يحدث في مصر

ريهام إبراهيم :مشاهدينا الكرام أهلا بكم مرة ثانيه حلقة جديدة من برنامج يحدث فى مصر حلقة النهارده الحقيقة خصصناها للكلام عن قطاع مهم جدا فى مصرالقطاع تابع لوزارة القوى العاملة والهجرة وهو قطاع التدريب الادارى .
محمد موافى:وفى إطارإهتمام الدولة بتدريب التسربين من مرحلة التعليم الاساسى بتقوم وزارة القوى العاملة بتدريب المتسربين من التعليم على مهن مختلفة بيحتاجها سوق العمل وبرضه تدريب الشباب لخلق كوادر بشرية منتجة
ريهام إبراهيم :بيتبع وزارة القوى العاملة والهجرة عدد كبيرجدا من مراكز التدريب الادارة والكثيرمن الوحدات التدريبية ودا طبعا لتدريب العاملين والكوادر بالوزارة لرفع الكفاءة والقدرات العملية والمهارات عند كل واحد فيهم فى أى مجال هو موجود فيه ودا بيتم بتنظيم دورات تدريبية للجهات الراغبة فى قانون العمل .
محمد موافى:مشاهدينا الليلة دية هنتكلم مع حضراتكم عن قانون العمل وأهم ملامحه والدورات اللى بيقدمها قطاع التدريب فى القانون والمستفيدين منه زى المرأة والطفل والندوات اللى بيقدمها القطاع والشكاوى اللى بيتلقاها .
ريهام إبراهيم :معلومات كثير جدا وأسئلة معانا هنطرحها على ضيفتنا وضيفتكم فى الاستديو فى برنامج يحدث فى مصر أستاذة نعمة محمود سعيد وكيل أول وزارة القوى العاملة والهجرة والمسؤول أيضا عن قطاع التدريب .. مساء الخير يا فندم .
أ/ نعمة محمود سعيد : مساء الخير
محمد موافى:مساء الخير يا فندم وأهلا بحضرتك .
أ/ نعمة محمود سعيد : أهلا وسهلا بحضرتك .
محمد موافى:نبدأ بعد ما نشوف تقرير ونرجع .
فاصل " تقرير "
رفع كفاءة العاملين وإكسابهم مهاراتٍ جديدة أهداف تضعها وزارة القوى العاملة والهجرة نصب أعينها فى الوصول بالعامل الى مستوى يرقى ميثاق الدول المتقدمة من خلال برامج تدريبية يقوم بها قطاع التدريب التابع للوزارة .
ساميه أحمد أيوب: مدير عام مركز التدريب الادارى مركز التدريب الادارة بيعد سنويا خطة تدريبية لتدريب جميع العاملين فى الوزارة ومديرياتها اللى بيبلغ عددهم 29 مديرية .. بندرب جميع العاملين بما فيهم اطبعا تضمين النوع .. بندرب جميع العاملين على البرامج التخصصية العاملين القائمين على مراقبة تطبيق قانون العمل 12 سنة 2003 والقرارات التنفيذيه له هذا بالاضافة الى البرامج التخصصية الخاصة بتفتيش عمله التدريب على جميع تفتيش عمل فى السلام والصحة المهنية فيه التدريب المهنى فى التشغيل زائد بنعمل برامج دريبية العلاقات بين برامج تخصصيه معينة .
"محمد الحسينة: مديرإدارة التفتيش على عمل الطفل :والوزارة بصدد إنشاء شبكة معلومات وربط آلى ما بين الديوان العام ومابين مديريات القوى العاملة لانشاء قاعدة بيانان خاصة بعمالة الاطفال وبرضه كان فيه إتفاق مع الجمعيات الاهلية إنها تساهم بتوفيرالمعلومات اللازمة بحيث إن يتم تداول هذه المعلومات ويتم الربط وتحديد ظاهرة عمل الاطفال بشكل أوضح قانون العمل وحماية الطفل العامل إضافةً الى إعادة المتسربين من التعليم روافد قطاع التدريب الادارى التابع لوزارة القوى العاملة والهجرة يقوم من خلاله القطاع بالاشراف على المنشآت الحكومية والخاصة بهدف حماية العاملين ومستحقاتهم .
