية الريف المصرى مشروع كبير تبنتة هيئة التخطيط العمرانى بوزارة الاسكان ويهدف الى الارتقاء عمرانيا بة وتحسين مستوى معيشة المواطن من خلال اعداد مخططات استراتيجية عامة للقرى المصرية فى اطار السياسات القومية والعمرانية المعلنة فى برنامج الحكومة
احمدالمغربى:الحيز العمرانى هوالحيز المسموح بالبناء عليه فى الماضى كان الاحوزة العمرانية فى القرى مكنش فية احوزة عمرانية فى حدود للقرية وكان حدود القرية دى هى الحدود المسموح بيها كانت الناس عايزة تتوسع فكانت بتطلع برة حدود القرية وتبتدى تنفذ مبانى بالمخالفات كان الكلام ده بيسبب تعدى على الارض الزراعية وكان بيسبب كمان نمو للعشوائيات لان هما بيبنوا بدون اى تنظيم فى اخر 2005 امر سيادة الرئيس بان وزارة الاسكان تقوم باعدة تخطيط القرى والمدن وعمل احوزة عمرانية جديدة لكل قرى مصر بحيث يبقى البناء بعد كدة فى القرى بناء منظم 00 فى يناير عام 2005 بدأ العمل فى المشروع على ان ينتهى عام 2012 وانتهاءة من اعداد المخططات والاحوزة العمرانية العامة لعدد 51 مدينة تشمل عواصم المحافظات والمدن كما تم اعداد المخططات التفصيلية ل 27 مدينة ويتم بالتوازى تخطيط 91 مدينة تم الانتهاء من 62 مدينة منها وتنتهى 29 مدينة اخرى بانتصاف عام 2010
هالة ابو علم: مرة اخرى نرحب السيد الوزير المهندس احمدالمغربى وزير الاسكان والمرافق ونحن نعلم تماما ان وزارة الاسكان تتحمل مهام كثيرة خاصة لانها تتعلق بالبنية الاساسية للمرافق والمجتمعات العمرانية بصفة عامة سواء عمرانية قديمة اوجديدة الحديث بيدور حول المشروع القومى لتنمية الريف يعنى ياريت حضرتك تكلمنا عن اهمية هذه المشروع واثارة على المواطن المصرى
احمد المغربى: احنا بنتكلم على التخطيط العمرانى للقرى المصرية لازم نرجع لنقطة سابقة شوية وهى المخطط الاستراتيجى لاستيعاب الزيادة السكانية زى ما ذكرت فى الحلقة الماضية واللقاء الماضى مع حضراتكم احنا هنزيد حوالى 20 مليون بنى ادم فى 15 سنة اكثر او اقل انما فى حدود المخطط الاستراتيجى اللى كان موضوع هو استيعاب نصف هذه الزيادة بحوالى 10 مليون فى العمران القائم اما فى الحضر او فى الريف ونصفة فى التوسعات الجديدة طيب لما بنقول نستعوب 10 مليون فى العمران القائم فى الحضر وفى الريف هنستوعبهم فين ال 10 مليون كان لازم يتعمل مخططات استراتيجية تسمح باستيعاب هذه الزيادة فى مناطق مخططة تخطيط صحيح لان البلد التعداد بيزيد فيها وما باتح مناطق مخططة يبقى انا باحط البنة الاولى فى نشأة مناطق عشوائية واعتقد انه التكلفة على هذا المجتمع من هذه السياسة التى اتبعت علىمدار سنوات تكلفة كبيرة نشوفها كلنا انهاردة تكلفة باهظة على هذه المجتمع هتدفعها اجيال كثيرة قادمة لاصلاح ما تم انشاؤة خارج التخطيط العمرانى كان مع بدمياه هذا الفكر بدأ فى الحزب الوطنى منذ عام 2002 لانه كان فى المجتمع ثقافة بتقول لا نسمح بالتخطيط على اى مناطق فى الوادى طيب عملنا السياسة وشفنا النتيجة بتاع السياسة دى ان نمو حدث فى الوادى رغم كل القواعد والقوانين والاحكام الصارمة التى كانت بتصدر
