يحدث في مصر

ريهام ابراهيم:مساء الخير مشاهدينا الكرام اهلا بكم معانا فى حلقة جديدة من برنامج يحدث فى مصر
خالد عاشور :اهلا بكم مشاهدينا فى كل مكان فى هذه الحلقة من يحدث فى مصر بنفتح ملف مهم جدا بيهم قطاع كبير جدا من الشعب المصرى وهو الملف الصحى
ريهام ابراهيم:وزارة الصحة قدرت فى السنين الكتيرة الماضية انها تنهض بشكل واضح بالقطاع الصحى وناقشنا فى حلقة ماضية من البرنامج مشروع تطوير المستشفيات علشان تقدر المستشفيات تقدم خدمة ترضى المواطن وترضى المريض
خالد عاشور :لكن خلينا نكون صرحاء فى هذه الحلقة رغم الجهود المبذولة واعداد المستشفيات والوحدات الصحية التى بدات فى الزايد فان هناك شكاوى متعددة ولا تنقطع حول الاهمال الطبى فمثلا بعض المسشتفيات لا تقدم انشطة علاجية جيدة وكلنا شاهدون على هذا الوضع هناك ايضا تجارة اعضاء فى بعض مراكز العلاج هناك نقص فى الاطباء المهرة فى بعض المستشفيات الكبرى هناك اتهامات متكررة بتحويل بعض المستشفيات لوكالات تجاريه
ريهام ابراهيم:اسئلة كتير هنطرحها مشاهدينا الكرام على ضيفنا فى الاستوديو الدكتور اسامة جميل رئيس الادارة المركزية لقطاع الطب العلاجى لوزارة الصحة نتحدث معاه باستفاضة اكثر عن هذه الاتهامات
خالد عاشور:اهلا بيك دكتور اسامة يعنى احنا الحقيقه عندنا اتهامات وعندنا تساؤلات بس خلينا الاول يعنى نتعرف على القطاع الصحى من خلال هذا التقرير فيه معلومات اكتر
تقرير
رغم الجهود التى تبذلها الدولة فى سبيل توفير الرعاية الصحيه لكل طبقات المجتمع خاصتا محدودى الدخل ومن لا عمل لهم الا ان هناك بعض الاهمال تشهده بعض المستشفيات الحكوميه بسبب تراخى بعض الاطباء والعاملين بها الا ان هذا الاهمال يقابل بيدا من حديد من وزارة الصحة للوصول بالرعاية الصحية الى المستوى المناسب للمواطن المصرى ,ما بين شكوى المواطنين ونفى المسئولين تبقى المستشفيات الحكومية هى الملاذ الامن لتقديم الرعاية الصحيه جديدة وباسعار تناسب كل فئات الشعب
ريهام ابراهيم:نعود بكم مشاهدينا الكرام ونبدا هذا الحوار للتعرف اخر اخبار المستشفيات وكيف يتم ارضاء المريض وارضاء المواطن لان الصحة بالطبع اغلى شىء للانسان نبتدى مع حضرتك بالخطة الموضوعة للمستشفيات ايه هو الجديد فيها ازاى حاولتوا تقدموا بشكل اكثر تطورا فى المستشفى ؟
د:اسامة جميل :
الحقيقه الخطة الجديدة بتشمل عدة محاور المحور الاولانى البنية التحتية وتطويرها المحور التانى الانشاءات والتجهيزات اللى بنمد بيها المستشفيات المحور التالت ودا الاهم ان احنا مركزين على العنصر البشرى اللى هى العنصر المهم فى المنظومة بتاعة الصحة اللى هما الاطباء والتمريض والفنيين اللى هما المستشفيات كلها بتعتمد عليهم فى تقديم الخدمة الصحيه دى ال3 محاور اللى احنا شغالين عليها فى تطوير المستشفيات بالاضافة للاشراف والمتابعة لانوا طبعا يجب ان نعترف ان هناك بعض