فاصل
محمد موافى:أستاذة زى ما شوفنا مع حضرتك التقرير أنا بس عايزأسأل فى البداية القطاع متى أنشئ وكان إيه الهدف منه وإيه وضعه دلوقت ؟
أ/ نعمة محمود سعيد : فى الحقيقة هوالتدريب الادارى بينشأ مجرد ما أى منظمة بتنشأ يعنى مجرد ما صدرقرار لوجود وزارة للقوى العاملة كان فيها لازم تقسيم تنظيمى للتدريب لان تدريب العاملين عشان حتى يقدروا يقوموا بالاعمال اللى هى منوطة بهم وبتنمى مهاراتهم حتى لو وضعت أى خطط للتطوير او خطط طموحة ما حدش يقدر ينفذها إلا العاملين فى الوزارة وبالتالى لابد إن هم يكونوا فى تدريب دائم وتنمية مهارات لكن عايزة أقول إن هو أصبح التدريب يتبع إدارة مركزية للتطويرالادارة وهو مركز عندنا فى وزارة القوى العاملة مركز يمكن هو بان جزء فقط اللى هو الخاص بتعليم اللغة الانجليزية لكن إحنا عندنا مركز تدريب إدارى فيه حوالى 3 قاعات كبيرة للتدريب فيه معمل لغات فيه مركزتعليم حاسبات وبيتبعه 18 مركز تدريب إدارى فى المحافظات .
ريهام إبراهيم :المعطيات اللى حضرتك قلتيها دلوقت للكوادرالبشرية اللى موجودة زى اللغات مثلا يعنى الاساس اللى بتقوم عليه تواجدها إيه اللى بتقلاقوه مثلا غيرمتواجد فى هذا العامل فبتحاولوا أن توفروه فى مراكزالتدريب.
أ/ نعمة محمود سعيد : هو أنا بأدرب العاملين فى الوزارة وأنمى مهارتهم إحنا عاملين على مستوى المحافظات يصل عددهم حوالى 12 ألف موظف ويمكن أكثر من 12 ألف 12 ألف ونصف فالمركز مسؤول عن تدريب العاملين فى الوزارة لتنمية مهارتهم الوزارة فيها أنشطة كتير فيها نشاط تفتيش عمل فيها سلام وصحة مهنية فيها تدريب مهنى فيها مرأة فيها طفل فيها علاقات عمل ومفاوضة جماعية الانشطة دية كلها مفتشنا هوالمنوط بهم إن هم يرقبوا تطبيق قانون عمل فلابد يكونوا فى تدريب بصفة مستمرة .
محمد موافى:طيب إحنا لو إتكلمنا بالارقام حضرتك دلوقت بتقولى فيه المركزالرئيسى وفيه 18فرع فى المحافظات إحنا بنتكلم على كام دورة فى السنة ؟
أ/ نعمة محمود سعيد : الحقيقة إحنا بندرب ما لا يقل عن 5آلاف موظف كل سنة فيه طبعا دورات بتتم مركزى وفيه دورات بتتم محلى بس برضه تحت رعاية الوزارة .
محمد موافى:مين المدربين ؟
أ/ نعمة محمود سعيد : المدربين حسب النشاط أحيانا النشاط بيستلزم ناس من الوزارة لان الوزارة هى فى الاصل هى المسؤولة تطبيق قانون فإحنا عندنا طبعا خبراء فى هذا المجال – بعدين محاضرينا فى المجال هم كمان بيشتغلوا يمدانى فالميدان بيعلم فعلا إزاى تطبيق القانون وبالتالى إحنا أحيانا بنستعين بناس اللى هم خبراء فى هذا المجال أحيانا إذا إستلزم الامر نستعين بحد من أساتذة القانون الى جانب البرامج اللى هى عن أنشطة الوزارة إحنا عندنا برامج بتبقى إدارية ودية بتستلزم إن إحنا نجيب محاضرين أساتذة جامعة مختصين لان الحقيقة معالى الوزيرة مهتمة جدا بالتنمية البشرية على أساس إنها من أهم وسائل التنمية فى أى مكان حتى معالى الوزيرة دخلت برامج كتير .
محمد موافى:هو دا تخصص الوزارة التنمية البشرية؟
أ/ نعمة محمود سعيد : بالظبط .. فيه إهتمام كبير جدا بالتدريب وعندنا خطة كبيره جدا خطة موضوعه.
ريهام إبراهيم :الاهتمام بها فى الخطة اللى حضرتك بتقولى عليهاالموضوعة دية إجبارى للعاملين والا المجالات هى اللى بتفرض نفسها ؟
أ/ نعمة محمود سعيد : هى ما فيش حاجه إجبارى .. على فكرة العاملين عايزه أقول إن هم بيكونوا متقبلين جدا إن هم ييجوا وإن هم يأخذوا تدريب هم بيحسوا إن هم بيستفيدوا الانسان لما بيحس إن هو بيستفيد وإن هو بينمى مهاراته وإن هو ناجح فى شغله بلا شك إن هم أنا حقيقى بيجيلى حتى بعض العاملات فى الوزارة يأخذوا تدريب مركزى ومعناها إن هى بتقعد حوالى 5 أو6 أيام فى القاهرة لكن الحقيقه بأشوف تواجد كبير جدا .