محمد موافى: تم التعدى على الاراضى الزراعية بالجمهورية ؟
احمد المغربى: تم التعدى وبطريقة غير مخططة وبناء عليه كان الانشاء اللى بيتم فيها كان انشاء احنا كلناعارفين لم يصلح للمواطن المصرى فى القرن ال 21 اصدار ضخم جدا للثروة العقارية المصرية لما الحزب تصدى لهذه الثقافة القائمة اللى هى الحقيقة نقدر نقول ظاهرة الرحمة وباطنة العذاب ان انا اقول لشعب انت بتنمو بمليون ومليون ونص فى السنة انما انا مش هسمح لك تبنى ازاى فا المواطن المصرى قال مهما قلت انا برضه راح ابنى وبنى والنتيجة احنا كلنا شيفنها وغير سعداء بيها 00 الحزب الحقيقة انة يحسب لقيادات انها تصدت رغم اثقافة اللى كانت موجودة فى المجتمع
محمد موافى: طب ما نتكلم بالارقام يافندم طالما انها تصدت فنتكلم بالارقام .
احمد المغربى: لأ يعنى تصدت لمياه انت كان عندك ثقافة كل من يتحدث عن تخطيط لانشاء على ارض زراعية فا احنا كنا بنتهمة بالخيانة فما بالك انت بتقول انا هعيد التخطيط ده على مستوى كافة المدن المصرية وعلى مستوى كافة القرى المصرية 00 ده كان الحقيقة شجاعة فى مواجهة فكركان مترصخ وكانت يعنى الاقلام واصحاب الكلمة الى اخرة بتصدوا له تصدى عنيف جدا انما كان الواقع لدى المواطن المصرى اللى احنا بنحتك به كان غير كده المواطن المصرى يقول انا هعيش فى الحتة اللى انا عايز اعيش فيها وده حق اصيل له وجدنا انه لو كان فى تخطيط كان يعنى يبقى ما نختصمة من اراضى زراعية اقل مما يحدث دون ان يكون هناك غرامة مع محاولة ان احنا نمتص جزء كبير من هذه الزيادات السكانية فى المنطقة الصحراوية
محمد موافى :ايه اللى بيطمن فى مسالة ان احنا نسمع ارض زراعية مسألة يعنى بتثير المخاوف فمياه نوع الارض الزراعية اللى انتوا من خلال التخطيط المنظم ممكن ان انتوا تبنوا عليه مش اى ارض زراعية بالتاكيد يعنى ؟
احمد المغربى: ما هو ده يعنى دائما بنقول انه لو اعمل نفس العمل فيجب ان اتوقع نتيجة مختلفة يعنى احنا عشنا 30 /40 سنة بنقول للناس لن نسمح ايه النتيجة 00 هل نستمر كنا نقول لن نسمح ونتوقع نتيجة مختلفة الاجابة طبعا لأ عشان عايزة نتيجة مختلفة لازم تعملى عمل مختلف العمل المختلف ان انا بالتخطيط المسبق الصحيح اقدر استوعب الزيادات السكانية فى مساحات اقل عن لوتركتها ان تتم فى مساحات غير مخططة معادلة فى منتهى البساطة مع محالة ان انا اوجه جزء كبير من هذه الاحتياجات الى التوسعات الصحراوية فى المدن الجديدة فى قرى الظهير الصحراوى الى اخرة وده فعلا اللى بيتم شكل التوجة واضح ان حتى الهدف اللى كنا حطينة ان احنا ناخذ ال 10 مليون دول فى توسعات صحراوية اعتقد ان احنا هنتعدى هذا الرقم عند سنة الهدف 20/ 22