التجاوزات يعنى بنعترف بى هذا ونعترف برده ان هناك فارق فى القطاع الصحى وبين اى قطاع تانى القطاع الصحى بيقدم خدمة اى قطاع تانى بيقدم منتج احنال بنقدم خدمة صحيه خدمة صحيه دى ليها عناصر واهم عنصر فيها هو العنصر البشرى انوا وارد يبقى فيه اخطاء دا بنعترف بيه انما بالمتابعة والمراقبه احنا سياسة الثواب والعقاب مطبقة واعتقد دا باين جدا فى سياسة وزارة الصحة منذ ان تولى الدكتور حاتم الجبلى انا بنفسر كرئيس للادارة المركزيه انا عندى بيبقى اسبوع فى المكتب والاسبوع التانى بلف على كل محافظات مصر وبتبقى زيارات مفاجئة وعندنا فرق للتقييم والمتابعة بتلف فى 29 محافظة كبار
خالد عاشور :طب لما بتنزل الزيارت الميدانيه دى بتشوف ايه ؟
د:اسامة جميل : بغض النظر يعنى انا واحد من البلد مواطن عادى من قبل ما اكون مسئول طبعا فيه بعض الاطباء تنقصه الخبرة فيه بعض الاطباء تصرفاتهم فيها شىء من الاهمال فيه ناس بتبقى ملتزمة ودا بيبقى موجود النمازج اللى انا بقوله دى موجوده فى كل قطاع مش فى القطاع الصحى بس المهم ان هذه النمازج يبقى ليها متابعة باستمرار احنا لا نكتفى بى الجزا فقط يعنى انا الاسبوع اللى فات كان ليا جولة لمدة 9 تيام على المحافظات نص الجولة كانت فيه محافظات الوجه البحرى ونصها فى الوجه القبلى اعفينا مديرين مستشفيات من مهامهم ونقلنا ناس يعنى لا نكتفى بالجزا فقط بننقل لفترة وبعدين بنرجع تانى علشان نحسس الناس ان العامل الوحيد اللى هيدى الناس الاستقرار فى اماكن عملها هو الاداء وتقويم الخدمة مش عايزين حاجة غير انهم يادوا الخدمة المطلوبه منهم والمريض الى حدا ما يخرج عنده شعور بالرضا من الخدمة اللى بتتقدمله
ريهام ابراهيم:للاسف يا دكتور يعنى فيه زى ما حضرتك ذكرت كلامك فى البداية انوا فيه بعض التجاوزات فيه تجاوزات بينتج عنها شكاوى من المرضى ومن اسر المريض باهمال طبى من الدكتور نفسه من اسرة التمريض دا بيخلى البعض بيلجا للعلاج فى مكان اخر فى بلد اخرى
د:اسامة جميل : هقول لحضرك على النسب بتاعة العلاج الخاص والعلاج الحكومى فى بلدنا العلاج الحكومى بيمثل بنسبة 4 لى واحد فى العلاج الخاص يعنى كل 4 مرضى بيتعالجوا فى المستشفيات الحكوميه امامهم واحد بيتعالج فى القطاع الخاص دا برضه بيدينا مؤشر انوا مازالت الخدمة الصحيه اللى بتتقدم رغم بعض التجاوزات وزى ما قلت دى موجوده واحنا بنتابعها بالنسبة لقطاع التمريض قطاع التمريض دا قطاع مهم جدا قطاع ابتدى يتبصله بنظرة تانيه وبشكل مختلف بمعنى ان احنا بنحسن بتحسين الكادر بتاعهم مع كادر الاطباء علشان نعملهم حاجة اسمها تحفيز بنديهم مقابل
ريهام ابراهيم: زى ايه بقى يا دكتور لان قطاع التمريض يعنى هو عامل اساسى جدا لعلاج المريض هو عامل اساسى جدا لاسرة المريض قطاع المريض واكيد حضرتك ادرى يعنى فى الخارج او فى بلد زى الدول الاوروبيه او فى غيرها يعنى بيتم التحميل عليه بشكل كبير جدا فى علاج المريض ممكن المريض بيستريح للممرضين وبيتناقش معهم اكتر من الطبيب المعالج عملتلهم ايه عندنا علشان يكون فيه عوامل تحفيز وعوامل تشجيع؟