ريهام إبراهيم :متطلعين يا أستاذة نعمة؟
أ/ نعمة محمود سعيد : جدا
ريهام إبراهيم :متطلعين لمستوى أعلى فى العمل ؟
أ/ نعمة محمود سعيد : طبيعى أنا عايزة أقول إحنا عندنا فى الوزارة القيادات النسائية هى الاكثر .
محمد موافى:دا الوزارة كلها .. الوزارة كلها .
أ/ نعمة محمود سعيد : ههههههه
محمد موافى:القيادات النسائية الموعودة أو المرتقبة اللى هى بتيجى من المحافظات بتنزل فى القاهرة إيه اللى بتوفروه – ايه اللى الوزارة بتوفره للمتدربات اللى جايين وسايبين المحافظات وجايين ؟
أ/ نعمة محمود سعيد : أولا هم بيحصلوا على تدريب عالى المستوى وعشان كدا هم بييجوا بتوفر لهم إقامة وإعاشة يعنى بتقيم فى القاهرة لحاد لما بيخلص البرنامج وبنبقى معاهم لحاد لما يوصلوا للمكان اللى هيروحوا منه فهم حاسين إن هم جاييب بالفعل مرتاحين مفيش مشقة وفى نفس الوقت فيه تدريب .
محمد موافى:المشكلة المسألة كلها بنات أو ستات ؟
أ/ نعمة محمود سعيد : لا طبعا .
محمد موافى:لو قلنا النسبة يعنى نسبة المتدربات الى المتدربين أو أعداد المتدربات وأعداد المتدربين؟
أ/ نعمة محمود سعيد : لا طبعا هو فى الاثنين الرجال والسيدات موجودين بالعكس إحنا فيه أحيانا بنعمل دورات فى المحافظات عشان لو فيه عاملة مش قادره من العاملات إن هى تيجى القاهرة حيانا فيه ظروف .
محمد موافى:مفيش أرقام بتحضرحضرتك ؟
أ/ نعمة محمود سعيد : نسب يعنى لا بلا شك الذكورأكثر .
ريهام إبراهيم :فى عملية التدريب ؟
أ/ نعمة محمود سعيد : آه طبعا الذكورأكثرلكن يعنى نسبة متقاربة لكن ممكن هتلقى فى اللغة الانجليزية أو هتلقى فى الحاسب الالى هنلقى الاناث اكثر .
ريهام إبراهيم :طيب فى الحديث حضرتك معايا الطفل أهم ما تم تقديمه فى هذا الاطار للطفل وتحديدا الحد من عمل الطفل ؟
أ/ نعمة محمود سعيد : هو إحنا عندنا إدارة للتفتيش عن عمل الطفل فى وزارة القوى العاملة وفيه مناظر ليها فى جميع المحافظات على مستوى الجمهورية دية بيبقى المنوط بها التفتيش على عمل الطفل .. هى الوزارة دورها إن هى تتأكد من الشروط وظروف العمل للطفل فى سن العمل .. اللى هو كنا بنقول فى قانون العمل لسنة 203 (14) لكن لما صدرقانون الطفل 26 ل2008 أصبح 15 سنة .
محمد موافى:يعنى دلوقت 15 سنة أقل من 15 سنة فى عرف قانون العمل بيعتبر طفل .
أ/ نعمة محمود سعيد : هو طفل لحاد سن 18 سنة كلهم أطفال حتى سن 18 سنة .. لكن هو المفروض إن إحنا بنفتش على الطفل اللى هو فى سن العمل هو من 15 سنة نشوف شروط و ظروف العمل لكن أنا عايزة أقول إن أحنا أحيانا بنجد طفل أصغرمن كدا.
ريهام إبراهيم :أحيانا دا كتير جدا يا أستاذة نعمة .
أ/ نعمة محمود سعيد : آه أحيانا إحنا بنلقى طفل أصغر من كدا .
ريهام إبراهيم :يعنى فى ظل هذا القانون والخطط الموضوعة بتعملوا إيه لما بتلاقوا أطفال كتير
أ/ نعمة محمود سعيد : هو طبعا إذا كان حتى الطفل فى سن العمل ومفيش شروط وظروف عمل صالحة له طبقا للقانون على طول بيتعمل محضر مخالفة .. إذا لقينا طفل بيشتغل فى مهنة من المهن محذور إن هو يشتغل فيها إحنا عندنا فيه قرار 118.