محمد موافى: طب يافندم عدد القرى عدد المراكز عدد النجوع اللى تم التخطيط والانتهاء منه؟
احمد المغربى: اه برنامج الحزب الوطنى بعد ما الحزب الوطنى اخذ موافقة اعضاؤة على هذا التوجة وده بيعكس موافقة الشعب ورغبة الشعب كلة
محمد موافى: هيبقى فى مشاركة شعبية ؟
احمد المغربى: ده ده فى مشاركة شعبية منذ البدمياه فى ان احنا نتعامل مع هذه الموضوع ان احنا نبدأ دراسة المخططات الى اخرة لان كان فى استطلاعات للراى فى الحزب كان فية تشاور بين قيادات الحزب فى كل المواقع على مستوى الجمهورية وكان الراى اللى جاى من القاعدة راى واضح احناعايزين نعيش فى المناطق اللى احناعايزين نعيش فيها خططوا لنا رغم كل المقاومة اللى كانت موجودة
هالة ابو علم: التحديات اللى قابلتوها ؟
احمد المغربى: التحديات حضرتك لنا اكثر من 4400 قرية والبرنامج قال ان انتوا تنتهوا من اعداد المخططات الاستراتيجية والمخططات التفصيلية لهذا العدد من القرى اللى فى الاساس مكنش لها مخططات فى خلال الست سنوات اللى هى منذ بدمياه البرنامج الحالى اللى احنا بنفذه الحمد لله انه تمكنا فعلا من الانتهاء من المخططات الاستراتيجية لكافة القرى المصرية قبل نهمياه فترة البرنامج مما شجعنا ان احنا نبدا بقى احنا عندنا 4400 قرية وعندنا 27 الف عزبة وتابع ونجع خلانا دول ما كنوش واردين فى البرنامج الحالى لما وجدنا ان قدرنا ننجز هذه المهمة فى وقت اقل من الوقت المخطط لية بدأنا الان فى التعامل مع العزب والنجوع ونامل ان احنا ننتهى من ال 27 الف عزبة ونجع مع بدايات البرنامج القادم باذن الله اهم حاجة التنفيذ اسهل من التخطيط 00 التخطيط ده لما بنقول مخطط استراتيجى دى النقطة اللى كنتوا بتسألوا عليها هل فى مشاركة شعبية فى عمل المخططة ده جزء اساسى من عمل مخطط 00 مخطط المكتب الهندسى او الجامعة الموكل لها عمل التخطيط دى بتنزل وتقعد مع كافة المستويات الشعبية فى المناطق اللى بتخططها ولقاءات مصورة بالصوت والصورة تنتهى فى الاخر باجتماعات وتحديد مطالب ووو الى اخرة وتوقيعات من القيادات الشعبية وو الى اخرة كل ده بياخذها المكتب الهندسى اوالجامعة واللى بيقوم بهذا التخطيط هذه الكلام هو التخطيط العمرانى قدر المساحات المطلوبة ليس فقط لاستعاب الزيادة السكانية بل لاستيعاب الخدمات المطلوبة الغير موجودة يعنى انا ممكن اجى لعندى قرية من القرى احنامستهدف ان يبقى عندى فصل مثلا انا بادى لك فصل لكل 40 تلميذ القرية دى تعدادها انهاردة بيقول ان عدد الفصول اللى موجود فيها محتاجة تزيد 50 % علشان انزل بالكثافة من 60 تلميذ الى 40 تلميذ ضيف عليها الزيادة السكانية واللى هتحتاج فصول ايضا لاستيعابها يبقى انا محتاج هذا العدد من الفصول يبقى انا محتاج هذا العدد من المدارس يبقى انا محتاج اراضى انشاء مدار اد كدة احط فى حساباتى