د:اسامة جميل : نمرة واحد التحفيز ارتفعت نسبة النبتشيات وبنرفع دلوقتى الحوافز بتاعتهم بحيث انها هتبلغ اعتبارا من 1:7:2010 اللى هو بداية السنة الماليه الجديدة هنزودلهم 200% من المرتب الاساسى بالنسبة للتمريض بالاضافة للعنصر المهم جدا انوا حضرتك لازم ياخدوا مهارات التعامل او حضرتك فيما يسمى ازاى لم يخشوا العيان تبصوا فى وشه وتضحكله العامل النفسى ده اللى بتديه للعيان فى جزء كبير جدا من العلاج دا اللى دلوقتى بنحاول او مش بنحاول احنا ابتدينا فيه بقلنا سنين ان احنا الدورات التدريبيه معاهم شغالة باستمرار مهارات الاتصال والتواصل مع المرضى ودا الا حد ما شغال الحمد الله يعنى اعتقد ان هناك مرهون بتاع الكلام ده المردود بتاع الكلام ده اقدر اقول لحضرتك ان القصه فى تحسن مستمر انما هذا لا ينفى ان هناك بعض التجاوزات بنعترف بيها
خالد عاشور :ب دا عن العنصر البشرى اذا اتكلمنا عن عنصر الاجهزة فى فى بعض التردى فى بعض مستشفيات الحكومة الى نقص فى المعدات الى نقص فى الاجهزة منها على سبيل المثال حضانات الاطفال خلينا نتكلم عن الجانب ده تحديدا
د:اسامة جميل : شوف حضرتك واحنا بنتكلم دلوقتى من حوالى 3 تيام بالضبط فيه 400 حضانة جديدة اتوردت بتعقدات تعاقدت عليهم وزارة الصحة وابتدى توزيعهم بالفعل من 3 تيام على مستشفيات مصر كلها بالاضافة الى الاعداد الموجوده احنا السنادى تم رصد 400 مليون لتجهيز المستشفيات تجهيز المستشفيات يعنى شراء اجهزة جديدة بالاضافة الى الاجهزة الموجوده هناك ميزانيه كمان فى الوزارة لصيانة الاجهزة صيانة الاجهزة دى مرصودلها فوق ال250 سنويا لصيانة الاجهزة فى المستشفيات مليون بالاضافة الى ان كل سنة بيبقى فيه تجديد واحلال اعتقد ان الطفرة اللى شافتها الوزارة فى ال4 سنين اللى فاتوا الحقيقه طفرة غير مسبوقة بتغطى كل التخصصات وبتغطى جغرافيا من القاهرة لحد اسوان يشمل هذا المحافظات الحدوديه اللى هى البحر الاحمر الوادى الجديد واسوان المحافظات دى كانت محرومة من الاجهزة دى النهاردة حضرتك بتنزل اسوات تلاقى فيها مركز اورام تلاقى فيها اشعة مقطعيه تلاقى فيها رنين مغناطيسى سوهاج فيها مركز اورام الوزارة النهاردة فيها 11 مركز اورام موزعين جغرافيا على المحافظات
خالد عاشور : الاجهزة دى بتشمل ايضا اجهزة الغسيل الكلوى حضرتك قلت الحضانات اجهزة علاج الاورام ايه كمان ؟
د:اسامة جميل : النهاردة المستشفيات العامة المستشفيات المركزية المركزية اللى هى بتبقى 50 سرير اى مستشفى مركزى حضرتك بتلاقى فيه وحدة غسيل كلوى وحدات الرعاية الصحية الاوليه انا لا اعتقد انوا بقى فيه مشكلة على مستوى مصر فى اجهزة الغسيل الحقيقة يعنى الوزارة كل سنة فيه استثمارات بتتضخ فى اجهزة الغسيل الكلوى دى بالذات واجهزة الاشعة وحضانات الاطفال زى ما بقول لحضرتك 400 حضانة من 3 تيام انا ماضى على توزعهم على مستشفيات مصر