ريهام إبراهيم :زى إيه المهن دية ؟
أ/ نعمة محمود سعيد : فيه مهن كتير يعنى مثلا ما نشغلش طفل فى منجم ما نشغلش طفل فى حاجات خطرأو كيماويات أوتشيليه أحمال ثقيلة هى عدد كبير من المهن المفروض إن الطفل ما يشتغلش فيها على طول دية بتبقى بيتعمل له محضر فورى .
ريهام إبراهيم :والمحضريا أستاذة نعمة حضرتك شايفه إن هو كافى للقائم على العمل للى أخذ الطفل وحطه فى مهنة زى العمل فى منجم ؟
أ/ نعمة محمود سعيد : والله هوإحنا كمان فيه حاجه بنعملها هو طبعا فى المنجم تقولى إيه المهن المحذوره .
ريهام إبراهيم :مثلا حضرتك ذكرت مثل يعنى .
أ/ نعمة محمود سعيد : هو مش هقول إن فيه أطفال فى المناجم لكن هو أنا بأدى لك أمثلة من الحاجات المحذورة لكن أحيانا لما بنلقى طفل فى سن مثلا 13 سنة وهو عايزيشتغل بنعمل له تدرب مهنى بنعمل له عقد تدرب مهنى عقد التدرب المهنى ده بيبقى بين صاحب العمل وبين ولى أمرالطفل ومعانا إحنا فى مديرية القوى العاملة بيتعمل العقد دا بإن دائما الطفل بيشتغل أو بيتدرب على مهنة صاحب العمل نفسها وبيبقى .
محمد موافى:إيه المهن يعنى ما هى المهن - أو ما هى القطاعات اللى ممكن يتم فيها دا – يتم العقد بين الوزارة وبين ولى الامر ؟
أ/ نعمة محمود سعيد : هى أى مهنة غير محذور العمل فيها تعتبر مهنة ممكن إن هو يشتغل فيها يعنى لو فيه ورشه بس المهم تكون مهنة مش محذورة بيتعمل العقد .
ريهام إبراهيم :الميكانيكى ده مش محذور ؟
أ/ نعمة محمود سعيد : الميكانيكى لا مش محذور .
ريهام إبراهيم : مش محذورلان فى أطفال كتير جدا بتشتغل فيها .
محمد موافى:محل بقالة مكوجى .
أ/ نعمة محمود سعيد : ممكن بس محل بقاله ومكوجى دا أنا مش حدربهم يعنى أنا بأعمل عقد للى بيتعلم مهنة .
محمد موافى:بس هتروحى للبقال تعملى له محضر؟
أ/ نعمة محمود سعيد : إذا كان فيه طفل صغير بيتعمل له محضر .
محمد موافى:طيب ما هى دية مهن مش محذور؟
أ/ نعمة محمود سعيد : لا سنة صغيرأصغر من سن العمل أصغر من سن 15 سنة إذا كان سن 15 سنة خلاص لكن إذا كان أصغر من 15 سنة دا بيعتبر خالف القانون .
محمد موافى:فيه إحصائية للاطفال المتسربين من التعليم واللى هم بيشتغلوا ؟
أ/ نعمة محمود سعيد : والله هى معالى الوزيرة وافقت على إن إحنا نبتدى الوزارة مع التعبئة والاحصاء مع منظمة العمل إن يحصل مسح على الاصل ودية هنبتدى نعرف فعلا .
محمد موافى:إمتى يا فندم ؟
أ/ نعمة محمود سعيد : والله بدأوا فيها بالفعل هى بدأت .
محمد موافى:شهورمثلا ولا سنة ؟
أ/ نعمة محمود سعيد : أعتقد هتبقى خلال سنة هيبتدى فيها يتعمل مسح .
ريهام إبراهيم :هى مشكلة عمل الاطفال طبعا وأعتقد إن هى فى الصف الاول من المشاكل – القائمين على هذا الموضوع بيحاولوا إن هم يجدوا لها حلول بأقصى سرعة .. هنستكمل الحديث عن هذا الموضوع وعن موضوعات لسة معانا أسئلة كتيرجدا لحضرتك ولكن بعد الفاصل .. مشاهدينا الكرام أبقوا معنا .
فاصل
محمد موافى:مشاهدينا أهلا بحضراتكم مرة ثانية وأهلا بضيفة يحدث فى مصرأستاذة نعمة محمود سعيد وكيل أول وزارة القوى العاملة والهجرة إزى حضرتك؟
أ/ نعمة محمود سعيد : أهلا وسهلا .
محمد موافى:كنا بنتكلم عن الطفل والتدريب .. التدريب دا ليه من المفترض إن فيه صندوق تمويل للتدريب الصندوق دا مخصصاته منين وبيعمل إيه ؟
أ/ نعمة محمود سعيد : هو صندوق التمويل والتدريب المفروض إن هو يتاخد 1% من أرباح أى منشأة.