محمد موافى: هل يافندم لك هذا العدد من النجوع والتوابع؟
احمد المغربى لأ لسة انت قلت تم ل 4400 قرية تم ايضا بالنسبة للنجوع والتوابع
هالة ابو علم: يعنى انا كنت عايزة اقول تاكيدا لكلام حضرتك ان التخطيط الاستراتيجى مهم جدا اهم يمكن من التنفيذ المشكلة اللى حنا قابلناها قريبا اللى هى مخرات السيول يعنى لما بيكون فى مخطط استراتيجى مكان انشاء قرية او مدرسة ومبنى اجتماعى مهم جدا نخطط المكان ده هيكون فين بعيد عن اى مشاكل ممكن تقابلة
احمد المغربى: على فكرة المخططات اللى حضرتك اشرتى الية مكنش مسموح ان يكون هناك انشاء فى هذه المنطقة دى انشاءات تمت بالمخالفة ومبنى واحد اللى كان موجود فى شمال سيناء وهو المبنى الخاص بالشباب وده كان له اعمال لم تتم الى الان للاسف زى ما بيقول سبق السيف العزل انه فى اعمال حممياه لهذا المبنى والمبنى ده كان جاى فى اخر الوادى كان معمول حساب انه يتعمل له اعمال حممياه للاسف السيل جه كبير جدا وطلع لمسافة فى الوادى مكنتش متوقعة لسة اعمال الحممياه مكنتش تمت وبعدين تمت اعمال الحممياه ما اعتقدش
محمد المغربى: سبق الفاصل الكلام ونكمل كلامنا سيادة الوزير بعد الفاصل فاصل قصير ونرجع لحضراتكم مرة ثانية
فاصل
هالة ابو علم:مشاهدينا الكرام نستكمل الحديث مع السيد المهندس احمد المغربى وزيرالاسكان والمجتمعات العمرانية سيادة الوزير يعنى مسألة المحليات لابد ان يكون هناك تعاون ما بين وزارة الاسكان التى تضع هذه المخططات الاستراتيجية لاعادة تخطيط المدن والقرى والمحليات ما الذى تجدونه من قبل المحليات هل هناك مساعدة ام هناك يعنى بعض القصور فى التعاون مياه اللى حضرتك تشوفة
احمد المغربى:هو طبعا لما قلت المخططات الاستراتيجية وضعت بمشاركة شعبية وضعت بمشاركة القيادات التنفيذية للمخططات رؤساء المدن رؤساء المراكز المجلس الشعبى المحلى فا القيادات التنفيذية كلها كان ليها دول فى هذه المخططات ان هى اللى بتقوم بعد كدة بعمل المخططات التفصيلية يعنى دوروزارة الاسكان بيقف عند دور المخطط الاستراتيجى انما المخطط التفصيلى ده ده دوراساسى للمحليات فى مثلا بعض القرى اللى الاكثر فقرا الالف قرية وزارة الاسكان بتقوم بعمل المخططات التفصيلية للاسراع بيها انما
محمد موافى: بالفعل
احمد المغربى:اه بدانا فيها
محمد موافى:كام قرية حضرتك ؟
احمد المغربى:المخططات زى ما قلت المخططات الاستراتيجية
محمد موافى:لأ التنفيذ فى القرى؟