ريهام ابراهيم:
موضوع مهم الحقيقه جدا وهو نفايات المستشفى بيتم التعامل معاها مش بس بشىء من التقصير يعنى بيتم التعامل معاها بشكبل غير مطلوب على الاطلاق وبيبقى ليها مردود ان فيه مرضى بيخرجوا نتيجة ان فيه نفايات بيتم اعادة تدويرها نفايات المستشفى كلها حقن اكياس يعنى ازاى ممكن يكون فيه ضوابط وقواعد ممكن تحكم هذه العمليه ؟
د:اسامة جميل : شوفى حضرتك السؤال ده مهم جدا حضرتك طبعا الضوابط دى مقننه بقانون كل من يخالف هذا القانون بيتعرض لعقوبة الحبس او الغرامة تمام من ناحية ان فيه قانون رادع فيه قانون رادع المستشفيات النهاردة فيها ايه ؟ فيه مستشفيات عندها محطة لمعالجة النفايات انا كنت مدير مستشفى سابق مستشفى المطرية التعليمى كان عندنا محطة معالجة نفايات داخل المستشفى
خالد عاشور : يعنى معالجة النفايات بتبقى تبع وزارة الصحة ايضا ؟ بالاشتراك مع وزارة البيئة مش كده ؟
د:اسامة جميل :
بالاشتراك مع وزارة البيئة لكن بس هى جاية من ميزانية الوزارة تمام يعنى مستشفى المطرية التعليمى وحوالى 4 او 5 مستشفيات تعليميه عندها المحطة دى المحطة دى بتعمل ايه ؟ بتاخد النفايات فيه نوعين من النفايات نفايات امنه وفيه نفايات غير امنه النفايات الامنه دى احنا كنا عاملين تعاقد مع هيئة نظافة القاهرة هى اللى بتاخدها وبتوديها الاماكن المخصصة ليها النفايا الامنه هى دى اللى كانت بتدخل عندنا فى المحطة
خالد عاشور :الغير امنه يا دكتور ؟
د:اسامة جميل: الامنة الغيرامنه بتتاخد لانها بتدفن فى اماكن ولازم بيتفتش عليك من وزارة البيئة انا كنت مدير مستشفى سابق وعارف الكلام ده بيتفتش عليك من وزارة البيئة ويجى يشوف العقد اللى انت عامله
ريهام ابراهيم :بعد الفاصل لينا حديث عن النفايات الغير امنه والامنه ابضا بعد الفاصل نرجعلكم مرة تانيه
فاصل
خالد عاشور: رجعنالكم مرة تانية مشاهدينا الاعزاء الاهلا بيكم فى يحدث فى مصر وحديث متواصل عن قطاع الطب عن العلاجى فى وزارة الصحة مع الدكتور اسامه جميل دكتور اسامة اهلا بيك مرة تانيه وكنا بنتكلم قبل الاصل عن نفايات المستشفيات كيف يتم التخلص منها وكيفية تصنيفها الى امنة وغير امنه اتفضل حضرتك
د:اسامة جميل :النفايات الامنه طبعا بيبقى ليها مقاييس ومعايير معروفة والنفايات الغير امنه بيبقى ليها مقاييس يعنى معروفة ومحسوبة زى ما بقول لحضرتك النوعين من النفايات دول النفايات الامنه بيتم التخلص منها فى المحطة الخاصة باى مستشفى دوى موجوده فى كل المستشفيات لو المستشفيات معندهاش هذه المحطة بتتعاقد مع مستشفى اخر مجاور على انها تتخلص من النفايات لان زى ما بقول لحضرتك الموضوع دع مجرم بالقانون وهناك لجان دوريه بتفتش من وزارة الصحة ووزارة البيئة على موضوع النفايات النفايات الغير امنه هناك شركات تابعة للمحافظات هى اللى المستشفيات بتتعاقد معاها عقود سنويه بتاخد النفايات وبتتخلص منها فى اماكن المتخصصه لذلك