محمد موافى:دا قانون ؟
أ/ نعمة محمود سعيد : دا قانون إنه يتاخذ 1% من أرباح أى منشأة على أساس إن هو ممكن إن هم يطوروا ويعملوا مراكز للتدريب المهنى .
محمد موافى:المنشأه قطاع عام قطاع خاص أى منشأه لها طابع فى المهنة ؟
أ/ نعمة محمود سعيد : آه بيؤخذ 1% من الارباح .
ريهام إبراهيم :فيه مشاريع ممكن تكون موجودة بجانب مشروعات التدريب مثلا أو بتدخل فى هذا النطاق وهذا الاطاروخلق إبداعات جديدة فى مجالات مختلفة عند الكوادر البشرية اللى موجودة ؟
أ/ نعمة محمود سعيد : والله إذا كنت بتتكلمى عن التدريب الخاص بالعاملين فى الوزارة طبيعى هو فيها تطوير مستمر لان العمل فى تطوير فبصفة عامه كل خطة سنوية بتختلف عن اللى قبلها حتى إحنا لقينا إن إحنا عشان نعمل كوادر لابد إن يكون فيه برامج إداريه مع البرامج اللى هى خاصة بالانشطة الفنية لان ممكن الواحد يكون فنيا كويس جدا إنما النواحى الادارية ما هواش أقل خبرة فحطينا الى جانب هذه البرامج برامج إدارية ودية بيدوها أساتذة جامعه متخصصين .. فيه عندنا كمان زى ما قلت إن معالى الوزيره مهتمة فدخلت برامج جديدة فى الوزارة .
ريهام إبراهيم :زى إيه بقى البرامج الجديدة ؟
أ/ نعمة محمود سعيد : البرامج الجديدة مثلا عملنا برامج خاصة بمستشار العمال والملحق العمالى ومساعد الملحق يعنى ما فيش حد بيسافرمستشارعمالى إلا لما بيكون حصل على الدوره دية وتم تقييمه فيها .. دوره بتبقى فيها نواحى إقتصادية ونواحى سياسية إزَّاى إن أنا أدرس سوق العمل إزّاى حتى البروتوكول والاتيكيت حتى المفروض إن أنا كمستشار أعرفه بندى لهم جزء كمان عن حضارة مصروأهم معالمها .
ريهام إبراهيم :دا مفيد أد إيه ليهم كواجهة فى الخارج زى ما حضرتك بتقولى بيسافروا بيختلطوا بيشوفوا جنسيات كتير ومختلفة والبعض منها بيكون متقدم جدا ومن دولة كبيرة فى صناعات متعددة يعنى بالتقريب كدا نسب الاعداد قد إيه فدنا فى الموضوع دا ؟
أ/ نعمة محمود سعيد : لاهو أفاد كتيرجدا .. يعنى إنت متخيلة إن كان يسافر مستشار عمالى ما عندهوش برضه دراية بموضوعات كتير لكن إحنا بنأخذ برنامج طويل بيغطى نواحى كتيرة جدا ممكن إن هو لما يسافرهيتعرض ليها .
محمد موافى:يافندم المستشارالعمالى أخذ الدورة وتأهل تأهل كويس جدا وسافر وبدأ يشتغل وما إهتمش بالناس أو فيه حاجه أو فيه حد بقى عنده شكوى إزاى بنتابع وإزاى بنراقب ؟
أ/ نعمة محمود سعيد : والله أنا عايزه أقول معالى الوزيرة فى هذا الموضوع بتتابع بنفسها وهى ما عندهاش على فكرة – كان المستشار العمالى بيسافرويقول لك أنا هأقعد 4 سنين لا هى مفيش عندنا 4 سنين هو المستشاربيتجدد له سنة بسنة اللى ينجح أهلا وسهلا اللى ما ينجحش بينزل .
محمد موافى:طيب والناس اللى بتتفرج علينا دلوقت المصريين اللى بره اللى عنده مشكلة مع المستشار العمالى بتاعه يتصل بالوزارة يعمل إيه ؟
أ/ نعمة محمود سعيد : مع المستشار العمالى ؟
محمد موافى:يعنى راح بشكوى وبشكوى حقيقية وما إهتمش بيه مثلا ؟
أ/ نعمة محمود سعيد : لا أنا أعتقد المستشارين العماليينت اصبحوا حاليا بيهتموا جدا بالشكاوى لان الشكاوى بمجرد لما حد له شكوى بيتعرف فى الوزارة إن له شكوى بتتابعها معالى الوزيره بنفسها .