احمد المغربى:لأ مش التنفيذ المخططات التنفيذية المخططات التفصيلية مخططات تفصيلية شغالين فيها فى هذه القرى المخططات التفصيلية دى طبعا بتحتاج مجهود كبير لان دى فى النهمياه اللى بيتحط فيها الحدايد وبيتحدد داير الناحية اللى هو الطريق اللى على حدود القرية اللى اسمه داير الناحية والى اخرة لكن بقى وضع المدرسة اووضع الوحدة الصحية
محمد موافى:يعنى انا كنت مع حضرتك فى جولة فى هبيبة فى بنى سويف والسيد امين السياسات وكان فى حاجة اتنفذت
احمد المغربى: بتتكلم على مشروع ال 1000 قرية للقرى الاكثر فقرا لأ ده مختلف عن التخطيط العمرانى خالص يعنى التخطيط العمرانى ده تخطيط هو دراسات خرايط بتتطلع تحديد اماكن للانشطة المختلفة وده ذى ما قلت استكمل على 4400 قرية بدأ العمل فى ال27 الف تابع وبنأمل ان ده ينتهى فى السنة الاولى او الثانية من البرنامج الجديد يبقى احنا كده ال 31 الف تجمع سكانى وال 220 مدينة او ال 220 مدينة يكون اصبح لهم مخططات استراتيجية والغالبية العظمى منهم يكون انتهت من المخططات التفصيلية بتعتهم بعد كدة بقى التنفيذ ده بتتولاه ذا كانت حاجات قومية بتتولاها الوزارات المركزية واذا كانت حاجات محلية تتولاها السؤال اللى حضرتك بتقوليه للى هو التعاون مع المحليات طبعا احنا وزارة خدمية ليس فقط للمواطن احنا وزارة خدمية لوزارات مركزية اخرى مثل وزارة التنمية المحلية احنا طبعا بنتعاون
هالة ابوعلم :وزير الحكومة نجحت فى اصدار قانون البناءالموحد وده قانون مهم بالفعل بينظم اشياء كثيرة بالنسبة لمنظومة الاسكان ايه تأثيرة وانعكاسة على هذا المشروع ؟
احمد المغربى:طبعا لما قلنا ان احنا عملنا مخططات استراتيجية فى القرى احنا القرى المصرية الى صدور هذا القانون مكنش فى حاجة اسمها رخصة مبانى كان فى تصريح بالبناء ده شئ وضع غريب جدا لان احنا القرى بتعتنا تعدادها اومعظمها الحقيقة تعدادها فى الدول الثانية تكاد ان تكون مدن يعنى احنا عندنا قرى قرية بنقول قرية فيها 150 الف مواطن
هالة ابوعلم:وفى عندنا احياء فى مدينة القاهرة تسمح ان تكون دول اه ؟
احمد المغربى: ممكن تكون دول يعنى دى حقيقة يعنى احنا عندنا القرى دى بقول لحضرتك عدد القرى وصل الى 150 و200 الف لما يكن فيها شئ اسمه رخصة بناء شئ كان الحقيقة غريب جدا واول رخصة بناء تصدر فى الريف المصرى صدرت فى نهمياه عام 2008 بعد اصدار هذا القانون وبدأت دلوقتى بس طبعا هذا القانون يعتبر نقلة كبيرة جدا فى اتجاه العمران فى مصر من الطبيعى ان هذه النقلة تسبب بعض مضايقات لبعض الناس لانه القانون قانون جديد وبثة وفهمة على مستوى كل القيادات على مستوى ال 31 الف موقع اللى احنا بنتكلم عليهم كما حضراتكوا تقدروا تتخيلوا رغم المجهود اللى بتقوم به الوزارة لتوعيات الناس لبنود هذا القانون فى برضه بعض التساؤلات والحقيقة
محمد موافى:القانون بقى على محك التنفيذ الناس فعلا هتقدر تتأقلم احنا شفنا ان الطلبات .