ريهام ابراهيم : يبقى المشكلة بقى مع الغير امنه لان المستشفى هى المسئولة عنها لكن الغير امنه هى اللى بتخرج هناك نفايات الحقيقه ان فيه تجار فى الموضوع ده بيعملوا اعادة تدوير بنفسهم وبتحصل مشاكل يعنى حضرتك شفت فى فيلم تسجيلى عن مكان يسمى البراجيل البراجيل دى بيتم فيها التجارة دى وتجارة يعنى ليها اشخاص كتير ومتعددين وناجحين فيها
خالد عاشور :
خاصتا الموادج البلاستيكيه
ريهام ابراهيم:
وبيتم البيع بسعر رخيص جدا
د:اسامة جميل :
شوف انا هقول لحضرتك المواد البلاستيكيه زى الحقن بتنكسر السنون ونفس السرنجة بتتحط فى المحطة وبعد ما بيتم معالجتها كيميائيا بتيجى الشركة المتعاقد معاها بتاخدها بتحطها فى اماكن اللى هتدفنها فيها ودى بتبقى اماكن تحت سطح الارض بعقد هناك لجان بتيجى من وزارة الصحة بصفة دوريه ووزارة البيئة وهما نشطين جدا الحقيقه فى الموضوع ده لانوا زى ما بقول لحضرك هو مجرم بالقانون ففى متابعة دورية لهذا الموضوع لا اتقعد ان هناك تجاوزات بالنسبة للمستشفيات لان دى حاجة فى منتهى الخطورة مسئوليه قانونيه وجنائية على مدير المستشفى لانها مجرمة بنص القانون وبالتالى التجاوزات اللى بتحصل فى المستشفيات دى يعنى لا اعتقد انها تمثل نسبة كبيرة
خالد عاشور :
دكتور اسامة خلينا نتعرض انقطة اخرى وهى خطة الوزارة فيما يتعلق بخطة مكافحة العدوى يمكن لسه خارجين من موسم انفلونزا الخنازير والحقيقه كان فيه شغل من وزارة الصحة كان مشهود ليه فى هذا المجال ايه الخطة العامة لمكافحة العدوى بشكل عام ؟
د:اسامة جميل :
مكافحة العدوى فى المستشفيات الغرض منها او المردود النهائى هو تقديم خدمة طبية امنه بمقياس عالى من الجوده وفى سبيل ان احنا نحقق هذا المردود او هذا الهدف المفروض هناك اشتراطات وتعليمات بالنسبة لمكافحة العدوى فى المستشفيات ازاى تتخلص من المخلفات بتاعتنا الاكياس بيبقى ليها لون معين علشان نتخلص من نفايات معينة ونفايات اخرى سنون الابر علشان ما يحصلش فيها شك سواء لمريض او للمرضه او للدكتور اللى هو بيقدم الخدمة المفروض ببتحط فى مكان معين واخر اليوم بتتلم وبتتحط فى مكان اخر لحين نقلها لمحطة معالجة النفايات الحاجات دى كلها اشتراطات يجب مراعاتها التفاصيل دى اللى احنا متخيلين انها بسيطة دى كلها احنا بنعمل فيها دورات تدريبيه بالنسبة للتمريض بالنسبة للتعقيم بالنسبة للاطباء الشغل دا ماشى فى المستشفيات احنا عندنا عدد كبير جدا من المستشفيات معايير الجودة عندهم فوق ال 85 و 80 % وعندنا حوالى تقريبا 8 مستشفيات ابتدوا يخشوا فى برنامج الاعتماد
خالدعاشور: برنامج الاعتماد ايه بقى مقاييس الاعتماد ؟
د:اسامة جميل :