ريهام إبراهيم :بنفسها فى كل المسؤوليات اللى موجودة ؟
أ/ نعمة محمود سعيد : أى شكوى بتصل لمعالى الوزير بنفسها بتكلم المستشارالعمالى
ريهام إبراهيم :دا إذا تخطت المستشار الاعلامى هذه الشكوى يعنى المستشار الاعلامى لم يتجاوب معاها مثلا.
محمد موافى:أوهى تاخذ بيها خبر على طول ؟
أ/ نعمة محمود سعيد : أحيانا الناس بتبعت لها مباشرة على الفاكس وأحيانا بيبعتوا لها على النت فيه ناس بتعرف التليفون وبتتكلم معالى الوزيره فورا بتتابع مع المستشار العمالى .
ريهام إبراهيم :أستاذه نعمة لو تطرقنا للتدريب المهنى الخاص بقطاع كبير لا يقل أهمية عن الاطفال زى ما إتكلمنا المرأة بشكل عام فى الوزارة قطاع الفتيات العاملات .
محمد موافى:الرجالة ما لهمهمش نصيب طبعا .
ريهام إبراهيم :اللى هم ممكن يكونوا العائل للاسرة بأكملها ودا موجود كتير جدا فى مجتمعنا وبنشوفه الحقيقة إيه دور الوزارة معاهم إيه دور قطاع التدريب الادارة او التدريب المهنى كمان .
أ/ نعمة محمود سعيد : إحنا بالنسبة للتدريب المهنى إحنا عندنا مراكز تدريب مهنى فى المحافظات على مستوى الجمهورية دية بتدرب الشباب والشبات يعنى إذا كان حتى الشابة جاية وأو عايزة فرصة عمل ممكن بيعملوا لها توجيه مهنى بيشوفوا إيه ميولها .
محمد موافى:تنفع فى إيه؟
أ/ نعمة محمود سعيد : تنفع فى إيه وبتبتدى تلحق بالتدريب المهنى بتدرب على المهنة اللى هى ممكن بعد كده تخرج تشتغل فيها .
محمد موافى:يعنى بتروح فين ؟ البنت اللى بتسمعنا دلوقت تروح فين ؟
أ/ نعمة محمود سعيد :أولا هى ممكن تروح مراكز التدريب المهنى فى المحافظات ممكن تروح مكاتب التشغيل فى المحافظات تقول أنا عايزة فرصة عمل أو عايزة أتدرب على عمل عشان بعد كده أشتغل مراكز التدريب المهنى بتعمل بعض الدورات الخاصة حتى للفتيات زى مثلا بتعلمهم الخياطة والتفصيل والحاجات دية وعلى فكرة إحنا بصدد إن إحنا نعد ندوة فى إسكندرية لان كان فيه بعض الفتيات عملوا مشروعات صغيرة عن التفصيل وحاليا هندى لهم دوره علشان يجودوا من إنتاجهم يعنى يبقى فيه جودة للانتاج .
محمد موافى:ودول كانوا بدأوا مع حضرتك ؟
أ/ نعمة محمود سعيد : كانوا بدأو مع مراكزالتدريب .
ريهام إبراهيم :نجحت قد إيه يا أستاذة نعمة التجربة دية مع الفتيات ؟
أ/ نعمة محمود سعيد : والله بتنجح وبيتوقف برضه على الفتاة وهى فعلا عايزة تشتغل وعايزة تنجز.. فيه حاجه كمان بتتعمل حاليا اللى هى مبادرة الصالحية – مبادرة الصالحية بيدربوا الفتيات والشباب اللى هم مؤهل متوسط أو عالى بيدربوهم بحيث إن هم يعملوا مشروعات صغيره علموهم التكييف والتبريد والالموتال .
محمد موافى:دا مرتبط بالمكان هناك وبسوق العمل هناك ؟
أ/ نعمة محمود سعيد : الله هم بدأو دا مشروع دا زى ما قالت الاستاذة إنه هو مشروع - مشروع الوزارة مع منظمة العمل ففى عدد من الفتيات كبير شارك فى هذا المشروع .
ريهام إبراهيم :تعرفى يا أستاذه نعمة إنه إحنا عندنا وحضرتك أكيد أدرى يعنى إنتاج محلى راقى جدا ويتميز ما بين إنتاجات لدول مختلفة ومتعددة إذا بس نتواجد ما بينهم يعنى .
محمد موافى:بالظبط بالذات الصناعات اليدوية .