احمد المغربى: شوف اى قانون جديد بيأخذ فترة احنا عملنا مجهود كبير جدا للتوعية بطريقة تنفيذ هذا القانون واللائحة التنفيذية وانا الحقيقة بالنسبة لى تقييمى انه مع التغيير الكبير فى مسار العمران فى مصر اللى بيعملوا هذا القانون حجم المعاناة حجم المشاكل اللى بتثار عليه انا شايف انه اقل كثير جدا مما كنا نتوقع الحقيقة حتى انهاردة جايب فى الايام الاخيرة بدأنا خدمة الاجابة على التساؤلات للمواطنين بالنسبة لقانون البناء على الرقم اللى بينزل على النيوز بار
محمد موافى:هل فى مشكلة فى الية تنفيذ القانون؟
احمد المغربى : مفيش اى مشكلة
هالة ابوعلم:طب هل تم تدريب الموظفين ؟
احمد المغربى:بيتم بيتم
هالة ابوعلم اللى هما هيطبقوا هذا القانون وينفذوه.؟
احمد المغربى:بيتم بيتم فى المحافظات وبيتم تدريبهم هنا فى القاهرة وبنبعت مدربين بينتشروا وزى ما قلت احنا كنا متوقعين حجم مشاكل اكبر من كده كثيرا جدا
هالة ابوعلم:طب
احمد المغربى:هل حضرتك متخيلة ناس تعودت منذ نشأت هذه القرى من تاريخ اليوم على وضع معين احنابنغيره الكامل بنقول لأ فى حاجة اسمها انشاء دون ان يكون هذا الانشاء خاضع للقوانين اللى بنتظم البناء بما فى ذلك استصدار رخصة بالبناء وليست رخصة مجرد تصريح بالانشاء طبعا نقلة كبيرة انما الحمد لله مستوى الاستجابة ومستوى ردود الفعل اقل ايجابية والسلبيات اقل بكثير جدا مما
هالة ابوعلم:نتكلم يا افندم عن التكلفة وتكلفة المشروع ده اكيد بتكلفة كبيرة جدا .
احمد المغربى:لأ الحمد لله تكلفة مشروع عمل مخططا الاستراتيجية والمخططات التفصيلية دى اعمال هندسية الحقيقة مكنتش
هالة ابوعلم:انا عايزة اسأل استفهم من حضرتك حاجة هذا المشروع واعداد الخططات للاحوذة العمرانية لا يشملة التنفيذ يعنى هو مخطط فقط ملهوش ؟
احمد المغربى:مخطط مخطط التنفيذ ده موضوع ثانى خالص
هالة ابوعلم:هل بيرجع ليكوا التنفيذ يعنى ؟
احمد المغربى:يعنى انا انهاردة مث فى قرية ما قلت انه محتاج يبقى عندة وحدة صحية انا باحدد له مكان الوحدة الصحية دى ووزارة الصحة بتتطلع هى بانشاء الوحده الصحية
هالة ابوعلم:طب هل بالنسبة للمساكن والمبانى ؟
احمد المغربى:الدولة كلها
هالة ابوعلم:لكن المبانى بقى يافندم لو اتكلمنا عن التعليم وزارة التعليم لكن كا اسكان
احمد المغربى:لاسكان بقى كل مشروعات الاسكان فى المحافظات بيطبق عليها الا مركزية وبيقوم بيها المحافظات يعنى ده كان القطاع اقر تطبيقا فى الامركزية يعنى انشاءات المشروع القومى للاسكان فى المحافظات كلها ودى وصلت حجم هذه الانشاءات 10 مليار تقريبا دى كلها بالكامل بتتم لا مركزيا عن طريق المخططات
محمد موافى:دولة كلها منوطة بالتنفيذ ؟
احمد المغربى كل فى ..........
محمد موافى التخطيط بقى ده هل وزارة الاسكان ام مكاتب هندسية زى......