مقاييس الاعتماد احنا عندنا هيئة هنا بتعتمد المستشفيات طبعا بيبقى فيه اشتراطات معينة الاشتراطات المعينة دى المفروض بتحققها المستشفى اى مستشفى بتحقق معدل الجوده فوق ال85% بتبتدى تدخل برنامج الاعتماد برنامج الاعتماد ده مرحلة اخرى من مراحل تجويد الخدمة الصحية اللى بتتقدم للعيان بمعنى ان كل حاجة بنتبتدى نحطلها معامل بمعنى كم مريض دخل العمليات النهاردة وكل مريض دخل وخرج واللى بعده دخل الفترة الزمنية كانت ما بينهم قد ايه ؟ نسبة التلوث فى الجروح قد ايه ؟ دى معايير اللى بنبيتدى نبنى عليها دا مثال بسيط يعنى
ريهام ابراهيم:
دى معايير الجوده حضرتك علشات تدخل هذا البرنامج ؟
لا معايير الجودة وبنبتجى نطبقها فى برنامج الاعتماد الفتارة اللى انتظرها المريض فى ساحة الانتظار قبل ما يدخل الدكتور ؟ الدكتور قعد معاه قد ايه كشف عليه ؟ اخد وقت قد ايه على ما خرج من العيادة الخارجيه ودخل للقسم الداخلى دى كلها معايير بتبقى محسوبة وبالتالى بنبتدى ندى عليها الاعتماد للمستشفى معايير عالميه
خالد عاشور:طيب كم فى % من المستشفيات الحكومية استطاع ان يحصل على هذا الاعتماد
د/اسامة جميل :احنا فى 8 مستشفيات دخلت فى البرنامج انما فى مستشفيات زى ما بقول لحضرتك يمكن فوق ال100 مستشفى واخد سكور ما بين 75 و82% فى الجوده احنا ما بندخلش الاعتماد الا المستشفيات اللى واخده جايبه فوق ال85
ريهام ابراهيم: طيب الطبيب بقى حضرتك ختمت اخر المعايير بالدكتور فيه قرار حضرتك اصدرته بخصوص مستحقات الاطباء فى النباتشيات ازاى بيتم صرف هذه المستحقات فى ضوابط ومعايير تخص هؤلاء الاطباء ما كنوش بيحضروا النباتشية ولا ايه ؟
د/اسامة جميل : هو حضرتك مش قرارى هو قرار انا فعلته الوزارة النهاردة حسنت الحوافز بتاعة النباتشيات بعد ما كانت 5 جنيه الدكتور حاتم عملها 45 للطبيب المقيم 57 للاخصائى 100 للاستشارى وبالتالى هذا حافز يصرف مقابل عمل يؤدى العمل اللى بيؤدى انوا الطبيب بيؤدى عمله فى يوم النباتشية على مدار ال24 ساعة لو ما كنش موجود على مدار ال24 ساعة لا يحق له الصرف
ريهام ابراهيم: بيجازى برده يا دكتور اسامة ؟
خالد عاشور :علشان تحسن دخلها مش كده ؟
د:اسامة جميل :
اه طبعا بيجازى لانوا زى ما بقول لحضرتك الثواب والعقابة هو اللى هيخلى الناس تلتزم بالمستشفيات يوم النباتشيه دا بيبقى ايه بيبقى يومين فى الاسبوع يعنى معتقدش انوا مشكلة انوا الطبيب المقيم يبات يومين تلاته لانوا التايتل بتاعه حضرك طبيب مقيم يعنى المفروض قاعد فى المستشفى ما يغادرهاش لان هى دى الفترة اللى بياخد فيها الخبرة العمليه وزبياخد فيها الماجستير بتاعه او الدرجة العلمية بتاعته اللى بتاهله بعد كده انوا يترقى
خالد عاشور: ضعف الدخل يا دكتور بالنسبة لطبيب المستشفيات الحكوميه هو دا اللى بيخلى مستشفيات الحكومى تفقد ثروة بشريه مهمة جدا يعنى كان عندها ومازال عندها اكفا الاطباء يعنى ضعف الدخل ده بيخلها تروح مراكز خاصة ومستشفيات خاصة