ريهام : بالذات الصناعات اليدوية يعنى بتُسألى عليها دائما قد إيه ركزتوا على هذه المهن تحديدا الخاصه بثقافتنا وبشكلنا وبحضارتنا ؟
أ/ نعمة محمود سعيد : والله مراكز التدريب حاليا بتدرب على الصناعات السائدة فى المحافظة يعنى سينا هتلقاهم بدأوا يدربوا ثانى كان بدأت تندسر شويه بتاع السيناوى والحاجات دية بدأو يدربوا الفتيات عليها.
محمد موافى:ما هو دا اللى بيجيب جذب سياحى كمان .
أ/ نعمة محمود سعيد : بالظبط هم بيشوفوا إيه النشاط السائد وبيتدربوا عليه زائد إن بيشوفوا برضه المهن اللى طالبها سوق العمل . يعنى إحنا بدأنا ندرب حاليا مثلا على إن هم يصلحوا التليفون المحمول مثلا الحاجات الاليكترونية .
ريهام إبراهيم :للشباب بقى .
أ/ نعمة محمود سعيد : للشباب الله فيه شابات اللى التحقوا بحاجات فى الكهرباء .
محمد موافى:البنت أو الشاب اللى بيروح مراكز التدريب دا وبيلاقى فرصة تدريب هل المركز بيوفر له بعد كده فرصة عمل بعد التدريب ؟
أ/ نعمة محمود سعيد : الله هوعندنا فيه مكاتب تشغيل مطورة فى الوزارة دية بتعمل أحيانا مقابلات بين أصحاب الاعمال وبين اللى هم راغبى فى العمل .
محمد موافى:زى مكاتب التوظيف الخاصة بس دية تبع الوزارة ؟
أ/ نعمة محمود سعيد : بس دية تبع الوزارة بتعمل حتى أحيانا لما بييجى شاب يتقدم إن هو عايزوظيفة أحيانا بيجدوا إن هوممكن يعمل مشروع صغير بتجد وإنت بتتحاور معاه إن هو عنده إستعداد إنه يعمل مشروع صغيرأحيانا بيوجهه لاماكن معينة زى مثلا الصندوق الاجتماعى إن هو يعمل خصخصة .
محمد موافى:مين اللى بيعمل المقابلة دية ؟
أ/ نعمة محمود سعيد : عندنا متخصصين فى مكاتب تشغيل مطورة دول إتدربوا من فترة كبيرة اتدربوا تدريب عالى جدا بيسموه إستشارى توظيف لان هو بيعرف إزاى إن هو يعمل لقاءات وإزّاى إن هو بيقدر يجيب فرص عمل فدية مكاتب مطورة للتشغيل .
ريهام إبراهيم :بعيدا عن كل القطاعات أو الفئات اللى إحنا إتكلمنا عنها فيه فئه أكيد لها مستوى رفيع فى مهاراتها فى كلامها فى حتى إستيعابها لما يوظف فيه دول لهم تدريب مختلف مثلا تدريب إدارى تحديدا مختلف الوزارة بتحاول إنها تضع عليهم الضوء أكتر ؟
أ/ نعمة محمود سعيد : طبعا أنا عايزة أقول إن معالى الوزيرة وإحنا بنعمل التدريب بيبقى لابد إن أحنا بنشوف أفضل الكوادر اللى موجودة عندنا – أفضل الكوادر اللى موجودة عندنا بيبتدى يتعمل لها نظام تدريبى خاص بها .
ريهام إبراهيم :عشان نستفيد منها ومن مهاراتها ؟
أ/ نعمة محمود سعيد : بالظبط بتأخذ تدريب عالى جدا فى المجالات الفنية للوزارة تدريب عالى جدا فى الادارة بتأخذ تدريب فى اللغه الانجليزية والفرنسية إحنا عندنا معمل اللغات الانجليزى والفرنساوى باخذ فى الحاسب الالى زائد أحيانا لما بييجى برضه بعض إن كان فيه سفر لحضور ندوات أو مؤتمرات بتبقى خبرة ثانية خالص خاصةً إن هو بيتعمل لغة فدول بيبقوا فى النهاية بيبقى فيه قائمة بأفضل الكوادرعندنا على مستوى المتخصصين .
محمد موافى:أستاذه أنا كنت عايزأسأل حضرتك على مستقبل قطاع التدريب لكن إيه الخطوة اللى جاية إيه الخطوة اللى حضرتك شغالين فيها دلوقت ؟
أ/ نعمة محمود سعيد : التدريب الادارى ولا التدريب المهنى ؟
محمد موافى:التدريب الادارى
أ/ نعمة محمود سعيد : التدريب الادارى عمره ما زى ما بيقولوا إن هى عملية مستمرة بصفه مستمرة .. هو زى ما بقول لحضرتك مثلا كان معالى الوزيرة إدت تعليماتها إن إحنا نشوف مشاكل التطبيق فى القانون هل الناس دية قابلها بعض المشاكل – القانون بقاله من 2003 ممكن إن هو يكون فيه بعض الملاحظات وعلى فكره معالى الوزيره شكلت فعلا جنة من خبراء قانونيين عشان النظرإذا كان فيه أى ملاحظات تبينت إن هى عايزة تعديل فى القانون مفيش حاجة بتستمر إن أى قانون بتقولى قانون كذا وتعديلاتة .