احمد المغربى: طبعا عشان تخطط 4400 قرية و 27 الف تابع ده كل الجامعات المصرية كل المكاتب الاستشارية المصرية شاركت فى هذا الجهد والحقيقة ابلوا بلا حسنا وزى ما قلت احنا فكرنا بينتهى فى 6 سنوات قبل ست سنوات وده اللى شجعنا للدخول فى المرحلة التالية
هالة ابوعلم: طب ممكن اسأل حضرتك ؟
احمد المغربى: وهى الكفوروالنجوع والعزب اللى هما 27 الف
هالة ابوعلم: اسأ ل حضرتك بقى يعنى مخطط وامام وزير الاسكان حضرتك شايف مستقبل مصر ازاى بعد هذا التخطيط ايه اهم ملحوظة حضرتك بتشوفها لما بتشوف بنظرة كدة استراتيجية شاملة؟
احمد المغربى:انا باشوف كان لابد الخطط اللى تمت دى كان لابد انها تتم وكان لايمكن ان يستمر الحال بالنسبة للاعمار فى مصر دون تخطيط دى كان خطوة يجب انها تتم فا احنا كل توقعاتنا ان نكون الى الافضل والى الاحسن
هالة ابوعلم:يعنى فى خروج من الوادى الضيق احنا ازاى نخرج من الوادى الضيق ؟
احمد المغربى: فى بدمياه الحلقة احنا كان مخططنا ان احنا نستوعب نص الزيادة السكانية اللى هى فى ال15 سنه الجايين تمثل 10 مليون مواطن هنتعداها يعنى مش نجحنا فى تحقيق المستهدف وهو عشرة مليون فى المناطق الصحراوية لأ احنا هتنعدى هذا الرقم فى20 /22 اللى هى سنة الهدف اللى احنا بنشتغل عليها
محمد موافى:طب بالارقام بشكل تانى التخطيط للاربع الالاف و100 قرية وللتوابع وللنجوع تعدت 27 الف تقريبا بيتحط ارقام فى كل مكان لو بدأنا بالقرى ايه المبالغ الاجمالية لتنفيذ هذه الخططات المطلوبة
احمد المغربى: لأ احنا بنتكلم فى مليارات
محمد موافى:بنتكلم فى المستقبل؟
احمد المغربى:اه بنتكلم فى مليارات ليه لان اناانهاردة مثلا عندى قرية زى ما قلت لحضرتك برضه فى الحلقة دى انا شايف انهاردة انه محتاجة توسع فى عدد الفصول وايضا محتاجة عدد فصول اضافية لاستيعاب الزيادة السكانية نفس الشئ ده بالنسبة للصحة بالنسبة للطرق بالنسبة لمياه الشر ب بالنسبة للصرف الصحى بالسبة لكافة الخدمات انا بس هدى عشان اقولك هدى مثل بسيط جدا انا لو بتخيل عندى زيادة مليون مواطن فى الزيادة اللى عندى الصافى مليون ونص انابتخيل مليون مواطن مليون مواطن دول محتاجين استثمارات فى مياه الشرب والصرف الصحى حوالى اذا كان الانسان بيستهلك 200 لتر او 250 لتر شوف يبقى ربع متر مكعب فى اليوم على مليون يبقى اناعايز 250 الف متر مية جديدة للمليون مواطن دول استثماراتهم 250 مليون اضيف اليهم احتياجة للصرف الصحى هجد استثماراته كمان 600 /700 مليون جنية يعنى انا بس عشان قطاع مياه الشرب والصرف الصحى علشان استوعب زيادة سكانية
محمد موافى:حضرتك بتحسب المواطن هيتكلف كام ؟
احمد المغربى:لأ انا بقول الخدمات الاضافية اللى المليون مواطن هيحتاجوها فى قطاع مياه الشرب والصرف الصحى تصل الى مليار جنية اناباقول ان انا محتاج لكل 5000 مواطن وحدة صحة اساسية يبقى انا لو اقسم مليون على 5000 يبقى انا محتاج 200 وحدة فى مليون جنية تقريبا تكلفة الوحدة يبقى انا محتاج 200 مليون جنية لو هاخذ العدد ده بالنسبة للفصول
محمد موافى: يبقى كل الزيادة السكانية بتمثل عبئ زيادة ؟
احمد المغربى: بالضبط بس احنا الحمد لله الطفرة اللى تمت عندنا فى السنوات القليلة تعدت المطلوب لاستعادة الزيادة السكانية ودخلت على المطلوب بدرجة كبيرة
محمد موافى: مهندس احمد المغربى شكرا جزيلا لحضرتك ومتواصلين مع حضراتكوا فى حلقات مستمرة فى يحدث فى مصر
هالة ابوعلم:الى اللقاء