د/اسامة جميل : جزء من عملى انا كطبيب انا ليا عملى حكومى وعمل فى القطاع الخاص المفروض انى انا اجى عملى الحكومى وبعد عملى الحكومى اروح عملى الخاص انما انا من رايى القصة مش قصة الناس دى فين ؟ يعنى تروح محافظة من المحافظات تلاقى الدكاترا توزيعهم فى المستشفى الرئيسى بتاع المحافظة والمستشفيات اللى فى المراكز اللى داخل المحافظة مفيش هو التوزيع ده بيتم بناءا على ايه للاطباء؟
د/اسامة جميل: التوزيع ده المفروض بيتم طبقا لاحتياجات كل مستشفى انما فى الواقع لايتم طبعا كل واحد بيعرف حد بيجيب واسطة وبيروح المستشفى الكبيرة فى المحافظة فطبعا دلوقتى الكلام ده بنقلبوا 180 درجة لان المفروض توزيع القوى البشرية بتاعتنا سواء اطباء سواء تمريض يبقى على حسب الاحتياجات لللمستشفيات الموجوده داخل المستشفيات وليس مستشفى واحدة بعينها
خالد عاشور :
طب خلينا نلقى الضوء دكتور اسامة بشكل مستقل عن الصعيد وحضرتك اشرت من خلال لقاءنا لنمازج مشرفة جدا فى اسوان وفيه سوهاج وفيه محافظات اخرى فى الصعيد الصعيد بدا ينظر لى نظرة اخرى فى السنوات الاخيرة الحقيقة الرئيس مبارك وكان بيتدخل لنولى الصعيد اهمية عن ذى قبل بالنسبة للقطاع الصحى كلمنا بالارقام يعنى الصعيد حصل فيه ايه ؟
د/اسامة جميل: لحقيقة الفترة الاخيرة شافت طفرة فى الخدمات الصحية والاجهزة اللى راحت فى محافظات الصعيد الحقيقة يعنى بدءا من اسوان حتى بنى سويف سوهاج مثلا سوهاج النهارد فيها مركز يعنى مش على نطاق مصر بس النهاردة مركز عالمى فى القلب فى سوهاج مكانه متميز جدا بيقدم خدمة متميزة فيه قاسط محترم جدا المستشفيات الصعيد دلوقتى بتدخل حضرتك تلاقى اجهزة زى ما بقول لحضرتك طفرة ما حصلتش قبل كده تدخل المستشفى تلاقى جهاز رنين مغناطيسى وجهاز اشعة مقطعية تدخل وحدة تلاقى فيها 15 و20 حضانة الكلام ده ماكنش موجود قبل كده الصعيد النهاردة انا بعتقد الطفرة اللى موجود فيها دى باين مردودها للخدمة الصحية لمحافظات
خالد عاشور : ودا على فكرة دكتور اسامة بيصب فى القاهرة لانه
د/اسامة جميل : هيقلل من المركزية ويقلل قوائم الانتظار اللى احنا بنتكلم عليها يعنى النهاردة لما يبقى فيه مركز اورام فى اسوان الناس مش هتضطر تيجى من اسوان للقاهرة لما يبقى فيه مركز للقلب فى سوهاج الناس مش هتضطر تيجى من الصعيد علشان تروح مستشفى القلب فى القاهرة فيه راحة للمريض اصلا ولاهل المريض يعنى هى طبعا فى الاساس هى مهمة انسانية الطبيب والقائمين ايضا على هذا القطاع ربنا يوفقكم اكتر واكتر فى القطاع الصحى وتفضل مصر كده باسمائها اللامعة فى هذا المجال دكتور اسامة جميل رئيس الادارة المركزية لقطاع الطب العلاجى فى وزارة الصحة شكرا لحضرتك
خالد عاشور: ونلتقى انشاء الله على خير شكرا ليكم وان شاء الله نلتقى على خير فى حلقة جديد من يحدث فى مصر