محمد موافى:وهل لقيت إن فيه حاجه محتاجه تعديل ؟
أ/ نعمة محمود سعيد : والله بعض الحاجات بيدرسوها خبراء فنيين وفيه بعضها على فكرة قدرنا نتوصل فيها من خلا ل التدريب وطالما إنه هيبقى فيه تعديلات طلبها هيبقى فيه تدريب
محمد موافى:تدريب جديد حاجة مختلفة .
أ/ نعمة محمود سعيد : مفيش كلام فالتدريب تدريب مستمر .
ريهام إبراهيم :أى تقصير بيبقى موجود إزّاى بيتم التعامل معاه
أ/ نعمة محمود سعيد : من العاملين ؟
ريهام إبراهيم :من العاملين ومن القائمين على تدريبه .
أ/ نعمة محمود سعيد : لا هو فى الحقيقه ما فيش تقصير من القائمين على التدريب .. أنا عايزة أقول الوزارة مهتمة بالتدريب وفيه كوادرتدريبية كويسة .
ريهام إبراهيم : لكن اكيد فيه دور رقابى ؟
محمد موافى:يعنى زى المدرس عليه مفتش .
أ/ نعمة محمود سعيد :شيئ طبيعى إن فيه رقابة مفيش كلام . . يعنى أنا عايزة أقول لحضرتك حاجة الخطة التدريبية بتُعرض على معالى الوزيرة ودية أبسط حاجة هقولها لك يعنى إن هى بتعرض على معالى الوزيرة وبتشوفها وبتشوف إيه اللى فيها جديد وإيه اللى مفروض إن هويضاف فطبيعى الخطط مش هيتوافق عليها إلا إذا كان فيها جديد عمرك ما هتقدرى تعملى نفس الخطة كل سنة - كل سنة لازم فيه جديد .
محمد موافى:فيه مراجعة للخطط بعد ما بتخلص بنقول إحنا كان المفروض حاجة نزود فيها كان مفروض حاجة غلطنا فيها أوقصرنا فيها فالمفروض تعوض فى الفترة اللى جاية .
أ/ نعمة محمود سعيد : والله حضرتك كل عمل بعد ما بينتهى بتحس إنك إنت ممكن تضع الموضوع دا أو تحذفة وعلى الفكرة التدريب دا بيجيب الاحتياجات الفعلية للعاملين .. يعنى إحنا دائما بنقول للمتدربين حنا بنطورالتدريب بكم لان إنتم اللى فى الميدان فإذا كان فيه أى حاجه شايفين إن إحنا نضيفها فى أى برنامج أو نعمل لكم برنامج فى حاجة معينة دية إحتياجاتكم .
ريهام إبراهيم :أه تتكلموا وتقولوا .
أ/ نعمة محمود سعيد : بالظبط زائد إن إحنا فيه دائما تطوير فى التدريب يعنى مثلا إحنا بنعمل برامج سلامة وصحة مهنية دية برامج مهمة جدا وهو تأمين بيئة العمل البر امج دية مثلا إحنا بنعمل برامج حسب النشاط السائد فى المحافظة يعنى مثلا هتلقى فيه بعض المحافظات فيها نشاط سائد فى البترول بندى لهم سلامة وصحة مهنية فى مجال البترول بنشوف مثلا فيه محافظة فيها مناجم وحديد ندية سلامة وصحة مهنية.
محمد موافى:مسألة إقليمية أو مسألة مرتبطة بالجهة دية .
أ/ نعمة محمود سعيد :بحيث إن هو دا النشاط اللى هو سائد عنده قوى فلازم يبقى عارف بالفعل إزاى إن هو يفتش عليه سلامة وصحة مهنية .
محمد موافى:أستاذة نعمة محمود سعيد وكيل أول وزارة القوى العاملة والهجرة شكرا يافندم على حضورك
أ/ نعمة محمود سعيد : شكرا لحضرتك
محمد موافى:وشكرا يا ريهام
ريهام إبراهيم :شكرا يا محمد وشكرا للسادة المشاهدين حلقة جديدة إن شاء الله إنتظرونا وبرنامج يحدث فى مصر .